کرا چی(پی پی آ ئی) احتساب عدالت نے آمدن سے زیادہ اثاثے بنانے کے ریفرنس میں شریک ملزم گلزار کو بیرون ملک سفر کرنے کی اجازت دے دی۔تفصیلات کے مطابق آمدن سے زیادہ اثاثے بنانے کے ریفرنس میں پیپلز پارٹی کے رہنما اور سندھ اسمبلی کے اسپیکر آغا سراج درانی احتساب عدالت کراچی میں پیش ہوئے۔ریفرنس میں شریک ملزم گلزار نے بیرون ملک سفر کی اجازت کی درخواست دائر کی۔ملزم کے وکیل جاوید الطاف نے دلائل دیتے ہوئے کہا کہ ٹی ڈیپ نے جنوبی افریقہ میں ہونے والی نمائش میں پاکستان کی نمائندگی کرنے کی دعوت دی ہے۔وکیل نے مزید کہا کہ عدالت سے استدعا ہے کہ ملزم کو باہر جانے کی اجازت دی جائے۔عدالت نے گلزار کو بیرون ملک سفر کی اجازت دیتے ہوئے 5 لاکھ روپے زر ضمانت جمع کرانے کا حکم دیا۔احتساب عدالت نے شریک ملزم کو 8 دسمبر تک وطن واپس آنے کا حکم دیتے ہوئے ریفرنس کی مزید سماعت 9 دسمبر تک ملتوی کردی۔
Next Post
چار سال ہوگئے عدالتوں کے چکر لگا رہا ہوں ہر پیشی پر آتا ہوں تاریخ ملتی ہے پھر چلا جاتا ہوں: آغا سراج درانی
Thu Nov 24 , 2022
کرا چی(پی پی آ ئی) پاکستان پیپلز پا رٹی کے رہنما اوراسپیکر سندھ اسمبلی آغا سراج درانی کہا ہے کہ چار سال ہوگئے عدالتوں کے چکر لگا رہا ہوں، ہر پیشی پر آتا ہوں تاریخ ملتی ہے پھر چلا جاتا ہوں۔ آمدن سے زیادہ اثاثے بنانے کے ریفرنس میں احتساب […]