کراچی میں درجہ حرارت میں مزید اضافہ کا خدشہ ظاہر

کراچی (پی پی آئی)محکمہ موسمیات نے کراچی میں آج سے درجہ حرارت میں مزید اضافے کا  خدشہ ظاہر کیا ہے۔موسم کا احوال بتانے والوں کا کہنا ہے کہ شہرِ قائد میں درجہ حرارت 36 ڈگری سینٹی گریڈ تک پہنچ سکتا ہے، کراچی میں 24 گھنٹوں کے دوران موسم گرم اور مرطوب رہنے کا امکان ہے۔پی پی آئی کے مطابق محکمہ موسمیات کا کہنا ہے کہ شہر میں کم سے کم درجہ حرارت 27.5 ڈگری سینٹی گریڈ ریکارڈ ہوا، کراچی میں مغرب کی سمت سے 8 کلو میٹر فی گھنٹے کی رفتار سے ہوائیں چل رہی ہیں جبکہ ہوا میں نمی کا تناسب 78 فیصد ہے۔