کمشنر کراچی نے دودھ کی قیمت میں 10 روپے فی لیٹر اضافے کی منظوری دے دی سرکاری نرخ 170روپے سے بڑھا کر 180 روپے مقرر، 200روپے لٹر فروخت کا خدشہ

کراچی (پی پی آئی)کمشنر کراچی نے دودھ فروشوں کے ساتھ اجلاس میں دودھ کی قیمت میں 10 روپے فی لیٹر اضافے کی منظوری دے دی۔ پی پی آئی کے مطابق کمشنر کراچی نے ڈیری فارمرز کی بات ایک بار پھر مانتے ہوئے دودھ کے سرکاری نرخ 170روپے سے بڑھا کر 180 روپے کردیے ہیں حالانکہ شہر میں دودھ پہلے ہی180 روپے لٹر فروخت ہے،خدشہ ہے کہ اب دودھ فروش 200روپے لٹر فروخت کیا کریں گے۔