حیدر آباد: سابق صدر اور پی پی پی کے شریک چیرمین آصف علی زرداری نے مٹھی میں تھرکول آفس کے قریب آراو پلانٹ کا دورہ کیا، چیف آپریٹنگ آفیسر ارشاد حسین کو ہدایت کرتے ہوئے کہا کہ تھر کے لوگوں کو پینے کے صاف پانی کی فراہمی کو یقینی بنانے کے لیے آر او پلانٹس کو فعال کیا جائے اور خرابی کی صورت میں ہنگامی بنیادوں پر ان کی مرمت کروائی جائے ۔دورے کے دوران وزیر اعلیٰ سندھ سید قائم علی شاہ ، صوبائی وزیر اطلاعات شرجیل انعام میمن ، صوبائی وزیر لائیو اسٹاک جام خان شورو، صوبائی وزیر زکوٰة دوست علی راہیمو، ایم این اے فقیر شیر محمد بلالانی ، ایم پی ایز ڈاکٹر مہیش کمار ملانی ، نواب تیمعور تالپور ، ریلیف کو آرڈینیٹر تاج حیدر، ڈویژنل کمشنر میرپورخاص ساجد جمال ابڑو ، ڈی آئی جی پولیس محمد امین یوسف زئی ، ڈی سی مٹھی آصف اکرام اور متعلقہ افسران بھی وہاں موجود تھے ،آصف علی زرداری نے ہدایت کرتے ہوئے کہا کہ جہاں جہاں آر او پلانٹس پر کام جاری ہے وہاں ترجیحی بنیادوں پر کام مکمل کیا جائے تاکہ زیادہ سے زیادہ تھر کے لوگوں کو پینے کے میٹھے پانی کی فراہمی ممکن ہو سکے ، اور عوام مختلف امراض سے محفوظ رہیں ،اس موقع پر چیف آفیسر آر او پلانٹ ارشاد حسین نے بریفنگ دیتے ہوئے بتایا کہ آر او پلانٹ میں 75 ہزار گیلن پانی کی گنجائش ہے جس سے تقریبا 25 سے 30 ہزار لوگوں کو صاف پانی مہیا ہو سکے گا،انھوں نے مزید بتایا کہ اس وقت پورے تھر پارکر ضلع میں 48 آر او پلانٹس کام کر رہے ہیں جبکہ 25 آر او پلانٹس پر ترجیحی بنیادوں پر کام جاری ہے جو کہ جلد مکمل ہو جائے گا ۔ قبل ازیں پی پی پی کے کو چیرمین آصف علی زرداری نے سول ہسپتال مٹھی میں ایک ماہ سے کم نرسری اور ایک ماہ سے زیادہ وارڈ پیٹس اور نیوٹریشن اسٹیبلائیزیشن سینٹر ، کمبائنڈ فیملی وارڈ کا بھی دورہ کیا ۔ اس دوران انھوں نے مریضوں کی عیادت بھی کی اور ساتھ ساتھ صحت کی سہولیات سے متعلق معلومات بھی حاصل کیں ۔ انھوں نے ڈاکٹروںکو ہدایت کرتے ہوئے کہا کہ معصوم بیمار بچوں اور خواتین کی خصوصی نگہداشت کی جائے اور انھیں تمام تر طبی سہولت فراہم کی جائےں۔ بعد ازاں انھوں نے بحریہ ٹان کی جانب سے لگائے گئے میڈیکل کیمپ کا دورہ کیا، اس دوران آصف علی زرداری کو بتایا گیا کہ بحریہ فانڈیشن آر اور پلانٹس اور تعلیمی شعبے کی ترقی کے لیے کام کر رہی ہے ۔ بحریہ فانڈیشن کی جانب سے 4 موبائل ٹیمیں اور ایک او پی ڈی کے لیے کنٹینر بھی مہیا کیاگیا ہے ۔ بحریہ فانڈیشن کی جانب سے بہروں ، گونگوں اور دل میں سوراخ کے امراض میں مبتلا بچوں کو علاج کے لیے لاہور بھیجا جارہا ہے ۔
Latest from Blog
کراچی(پی پی آئی) کراچی کی میمن گجراتی برادری نے یوم گجراتی بولی منایا اور گجراتی بولی
کراچی(پی پی آئی)عالمی یوم آزادی صحافت کے موقع پرکراچی میں مقیم احباب شاہ پور چاکر کی
سکھر(پی پی آئی) جماعت اسلامی پاکستان کے نائب امیرلیاقت بلوچ نے سکھر میں جماعت اسلامی کے
بیجنگ/اسلام آباد(پی پی آئی)پاکستان نے تاریخی سنگ میل عبور کرلیا، تاریخی خلائی مشن چاند کے سفر
تلہار(پی پی آئی)تلہار کے سرکاری اسپتال میں مبینہ طور پر غلط انجکشن لگانے سے بچہ جاں
اسلام آباد(پی پی آئی)پی ٹی آئی کے رہنما شیر افضل مروت نے اپنے بھائی معاون خصوصی
کراچی(پی پی آئی)بلوچستان کے ضلع خضدار میں ریموٹ کنٹرول بم دھماکے سے خضدار پریس کلب کے
خضدار(پی پی آئی)بلوچستان کے ضلع خضدار میں ریموٹ کنٹرول بم دھماکے سے گاڑی تباہ ہوگئی۔ دھماکے
ٹورنٹو (پی پی آئی)کینیڈا کے شہر ٹورنٹو کی پولیس نے کینیڈین بینکوں میں جعلی دستاویزات پر
اسلام آباد(پی پی آئی)پاکستانی عازمین کیلئے حج ایپ متعارف کروا دی گئی جسے ہر حاجی کیلئے