لاہور(پی پی آ ئی) پاکستان مسلم لیگ ن کے مرکزی رہنماء راجہ ریاض نے کہا ہے کہ حلقہ بندیوں پر اعتراضات ہورہے ہیں الیکشن جنوری میں نہیں ہوں گے،الیکشن فروری کے درمیان میں ہوں گے کوئی تاخیر نہیں ہورہی، فروری میں الیکشن کیلئے مولانا فضل الرحمان بھی مان جائیں گے،پیپلزپارٹی سندھ میں نگران حکومت کے مزے لوٹ رہی جبکہ اسمارٹ گیم کھیل کر تاثر دے رہی کہ وہ اپوزیشن ہے۔انہوں نے ایک نجی ٹی وی کے پروگرام میں گفتگو کرتے ہوئے کہا کہ پیپلزپارٹی 16ماہ کی حکومت سے خود کو الگ کرنے کی کوشش کررہی ہے، مردم شماری پر دستخط کا واضح مطلب تھا کہ حلقہ بندیاں ہوں گی، پیپلزپارٹی عوام میں تاثر دے رہی کہ وہ فوری الیکشن چاہتی ہے، پیپلزپارٹی نے بھی مردم شماری پر دستخط کئے الیکشن میں تاخیر تو ہونی تھی، پیپلزپارٹی عوام میں کچھ تاثر دے رہی درپردہ کچھ اور بات ہے، پیپلزپارٹی سندھ میں نگران حکومت کے پورے مزے لوٹ رہی ہے، پیپلزپارٹی اسمارٹ گیم کھیل کر تاثر دے رہی کہ وہ اپوزیشن ہے، حلقہ بندیوں پر اعتراضات ہورہے ہیں الیکشن جنوری میں نہیں ہوں گے، فروری کے درمیان میں الیکشن ہونے ہیں تاخیر نہیں ہورہی، فروری میں الیکشن کیلئے مولانا فضل الرحمان بھی مان جائیں گے، 15فروری کے آس پاس الیکشن ہوجائیں گے۔نوازشریف بھی آرہے ہیں زیادہ واضح ہوگیا کہ الیکشن ہونے ہیں۔پاکستان کے عوام جس طرح مشکل کی زندگی گزار رہے ہیں،جس طرح عوام پر مہنگائی، بچوں کی تعلیم کا بوجھ ہے، ہمیں عوام کی مشکلات کو کم کرنا چاہیئے، عوام کو امید ہے نوازشریف ہی انہیں مسائل سے نکال سکتے ہیں،ماضی کو نہیں بلکہ معیشت کی کی بہتری کی طرف دیکھیں گے، شہبازشریف نے ملک کو ڈیفالٹ ہونے سے بچا لیا، اگر ڈیفالٹ ہوتا تو آج ملک میں 500روپے لیٹر تیل ہوتا، عمران خان معاشی داخلی اور خارجہ سطح پر بیڑہ غرق کرکے گئے تھے۔
کراچی یونین آف جرنلسٹس کا ساتواں اجلاس
کی جانب سے سکھر پریس کلب پر حملے کے خلاف احتجاج HUJ
سپلا کا مطالبات کے حق میں علامتی بھوک ہڑتال
پی ٹی سی ایل نے کارپوریٹ ایس ایم ایس سروس کا آ غاز کر دیا
لاہور میں نرسوں پر لا ٹھی چارج قابل مذمت ہے : پاکستان پیرامیڈیکل کراچی
ہارون لوگاٹ لگے تمام مبینہ الزامات جھوٹے ثابت
تازہ ترین خبریں
- April 23, 2026
- April 22, 2026
اشتہار
تازہ ترین
شہبازشریف اور آصف علی زرداری کا فلسطینیوں سے اظہار یکجہتی
لاہور(پی پی آ ئی) مسلم لیگ ن کے صدر اور سابق وزیراعظم شہباز شریف نے کہا ہے کہ اسرائیل پر حماس کے حملے مسجد اقصیٰ اور مقدس مقامات پر اسرائیلی کارروائیوں کا ردعمل ہے۔انہوں نے کہا کہ خطے میں امن کیلئے اسرائیل کے غیر قانونی قبضے، یہودی آباد کاری اور فلسطینیوں پر مظالم کا خاتمہ ضروری ہے، اسرائیل فلسطینیوں کو حق خود ارادیت سے محروم کر رہا ہے، معصوم فلسطینیوں پر ظلم بند ہونا چاہیے، مسئلہ فلسطین کو فوری حل کرنا ہوگا۔علاوہ ازیں پی پی پی قیادت نے بھی فلسطینی عوام سے مکمل اظہار یکجہتی کا اعلان کیا ہے۔سابق صدر آصف زرداری نے کہا کہ طویل عرصے سے فلسطینی عوام مظالم کا سامنا کر رہے ہیں، عالمی منصف فلسطینی عوام کی حمایت میں آواز بلند کریں۔انہوں نے کہا کہ پاکستانی عوام کی ہمدردیاں اور دعائیں فلسطینی عوام کے ساتھ ہیں۔
بالاکوٹ اور گردونواح میں زلزلے کے شدید جھٹکے، لوگوں میں خوف و ہراس
ابالاکوٹ(پی پی آ ئی) بالاکوٹ اور گردونواح میں زلزلے کے شدید جھٹکے محسوس کیے گئے ہیں جس میں تاحال کسی جانی نقصان کی اطلاعات موصول نہیں ہوئیں۔ذرائع کے مطابق زلزلے سے درودیوار ہل گئے جس سے عوام میں خوف وہراس پھیل گیا، لوگ کلمہ طیبہ کا ورد کرتے ہوئے گھروں سے باہر نکل آئے۔دوسری جانب 8 اکتوبر کے قیامت خیز زلزلہ کی 18ویں برسی آج منائی جائے گی، 8 اکتوبر 2005ء کے قیامت خیز زلزلہ سے مظفرآباد، باغ راولا کوٹ، نیلم اور جہلم ویلی میں تباہی آئی تھی۔8 اکتوبر 2005ء کا زلزلہ 7.6 ریکٹر سکیل کی شدت کا تھا جس سے 46 ہزار سے زائد افراد لقمہ اجل بنے، 33 ہزار افراد زخمی ہوئے اور 3 لاکھ نجی املاک تباہ ہوئیں۔
صدر مملکت کا فلسطین اور اسرائیل میں بڑھتے تشدد پر اظہار تشویش
اسلام آباد(پی پی آ ئی)صدر مملکت ڈاکٹر عارف علوی نے کہا ہے کہ مجھے فلسطین اور اسرائیل میں بڑھتے تشدد پر سخت تشویش ہے۔اپنے ایک بیان میں صدر مملکت کا کہنا تھا کہ مزید خونریزی اور انسانی جانوں کے ضیاع کو روکنے کیلئے زیادہ سے زیادہ تحمل کا مظاہرہ کیا جانا چاہیے، صورتحال فوری جنگ بندی کا تقاضا کرتی ہے کیونکہ فلسطین اور اسرائیل کے درمیان تشدد اور تصادم سے عوام کی مشکلات میں مزید اضافہ ہوگا۔انہوں نے کہا کہ بین الاقوامی برادری پر زور دیتا ہوں کہ وہ فریقین کو لڑائی مزید بڑھانے سے روکنے کیلئے اپنا فعال کردار ادا کرے اور اقوام متحدہ کی متعلقہ قراردادوں اور بین الاقوامی قانون کے مطابق دیرینہ تنازعہ کے پرامن حل کیلئے کام کرے۔
تلاش کریں
خبریں
کراچی یونین آف جرنلسٹس کا ساتواں اجلاس
کراچی: کراچی یونین آف جرنلسٹس کا ساتواں اجلاس جمعہ 14مارچ کو صدر کے یو جے جی ایم جمالی کی صدرات میں منعقد ہوا۔ا۔اجلاس کا آغاز تلاوت کلام پاک سے کیا گیا۔بعدازاں گذشتہ اجلاس کی کارروائی کی توثیق کی گئی،کے یو جے کے جنرل سیکریٹری واجد راضا اصفہانی نے اجلاس میں خواتین کی کمیٹی بنانے کی تجویز دی جسے متفقہ طور پر منظور کرلیاگیا۔اجلاس میں فیصلہ کیا گیا کہ رواں ماہ ممبران کے اعزاز میں تقریب منعقد کی جائے گی جس میں ممبران میں انشورنش کارڈ تقسیم کئے جائیں گے۔ اجلاس میں ملیر پریس کلب کے صحافیوں کو کے یوجے کی ممبر شپ دینے کی بھی منظوری دی گئی۔میڈیا ہاوسز، اخبار اور ٹی وی چینلزکے ملازمین کی چھانٹیوں کے خلاف سوشل میڈیا پر کمپین چلانے کا فیصلہ کیا گیا ، سکھر پریس کلب کے سینئر صحافی اسد پٹھان کے خلاف ایک سیاسی جماعت کی پروپیگنڈہ مہم کے خلاف مذمتی قرار داد منظور کی۔اجلاس میں کے یوجے کے صحافی ممبران جن کے والد رواں ماہ انتقال کر گئے جن میں اکبر علی، ذوالفقار زلفی اور مدثر حسن شامل ہیں ان کے لئے دعائے مغفرت اور علیل فوٹو گرافر آصف رحمانی کی صحت یابی کے لئے دعاکی گئی۔ جبکہ مقامی ٹی وی چینل کے رپورٹر کو دھمکی آمیز فون کال پر پی ایف یو جے سے رابطہ کرکے لائحہ عمل مرتب کرنے کا فیصلہ کیا گیا۔
کی جانب سے سکھر پریس کلب پر حملے کے خلاف احتجاج HUJ
حیدرآباد: حیدرآباد یونین آف جرنلسٹ کی جانب سے سکھر پریس کلب پر حملے کے خلاف احتجاجی مظاہر ہ کیاگیا ، مظاہر ے میں لالہ رحمان سموں ، خالد کھوکھر ، صدر پریس کلب اسحاق منگریوں ،ذیشا ن بھٹی ، سہیل سانگی سمیت دیگر صحافیوںاور کیمر ہ مینوں نے شرکت کی جو پلے کارڈزاٹھائے سکھر پریس کلب پر حملے کے خلاف نعرے بازی کررہے تھے ، اس موقع پر مقررین نے سکھر پریس کلب پر حملے کی مذمت کرتے ہوئے کہاکہ پریس کلب پر حملہ صحافت پر حملہ ہے جسے کسی صورت برداشت نہیں کیاجائے گا ،انھوںنے کہاکہ سندھ حکومت سکھر پریس کلب پر حملہ کرنے والے افراد کو فور ی گرفتارکرکے حقائق کو منظر عام پر لائے اور ملزمان کے خلاف سخت کاروائی کی جائے ، انھوںنے مطالبہ کیا کہ حکومت صحافیوں کو تحفظ فراہم کرنے کے لئے عملی اقدامات کرے۔
سپلا کا مطالبات کے حق میں علامتی بھوک ہڑتال
حیدرآباد: سندھ پروفیسرز لیکچرار ایسوسی ایشن (سپلا) کی جانب سے مطالبات کے حق میں پریس کلب کے سامنے جمعہ کے روزبھی علامتی بھوک ہڑتا ل جار ی رہا۔علامتی بھوک ہڑتال کے شرکاءاساتذہ مطالبات کے حق میں نعرے بازی کررہے تھے ،اس موقع پر سپلا کے رہنما پروفیسرنثار پنہور اور پروفیسر انور ساگر کا کہناتھاکہ محکمہ تعلیم کی جانب سے کالج اساتذ ہ کے ساتھ ناانصافیوں کی وجہ سے کالجز میں تعلیم متاثر ہورہی ہے جس کی بالاافسران کو کوئی پرواہ نہیں ہے ،انھوںنے کہاکہ کالج اساتذہ اپنے جائز حقو ق اور اساتذہ کے ساتھ زیادتیوں کے خلاف اپنا پرامن احتجا ج جاری رکھےں گے ۔انھوںنے کہاکہ اعلی حکام سے مطالبہ کیاکہ کالج اساتذہ کے مطالبات جلد ازجلد منظور کئے جائے بصورت احتجا ج کاسلسلہ جاری رہے گا ۔
پی ٹی سی ایل نے کارپوریٹ ایس ایم ایس سروس کا آ غاز کر دیا
کراچی: پاکستان ٹیلی کمیونیکیشن کمپنی لمیٹڈ ( پی ٹی سی ایل )نے پاکستان میں اپنی نوعیت کی پہلی کارپوریٹ ایس ایم ایس سروس کا آغاز کر دیا ۔ یہ سروس ایک مکمل ایس ایم ایس مینجمنٹ سسٹم ہے جو ایس ایم ایس کمپینز کے لئے انتہائی موزوں ہے اور ملک میں کسی بھی موبائل آپریٹر پر ویب سے فون پرپیغام رسانی کی سہولت فراہم کرتا ہے ۔ یہ سروس ایک آسان ویب انٹر فیس کے ذریعے مہیا کی جارہی ہے جس میں کارپوریٹ صارفین انٹرنیٹ کے ذریعے بڑی تعداد میں ٹیکسٹ پیغامات بھیج سکتے ہیں۔ چیف ڈیجیٹل اینڈ کارپوریٹ سروسز آفیسر پی ٹی سی ایل کمال احمد نے اس موقع پر کہا کہ” پی ٹی سی ایل کی کارپوریٹ ایس ایم ایس سروس ایک مربوط اور جامع ویب سے موبائل پیغام بھیجنے کی سروس ہے۔ جوکارپوریٹ سیگمنٹ کو اپنے صارفین تک بروقت معلومات پہنچانے جیسی سہولت دیتی ہے “۔ اس ایس ایم ایس مینجمنٹ کنٹرول پینل انتہائی آسان ہے جو ویب بیسڈ ایس ایم ایس ایڈیٹر ، پیغام رسانی کیلئے کمپین شیڈولر، ایڈریس بک ،موصول شدہ پیغامات کو دیکھنے کیلئے رپورٹنگ کی صلاحیت ، بھیجے گئے پیغامات کی ہسٹری اورجامع سکیورٹی کی سہولت دیتا ہے ۔ یہ سروس پی ٹی سی ایل ، او سی ایس ،پی ٹی سی ایل ایس ایم ایس گیٹ وے اور بلنگ اور کسٹمر کیئر کے ساتھ ساتھ پری پیڈ چارجنگ ماڈل سے بھی منسلک ہے ۔پی ٹی سی ایل کارپوریٹ ایس ایم ایس سروس کمپنیوں اور اداروںکو وسیع پیمانے پر صارفین کو اپ ڈیٹس بھیجنے ، نوٹیفکیشن بھجوانے اور بڑے پیمانے پر مارکیٹنگ کرنے کی سہولت فراہم کرتی ہے ۔
لاہور میں نرسوں پر لا ٹھی چارج قابل مذمت ہے : پاکستان پیرامیڈیکل کراچی
کراچی: پاکستان پیرامیڈیکل اسٹاف ایسوسی ایشن کراچی ڈویژن کا اجلاس صدر محمد نذیر عباسی کی زیر صدارت منعقد ہوا جس میں لاہور میں نرسوں کے احتجاجی مظاہرے کے دوران پولیس لاٹھی چارج کی شدید مذمت کی گئی ۔ نذیر عباسی نے پولیس لاٹھی چارج کے دوران تین نرسوں کے زخمی ہونے کے واقعے کی بھرپور مذمت کرتے ہوئے حکومت سے مطالبہ کیا کہ ملازمین کے جائز مطالبات پورے کئے جائیں ۔ انھوں نے کہاکہ لاہور میں نرسوں کے احتجاجی مظاہرے میں لاٹھی چارج اور واٹر شیلنگ ایک انتہائی درناک عمل ہے جس کی جتنی مذمت کی جائے کم ہے ۔ انہوں نے کہاکہ نرسیںملازمت پر مستقلی کے لیے احتجاج کررہی تھیں جو ان کا آئینی وقانونی حق ہے۔ اجلاس میں جوائنٹ سیکرٹیری کامل خان مروت محمد ،سعید احمد ، نورین ناز،شکیل احمدخان، و دیگر نے شرکت کی ۔
ہارون لوگاٹ لگے تمام مبینہ الزامات جھوٹے ثابت
دبئی: کرکٹ جنوبی افریقا کے چیف ایگزیکٹو ہارون لوگاٹ کوآئی سی سی کے خلا ف متنا زعہ بیا ن سے بری قرار دیا گیا۔ ہارو ن لوگارٹ پر آئی سی سی کی قانونی ٹیم کے سابق سر براہ ڈیوڈ بیکر نے الز ام عائد کیا تھا کہ انھوںنے مبینہ طور رشوت لینے اورصحافیوں کو دھمکانے کی کو شش کی تھی ، تاہم آئی سی سی کی آذادا نہ تحقیقا تی ٹیم کی چھان بین کے بعد لوگاٹ کو تما م الزامات سے بر ی قرار دیا گیا ۔ اس فیصلے کے ساتھ ہی لوگاٹ کی جنوبی افریقی کر کٹ بورڑ کے سربراہی پرحائل تما م رکاوٹیں دور ہو گئی ہیں، اب وہ آئی سی سی چیف ایگزیکٹو کمیٹی میں بورڈ کے سر براہ کی حیثیت سے شامل ہو سکتے ہیں۔ آئی سی سی کے صدر ایلن اساک نے کہا ہے آئی سی سی تحقیقاتی ٹیم کے اس فیصلے کو قبول کر تی ہے اور ہمیں خو شی ہے کہ معاملات حل ہو گئے ہیںاور اب ہم کرکٹ کی بہتری کے لیے ایک دوسرے کے ساتھ مکمل تعاون کر تے ہوئے آگے بڑھےں گے ۔ واضح رہے اکتوبر 2013کو ہارون لوگاٹ پر الزامات لگائے گئے تھے جس کے بعدانھیں جنو بی افریقا کرکٹ کے سر براہ کے عہدے سے عارضی طور پر الگ ہو گئے تھے۔