اسلام آ باد(پی پی آ ئی) پاکستان کے کرنٹ اکاؤنٹ خسارے میں موجودہ مالی سال کے پہلے گیارہ مہینوں میں 81 فیصد کی بڑی کمی ریکارڈ کی گئی جب ملک کا کرنٹ اکاؤنٹ خسارہ 2.9 ارب ڈالر رہا ہے جو گزشتہ مالی سال کے ان مہینوں میں 15.1 ارب ڈالر تھا۔اسٹیٹ بینک کے مطابق ملک کا کرنٹ اکاؤنٹ مئی کے مہینے میں سرپلس رہا۔ اس مہینے میں کرنٹ اکاؤنٹ 25 کروڑ پچاس لاکھ سرپلس رہا جب کہ گزشتہ سال مئی میں کرنٹ اکاؤنٹ 1.5 ارب ڈالر خسارے میں تھا۔پاکستان کے کرنٹ اکاؤنٹ خسارے میں آنے والی کمی کی وجہ ملکی درآمدات میں کمی ہے۔ مئی کے مہینے میں ملکی درآمدات میں 30 فیصد کی کمی ریکارڈ کی گئی اور برآمدات میں چھ فیصد کا اضافہ ریکارڈ کیا گیا تاہم ترسیلات زر میں 10 فیصد کی کمی ریکارڈ کی گئی۔
Next Post
انسانی سمگنگ کے معاملے پر کمیٹی ایک ہفتے میں رپورٹ پیش کرے گی: رانا ثنا اللہ
Tue Jun 20 , 2023
اسلام آ باد(پی پی آ ئی) وفاقی وزیر داخلہ رانا ثنا اللہ نے کہا ہے کہ انسانی سمگلروں سے متعلق تحقیحقات جاری ہیں اور ان سے متعلق عالمی تعاون بھی حاصل کیا جائے گا۔نجی میڈیا کے ایک پروگرام میں بات کرتے ہوئے لیگی رہنما اور وزیر داخلہ رانا ثنا اللہ […]