حضرت خدیجۃ الکبریٰ ؑ کا یوم وصال آج عقیدت و احترام سے منایا جائے گا

کراچی،10مارچ (پی پی آئی) ام المومنین حضرت خدیجۃ الکبریٰؑ کا یوم وصال 10 رمضان المبارک بمطابق 11 مارچ بروز منگل کو ملک بھر میں عقیدت و احترام کے ساتھ منایا جائے گا۔ دبستان خواتین کے جاری کردہ پریس ریلیز کے مطابق اس موقع پر مساجد میں علماکرام اور خطیب حضرات حضرت خدیجۃ الکبریٰ کی دین اسلام کے لیے خدمات کو خراج عقیدت پیش کریں گے۔، یوم وصال کے سلسلے میں امام بارگاہوں میں مجالس عزا منعقد کی جائیں گی۔ ان مجالس میں علماکرام اور ذاکرین حضرت خدیجۃالکبریٰ کی سیرت اور ان کے تابناک کردار پر روشنی ڈالیں گے۔ملک کے مختلف شہروں میں ہونے والی ان تقریبات میں حضرت خدیجۃ الکبریٰ کی حیات، سخاوت، دین اسلام کے فروغ میں ان کے کردار اور نبی کریمﷺ کے ساتھ ان کی رفاقت کے مختلف پہلوؤں پر خطاب کیے جائیں گے۔