پی ڈی ایم کارکنان گیٹ پھلانگ کر ریڈزون میں داخل

اسلام آباد (پی پی آئی)پاکستان ڈیموکریٹک موومنٹ کے کارکنان ریڈزون میں داخل ہو گئے، پی ڈی ایم کارکن نعرے لگاتے ہوئے سپریم کورٹ کے باہر پہنچ گئے۔ پی ڈی ایم کے سربراہ مولانا فضل الرحمان کی جانب سے سپریم کورٹ کے باہر دھرنے کا اعلان کیا تھا،پی پی آئی کے مطابق جمعیت علمائے اسلام (ف) نے سپریم کورٹ کے باہر دھرنے کیلئے ڈپٹی کمشنر اسلام آباد کو درخواست جمع کروا دی تھی تاہم انتظامیہ کی جانب سے دھرنے کی اجازت نہیں دی گئی۔پی ڈی ایم کے کارکن بڑی تعداد میں ریڈ زون کے باہر جمع تھے،کارکن گیٹ پھلانگ کر ریڈزون میں داخل ہو گئے،ان کاکہناتھا کہ ہم سپریم کورٹ کے سامنے ہی دھرنا دیں گے۔