عمرکوٹ،5مارچ (پی پی آئی)عمرکوٹ کی قومی اسمبلی کی نشست حلقہ این اے 213 پر ضمنی الیکشن کے لئے سرگرمیاں شروع ہو گئی ہیں۔ پاکستان پیپلز پارٹی کے سینئر رہنما نواب محمد یوسف تالپور کے انتقال کے بعد خالی ہونے والی اس نشست پر الیکشن کمیشن آف پاکستان نے 17 اپریل کو ضمنی الیکشن کرانے کا اعلان کیا ہے۔”مرحوم نواب محمد یوسف تالپور کی اہلیہ صبا تالپور، صاحبزادے نواب یونس تالپور، موجودہ ممبر سندھ اسمبلی مرحوم کے دوسرے صاحبزادے نواب تیمور تالپور اور ان کی اہلیہ ثناتالپور نے ضمنی الیکشن میں حصہ لینے کے لئے فارم وصول کر لئے ہیں۔”جی ڈی اے کی جانب سے فقیر غلام نبی منگریو، چنی لعل مالہی، اور لالچند بھیل نے بھی فارم وصول کئے ہیں۔ تحریک لبیک پاکستان کے رہنما پیر محمد عمر جان سرہندی بھی این اے 213 سے ضمنی الیکشن حصہ لینے کے لئے فارم وصول کرنے والوں میں شامل ہیں۔”حلقہ این اے 213 کے لئے ضمنی الیکشن کے سلسلے میں مقرر کئے گئے آر او رجب علی سٹھیو کے آفس سے فارم وصول کرنے کا سلسلہ جاری ہے۔ فارم 6 مارچ تک جمع کروائے جا سکیں گے۔”پاکستان پیپلز پارٹی کی جانب سے این اے 213 پر تاحال اپنا حتمی امیدوار لانے کا فیصلہ نہیں ہوا ہے جبکہ مخالف امیدواروں کی جانب سے بھی کوئی مضبوط امیدوار کا نام سامنے نہیں آسکا ہے، جس پر ووٹرز نے حیرانگی کا اظہار کیا ہے۔ روایتی طور پر اس نشست پر پاکستان پیپلز پارٹی کا امیدوار کامیاب ہوتا رہا ہے تاہم آئندہ دو روز میں صورتحال واضح ہونے کا امکان ہے۔”
Next Post
افواج اور سرحدوں کی کمزوری کی صورت میں ہمارا حال عراق، لبنان، اور فلسطین جیسا ہوگا:گورنر سندھ
Wed Mar 5 , 2025
کراچی،5مارچ (پی پی آئی)گورنر سندھ کامران خان ٹیسوری نے گورنر ہاؤس میں منعقدہ افطار/ڈنر کے موقع پر افواج پاکستان کے لئے دعائیں کرنے اور نعرے لگانے کا عزم ظاہر کیا۔ انہوں نے کہا کہ افواج کو جب ضرورت پڑی تو نوجوان ان کے ساتھ کھڑے ہوں گے۔ گورنر سندھ نے […]