گیس کے ملکی ذخائر میں ہر سال آٹھ سے 10 فیصد تک کمی

کراچی(پی پی آئی)پاکستان میں موجود گیس کے ملکی ذخائر میں ہر سال آٹھ سے 10 فیصد تک کمی ہورہی ہے، سوئی سدرن کے سسٹم میں گیس کی طلب اور رسد میں واضح کمی موجود ہے۔ گو کہ سوئی سدرن گیس کمپنی نے سحر و افطار کے اوقات میں گیس کی لوڈشیڈنگ نہ کرنے کی  یقین دہانی کرائی ہے تاہم گیس پریشر مینٹین کرنے کیلئے صبح 9 بجے سے دوپہر 3 بجے تک اور رات کے اوقات میں 10 بجے سے 3 بجے تک بھی گیس بند رہے گی۔ترجمان کا مزید کہنا تھا کہ رمضان میں بھی گیس کے بہتر پریشر کو یقینی بنانے کے لئے گیس پروفائلنگ کو جاری رکھا جائے گا۔