معیشت پر منفی اثرات سے تاجر برادری شدید تشویش میں مبتلا

کراچی (پی پی آئی) پاکستان کے موجودہ معاشی حالات اور سیاسی ہنگاموں کی وجہ سے معیشت پر ہونے والے منفی اثرات کو لیکر تاجر برادری شدید تشویش میں مبتلا ہے۔پی پی آئی کے مطابق تاجر رہنما کاشف صابرانی نے گفتگو کرتے ہوئے کہا کہ موجودہ ملکی معاشی صورتحال میں کاروباری حالات بالکل بھی سازگار نہیں ہیں۔تاجروں کو امپورٹ ایکسپورٹ میں دشواریوں کا سامنا ہے آئی ایم ایف کب تک قرض فراہم کرتا رہے گا؟ڈالر نے تمام ریکارڈ توڑ ڈالے، روپیہ ملکی تاریخ کی پست ترین سطح پر پہنچ گیا ڈالر آسمان پر پہنچ چکا ہے، موجودہ حالات میں گھر چلانا بچوں کی اسکول فیس بھرنا مشکل ہوگیا۔