دربیلو میں نہر سے لاش برآمد اور لڑکوں کے مبینہ اغوا پر احتجاج

نوشہرو فیروز،18مئی (پی پی آئی) دربیلو میں ایک نہر سے نامعلوم شخص کی لاش برآمد ہوئی، جبکہ مورو میں لڑکوں کے مبینہ اغوا اور تشدد پر ورثانے احتجاج کیا۔دربیلو پولیس کے مطابق، دربیلو سے گزرنے والی چھنڈن نہر سے ایک نامعلوم شخص کی لاش برآمد ہوئی ہے۔ لاش کی شناخت نہ ہونے کی وجہ سے اسے اسپتال منتقل کر دیا گیا ہے۔ پولیس واقعے کی مزید تفتیش کر رہی ہے۔دوسری جانب، مورو کے سندھ کالونی میں 14 سالہ عابد علی اور 13 سالہ مومن علی کے مبینہ اغوا اور تشدد کے خلاف ورثا نے احتجاج کیا۔ ورثاء   کا کہنا تھا کہ عابد علی اور مومن علی کو زبردستی اغوا کرنے کی کوشش کی گئی، اور مزاحمت کرنے پر انہیں تشدد کا نشانہ بنایا گیا۔ اہل محلہ کے پہنچنے پر ملزم فرار ہو گئے۔ورثا نے الزام لگایا کہ پولیس ان سے تعاون نہیں کر رہی ہے، جس کی وجہ سے وہ احتجاج پر مجبور ہیں۔ انہوں نے اعلیٰ حکام سے اس معاملے کا نوٹس لینے کا مطالبہ کیا ہے۔