لاہور میں ٹریفک مینجمنٹ کیلئے آرٹیفیشل انٹیلی جنس  استعمال کرنیکا فیصلہ

لاہور(پی پی آئی) پاکستان میں پہلی بارلاہور میں ٹریفک مینجمنٹ کیلئے آرٹیفیشل انٹیلی جنس کو استعمال کرنے کا فیصلہ کر لیا گیا۔پائلٹ پروجیکٹ کے طور پر لاہور کے تین ماڈل روڈز پر آرٹیفیشل انٹیلی جنس کو استعمال کیا جائے گا۔پی پی آئی کے مطابق سید غضنفر علی ایس ایس پی ٹریفک پنجاب نے کہا ہے کہ ٹریفک ریگولیشن اور چوکنگ پوائنٹس پر ٹریفک سنگنلز کو اے آئی پر منتقل کیا جائے گا۔اے آئی سسٹم آٹو میٹک گاڑیوں کے رش کو مانیٹر کرتے ہوئے سگنلز تبدیل کرے گا، اے آئی سسٹم کے استعمال سے شہریوں کو وقت اور فیول کی بچت ہوگی۔