فواد چودھری کی جیل میں اہل خانہ سے ملاقات کا دن مختص

اسلام آباد(پی پی آئی)سابق وفاقی وزیر فواد چودھری کی جیل میں اہل خانہ سے ملاقات کیلئے جمعرات کا دن مختص کر دیا گیا۔اسلام آباد ہائیکورٹ کی جج جسٹس ثمن رفعت امتیاز نے حبا  فواد کی خاوند فواد چودھری سے جیل میں ملاقات کی درخواست پر سماعت کی۔اسٹیٹ کونسل نے عدالت میں موقف اختیار کیا کہ جیل حکام نے فواد چودھری کی فیملی سے ملاقات کیلئے جمعرات کا دن مقرر کیا گیاہے، ہر جمعرات کو فواد چودھری کے اہل خانہ جیل میں ان سے ملاقات کر سکیں گے۔ پی پی آئی کے مطابق بعدازاں اسلام آباد ہائی کورٹ کی جج جسٹس ثمن رفعت امتیاز نے فواد چودھری سے ملاقات کا دن مختص ہو جانے پر حبا فواد کی درخواست نمٹا دی