دھابیجی اکنامک زون میں چینی تاجروں کا اظہار دلچسپی

دھابیجی(پی پی آئی)عوامی جمہوریہ چین کے کمرشل و اکنامک قونصلر یانگ گوانگ یوان نے کہا ہے کہ چین اور پاکستان کے برآمد کنندگان و درآمد کنندگان کے درمیان تاجر اتحاد کا انعقاد کرنے کے لیے کام جاری ہے۔انہوں نے کہا کہ اس اتحاد کا مقصد دونوں دوست ممالک کے تاجروں کو سہولیات فراہم کرنا ہے کہ تاکہ وہ ایک دوسرے کے ساتھ معلومات کا تبادلہ کرسکیں۔پی پی آئی کے مطابق ان کا کہنا تھا کہ 20 سے زائد چینی تاجر اتحاد میں شامل ہونا چاہتے ہیں۔کمرشل قونصلر نے کہا کہ دھابیجی اسپیشل اکنامک زونز یک پرکشش منصوبہ ہے، اس منصوبے کے حوالے سے ایک تھنک ٹینک اور چین کی مختلف کمپنیوں نے اس بات کا جائزہ لیا ہے کہ چینی کمپنیاں دھابیجی اسپیشل اکنامک زونز میں کیسے اور کیا کام کرسکتی ہیں۔