ملک میں سستی بجلی پیدا کرنے کے منصوبوں پرکام تیز کیا جارہا ہے:دستگیر

مانسہرہ (پی پی آ ئی) وفاقی وزیر انجینئر خرم دستگیر نے کہا ہے کہ ملک میں سستی بجلی کی پیداوار کیلئے ترقیاتی منصوبوں پرکام تیز کیا جارہا ہے۔ تفصیلات کے مطابق منگل کے روز مانسہرہ میں سکی کناری ترسیلی لائن کی افتتاحی تقریب سے خطاب کرتے ہو ئے خرم دستگیر نے کہا ہے کہ ملک کی ترقی موجودہ حکومت کا اہم مشن ہے۔ وفاقی وزیر نے کہا کہ سکی کناری ٹرانسمیشن لائن کا منصوبہ کم قیمت اور وافر مقدار میں بجلی پیدا کرنے والے منصوبوں کا ایک حصہ ہے۔ انہوں نے کہا کہ حکومت مستقبل قریب میں بجلی کی قیمتوں میں کمی لائے گی۔