اسلام آباد)پی پی آئی)بنوں میں مشران اور عمائدین کے گرینڈ امن جرگہ کا انعقاد کیا گیا۔جرگہ میں بنوں مشران و عمائدین نے امن اور فتنہ الخوارج کے خاتمے کے لیئے پاک فوج کا ساتھ دینے کا اعلان کیا۔شرکاء نے پاک فوج اور سیکیورٹی فورسز کی جانوں کا نذرانہ پیش کرنے والوں کو زبردست خراج تحسین پیش کیا۔شرکاء نے متفقہ طور پر فتنہ الخوارج اور شرپسند عناصر کے روک تھام اور اس سلسلے میں حکام کے ساتھ تعاون کی بھی یقین دہانی کرائی ہے۔میجر جنرل ذوالفقار علی بھٹی، جنرل آفیسر کمانڈنگ کوہاٹ نے بطور مہمان خصوصی جرگہ میں شرکت کی۔مشران اور عمائدین نے علاقے میں تعلیم، صحت خصوصا بچیوں کی تعلیم کے حوالے سے کی جانے والی کاوشوں پر پاک فوج کا شکریہ ادا کیا۔