ہرنائی میں کوئلہ کان میں پھنسے دو کان کنوں کی لاشیں برآمد،دیگرکو نکالنے کی کوششیں جاری

 ہرنائی(پی پی آئی)ہرنائی میں کوئلہ کی کان میں پھنسے دو کان کنوں کی لاشیں نکال لی گئیں ہیں۔مائنز انسپکٹر رشید ابڑو کے مطابق ریسکیو آپریشن کے دوران دو کان کنوں کی لاشیں نکال لی گئیں ہیں جن کی شناخت پشین کے عبدالغفور اور  ہرنائی کے رہائشی صبور ولدگل زمان کے نام سے ہوئی ہے۔ان کا کہنا ہیکہ باقی آٹھ کان کن ایک ہزارفٹ کی گہرائی میں پھنسے ہوئے ہیں،متاثرہ کان کنوں کو نکالنے کے لیے امدادی کارروائیاں جاری ہیں۔پی پی آئی کے مطابق ہرنائی کے علاقے زرد آلو میں کوئلہ کان میں گیس بھر جانے کے باعث دھماکے کے بعد دس کان کن پھنس گئے تھے,پھنسے ہوئے کان کنوں کو نکالنے کے آٹھ کان کن نیچے اترے تھے وہ بھی نیچے پھنس گئے تھے۔جنہیں بعد میں ریسکیو آپریشن کے دوران باہر نکال لیا گیا تھا۔