مساجد، مزاروں اور خانقاہوں میں وعظ کی صدیوں پرانی روایات پر پابندی کا خدشہ
سری نگر (پی پی آئی)مقبوضہ جموں و کشمیر میں ریاستی وقف بورڈہندوتوا ایجنڈے کو آگے بڑھارہیاہے۔وقف بورڈ نے لاؤڈ اسپیکروں کے استعمال سے متعلق تازہ ہدایات جاری کی ہیں۔ وقف بورڈ کی ان ہدایات کے بعد مقبوضہ علاقے کی مساجد، مزاروں اور خانقاہوں میں وعظ اور خطبوں کی صدیوں پرانی روایات پر پابندی عائد کئے جانے کا خدشہ ظاہر کیاجارہا ہے۔ وقف بورڈ نے آزادی کے حق میں بحث و مباحثوں اور تقاریر کاذکر کئے بغیر نوٹس میں کہاہے کہ مساجد، مزاروں اور خانقاہوں میں لاؤڈ اسپیکروں “حساس مسائل کو اٹھانے اور تنازعات کو ہوا دینے کے لیے غیر مجاز طورپراستعمال کیا جا رہا ہے”۔بورڈ کے نوٹس کے بعد اب کوئی بھی شخص متعلقہ انتظامیہ کی پیشگی اجازت کے بغیر لاؤڈ اسپیکر کا استعمال نہیں کرسکے گا۔ تمام منتظمین کو اس حکم پر سختی سے عمل درآمد یقینی بنانے اور خلاف ورزی پر فوری قانونی کارروائی کرنے کی ہدایت کی گئی ہے۔