ٹریفک حادثے میں ایک شخص جاں بحق،2زخمی

 نوشہروفیروز،29اپریل (پی پی آئی)ٹریفک حادثے میں ایک شخص جاں بحق اور دو زخمی ہوگئے۔ حادثہ مٹھیانی پولیس تھانہ کی حدود میں دلی پوٹا رابطہ سڑک پر پیش آیا، جہاں تیز رفتار کار بریک فیل ہونے کے باعث درخت سے ٹکرا گئی۔کار میں سوار دلی پوٹا کے مشہور کاریگر سینگار علی سولنگی موقع پر ہی جاں بحق ہوگئے۔ حادثے کے نتیجے میں رفیق احمد سولنگی اور فقیر محمد قاسم سولنگی شدید زخمی ہوگئے، جنہیں ابتدائی طبی امداد کے بعد علاج کے لیے حیدر آباد منتقل کر دیا گیا ہے۔پولیس نے ضروری کارروائی مکمل کر کے نعش ورثا  کے حوالے کر دی ہے۔ حادثے کی مزید تحقیقات جاری ہیں تاکہ حادثے کی وجوہات کا تعین کیا جا سکے۔