عمران نیازی کی عدلیہ بچاؤ تحریک ملک کے نظام عدل کے منہ پہ طمانچہ ہے: مریم اونگزیب

اسلام آ باد(پی پی آ ئی)وفاقی وزیر اطلاعات و نشریات مریم اونگزیب نے کہا ہے کہ عمران نیازی کی عدلیہ بچاؤ تحریک ملک کے نظام عدل کے منہ پہ طمانچہ ہے۔سماجی رابطے کی ویب سائٹ ٹوئٹر پر اپنے بیان میں لیگی رہنما مریم اونگزیب نے کہا ہے کہ عمران خان کوتنقید کا نشانہ بناتے ہو ئے کہا ہے کہ فارن فنڈڈ ایجنٹ، توشہ خانہ چور، قوم کے 190 ملین کا امانت خور، القادر ٹرسٹ کا رشوت خور، عدالتی بھگوڑا گیدڑ عدلیہ بچانے نہیں بلکہ اپنے جرائم سے فرار عدلیہ سے بچنے نکلا ہے۔انہوں نے کہا ہے کہ عدلیہ نوازشریف جیسا شیر لیڈر بچاتا ہے، پولیس کے ڈر سے بل میں چھپ جانے والا گیدڑ نہیں۔ اپنی چوریوں اور جرائم پر “عدلیہ سے بچاؤ” تحریک کے پیچھے نہ چھپو۔عدلیہ کو تب بچانا تھا جب ثاقب نثار کو جھوٹے صادق اور امین سرٹیفیکٹ لینے کے لئے فون کرتے تھے۔