بلوچ کلچر ڈے ملک بھر میں منایا گیا

کوئٹہ/قلات (پی پی آئی)بلوچستان سمیت ملک بھر میں بلوچ کلچر ڈے انتہائی جوش و خروش اور قومی جذبے کے تحت منایا گیا۔پی پی آئی کے مطابق کلچر ڈے کی مناسبت سے محکمہ ثقافت‘ سیاسی جماعتوں اورطلباء تنظیموں نے مختلف شہروں میں تقریبات کاانعقاد کیا جس میں بلوچی روایات اور ثقافت سے متعلق اسٹالز بھی لگائے گئے اور بلوچی اشیا اور دستکاریوں کی نمائش بھی ہو ئی جبکہ مختلف مالز میں بلوچی محفل موسیقی کے پروگرام بھی منعقد ہوئے۔