نوابشاہ (پی پی آئی) پیپلز پارٹی کے شریک چیئرمین آصف علی زرداری نے کہا ہے کہ پیپلز پارٹی کے کارکنوں کو پریشان ہونے کی ضرورت نہیں ہے میں موجود ہوں، نواز شریف پاکستان آئے ہیں سیاست ان کا حق ہے، سب سے پہلے میں نے ہی نواز شریف کو پاکستان واپس آنے کا کہا تھا۔پی پی آئی کے مطابق سابق صدر نے مزید کہا کہ رکن الیکشن کی بھرپور تیاری کریں۔ شعبہ خواتین سندھ کی صدر شگفتہ جمانی کی قیادت میں وفد نے ان سے ملاقات کی، اس دوران سابق صدر نے پیپلز پارٹی شعبہ خواتین کی کارکردگی کو سراہتے ہوئے خواتین کو متحرک کرنے کی ہدایت کی اور کہا کہ آئندہ الیکشن میں خواتین کا اہم کردار ہو گا۔
آئی سی سی ٹی ٹوئنٹی : بھارت کے آل راﺅنڈر یوراج سنگھ ٹخنے کی انجری کا شکار
برازیل میں فٹ بال کے عظیم کھلاڑیوں کے اسٹیکرز البم جاری
کولکتہ نائٹ رائیڈرکے کوچ ٹریور بیلس انگلش کرکٹ ٹیم کے کوچنگ فہرست میں شامل
ایمپائر کے فیصلے پر ناگواری کا اظہار ،دلشان پر جرمانہ عائد
آئی پی ایل کی فرنچائزوں کا سنیل گواسکرکو تعاون کی یقین دہانی
مشرف پر فرد جرم عائد ہونا جمہوریت کی فتح ہے: نثار کھوڑو
تازہ ترین خبریں
- April 22, 2026
اشتہار
تازہ ترین
آمدن سے زائد اثاثہ جاتت کیس میں سراج درانی کو شوکاز نوٹس،8 نومبر تک جواب طلب
کراچی (پی پی آئی)سندھ ہائیکورٹ نے آمدن سے زائد اثاثے بنانے کے ریفرنس میں سپیکر سندھ اسمبلی آغا سراج درانی کو شوکاز جاری کر دیا۔اسپیکر سندھ اسمبلی آغا سراج درانی اور دیگر کی درخواست ضمانت کی سماعت پر عدالت کی جانب سے کہا گیا کہ سندھ ہائی کورٹ نے 30 نومبر 2022کو آغا سراج کی حفاظتی ضمانت منظور کی تھی۔جسٹس ظفر راجپوت نے کہا کہ حکم کے باوجود ملزم نے نیب کورٹ میں کیوں سرنڈر نہیں کیا؟، عدالت کی جانب سے وکیل سے کہا گیا کہ پہلے آپ اس بات کا جواب دیں پھر ضمانت کا فیصلہ ہو گا۔پی پی آئی کے مطابق بعدازاں سندھ ہائی کورٹ نے سپیکر سندھ اسمبلی آغا سراج درانی کو شوکاز نوٹس جاری کرتے ہوئے 8 نومبر تک جواب طلب کر لیا۔
پنجاب میں اکتوبر سے فروری کے بجٹ کی منظور ی آئین کی خلاف ورزی ہے:سینیٹر رضا ربانی
اسلام آباد (پی پی آئی) پاکستان پیپلز پارٹی (پی پی پی) کے رہنما اور سینیٹر رضا ربانی نے آئینی بحران سے بچنے کیلئے الیکشن کمیشن سے عام انتخابات کی تاریخ دینے کا مطالبہ کیا ہے۔سینیٹ اجلاس سے خطاب میں سینیٹر رضا ربانی نے کہا کہ پنجاب حکومت نے اکتوبر سے فروری تک نیا بجٹ منظور کیا ہے، یہ آئین کی خلاف ورزی ہے، یہی صورت حال خیبرپختونخوا میں ہونے جا رہی ہے، آئین کی خلاف ورزی ہو رہی ہے۔پی پی آئی کے مطابق انہوں نے کہا کہ الیکشن کمیشن اس بات کا اعلان کرے کہ الیکشن کب ہونے ہیں، اگر الیکشن جنوری یا فروری میں نہیں ہوئے تو ایک اور آئینی خلاف ورزی ہو جائے گی۔رضا ربانی نے کہا کہ نصف سینیٹ کی مدت مارچ میں ختم ہو جائے گی، چیئرمین اور ڈپٹی چیئرمین سینیٹ سمیت نصف ممبران سینیٹ ریٹائر ہو جائیں گے، الیکشن کمیشن تاریخ کا اعلان نہیں کرتا تو آئینی بحران پیدا ہو جائے گا۔
توشہ خانہ، القادر ٹرسٹ کیس میں بشریٰ بی بی کی ضمانت میں 15 نومبر تک توسیع
اسلام آباد (پی پی آئی احتساب عدالت نے سابق خاتون اول بشریٰ بی بی کی توشہ خانہ اور 190 ملین پاؤنڈ سکینڈل کیس میں 15 نومبر تک توسیع کردی۔اسلام آباد کی احتساب عدالت میں بشریٰ بی بی کیخلاف توشہ خانہ اور 190 ملین پاؤنڈ سکینڈل کیس میں ضمانت کی درخواست پر سماعت ہوئی، احتساب عدالت کے جج محمد بشیر نے سماعت کی۔پی پی آئی کے مطابق نیب پراسیکیوٹر نے عدالت میں بیان دیا کہ بشریٰ بی بی نے تیسری بار درخواست ضمانت دائر کی ہے جبکہ گزشتہ 2 بار ضمانتوں کی درخواست نمٹا دی گئی تھی اور نیب نے کہا بھی تھا کہ بشریٰ بی بی کی گرفتاری مطلوب نہیں، انہوں نے ایک ہی گراؤنڈ پر دوبارہ درخواست ضمانت دائر کردی ہے۔بشریٰ بی بی کے وکیل نے عدالت میں استدعا کی کہ بشریٰ بی بی کو کم از کم نوٹس تو پہلے دیا جائے۔نیب کے تفتیشی افسر نے اپنا بیان احتساب عدالت میں جمع کروایا، جس میں کہا کہ بشریٰ بی بی کی گرفتاری مطلوب نہیں ہے جس پر بشریٰ بی بی کے وکیل نے مؤقف اختیار کیا کہ بشریٰ بی بی کے خلاف مقدمات بنانے کی کوشش کی جارہی ہے۔بعدازاں اسلام آباد کی احتساب عدالت نے بشریٰ بی بی کی دونوں مقدمات میں ضمانت میں 15 نومبر تک توسیع کرتے ہوئے کیس کی مزید سماعت ملتوی کردی۔
تلاش کریں
خبریں
آئی سی سی ٹی ٹوئنٹی : بھارت کے آل راﺅنڈر یوراج سنگھ ٹخنے کی انجری کا شکار
(April 2, 2014)
بارباڈوس: بھارتی کرکٹ ٹیم کے آل راﺅنڈر یوراج سنگھ ٹی ٹوئنٹی ورلڈکپ کے سیمی فائنل سے قبل ٹخنے کی انجری کا شکار ہو گئے۔ یووراج سنگھ انجری کے باعث پریکٹس سیشن میں حصہ نہیں لے سکے،انڈین کرکٹ ٹیم کے منیجرڈاکٹر آر این بابا نے تصدیق کی ہے کہ یووراج سنگھ کے بائیں ٹخنے پر معمولی زخم ہے لیکن پریکٹس میں حصہ نہیں لینے کی وجہ آرام کرنا تھا ۔بھارتی ٹیم نے سیمی فائنل کی تیاریوں کے سلسلے میں فتح اللہ کے نارائن گنج عثمانی اسٹیڈیم میںپریکٹس کی ، جبکہ جنوبی افریقا ، ویسٹ انڈیز اور سری لنکا کی ٹیمیں میرپور میں پریکٹس میں مصروف ہیں۔ ٹی ٹوئنٹی میں مایوس آغاز کے بعد یووراج آسٹریلیا کے خلاف اپنی کھوئی ہوئی فارم بحال کرنے میں کامیاب ہوئے ،یووراج نے گروپ میچ میںآسٹریلیا کے خلاف شاندار 60رنز اسکور کرتے ہوئے بھارت کو 73 رنز سے فتح دلائی تھی۔بھارتی ٹیم4اپریل کومیرپور میں دوسرے سیمی فائنل میں جنوبی افریقہ کا سامنا کرے گی۔
برازیل میں فٹ بال کے عظیم کھلاڑیوں کے اسٹیکرز البم جاری
(April 1, 2014)
ریو ڈی جنیرو: برازیل میں اورلڈ کپ فٹ بال 2014کو یاد گار بنانے کے لیے ماضی اورحال کے عظیم کھلاڑیوں کی تصاویر اسٹیکر البم کی شکل میں جاری کر دی گئی ۔برازیل کے شہر ساو پالو میں فٹ بال عالمی کپ کی تیاریوں کے سلسلے میں سپر اسٹارز سے سجے اسٹیکر البم کی رونمائی کی گئی۔ منتظمین کو امید ہے کہ البم فٹ بال ورلڈ کپ فینز میں مقبولیت حاصل کرے گا۔ برازیل میں جہاں فٹ بال ورلڈ کی تیاریاںسست روی کا شکار ہیں وہیں مداحوں کی دلچسپی کے پیش نظر ورلڈ کپ کو یاد گار بنانے کے لیے اسٹیکر البم کا اجرا کیا گیاہے ۔البم میں برازیل کی قومی ٹیم کے علاوہ ماضی کے لیجنڈ فٹ بالر پیلے اور سپر اسٹار لائنل میسی سمیت دنیا بھر کے مشہور فٹ بالروں اور ٹیموں کے اسٹیکرزبھی شامل کئے گئے ہیں،اس اسٹیکر البم میں برازیل کے مشہور فٹ بال اسٹیڈیم کو بھی شامل کیا گیاہے۔
کولکتہ نائٹ رائیڈرکے کوچ ٹریور بیلس انگلش کرکٹ ٹیم کے کوچنگ فہرست میں شامل
(April 1, 2014)
لندن: آسٹریلیا سے تعلق رکھنے والے ٹریور بیلس کو انگلینڈ کر کٹ ٹیم کی کوچنگ فہرست میں شا مل کر لیا گیا ۔ ٹی ٹوئنٹی ورلڈ کپ میں نیدرلینڈ سے شرم ناک شکست کے بعد انگلش ٹیم کے ہیڈ کوچ کے لیے کو ششیں تیز کر دی گئیں،آئی پی ایل میں کلکتہ نائٹ رائیڈر کے کوچ ٹریور بیلس کو انگلینڈ کرکٹ ٹیم کے ہیڈ کوچ کے لیے چوتھے امیدوار کی حیثیت سے شامل کر لیا گیاہے ۔ ایشنر سیریز میں 5-0کی وائٹ واش شکست کے بعد ہیڈ کوچ اینڈی فلاور نے استعفیٰ دیا تھا جس کے بعد انگلینڈ کو مضبوط کوچ کی تلاش ہے ۔ مختصر فارمیٹ کی کرکٹ ٹیم کے کوچ ایشلے جائلز بھی اس فہرست میں شامل ہیںجبکہ دیگر امیدواروں میں کلکتہ نائٹ رائیڈر اور سڈنی سیکسرز کے کوچ بیلس ، انگلینڈ کر کٹ ٹیم کے سابق کوچ پیٹر مورس اور انگلینڈ ہی کے مک نیول شامل ہیں۔ بیلس پہلے آسٹریلوی کوچ ہیں جنھیں انگلش ٹیم کی کوچنگ کے لیے مضبوط امیدوار تصور کیے جارہے ہیں جبکہ حیران کن طور پر انھیں ٹاپ لیول کی کرکٹ کھیلنے کا کوئی تجربہ حاصل نہیں ، تاہم بیلس ڈومیسٹک اور بین الاقومی طور پر ہر طرز کی کر کٹ میں کوچنگ کے فرائض انجام دے رہے ہیں، بیلس کے کوچنگ میں سری لنکا نے 2011ورلڈ کپ کے فائنل میں جگہ بنالی تھی جبکہ 2012کے آئی پی ایل ایڈیشن میں کولکتہ کی کوچنگ بھی کی ، دوسری جانب بیلس کے بارے میں کہا جارہاہے کہ انھیں انگلش کر کٹ اور وہاں کے نظام سے آگہی نہیں ہے ۔
ایمپائر کے فیصلے پر ناگواری کا اظہار ،دلشان پر جرمانہ عائد
(April 1, 2014)
چٹاگانگ: سرلنکن بیٹسمن تلکارتنے دلشان کو ایمپائر کے فیصلے پر ناگواری کا اظہا کر نے پر میچ فیس کا 20فی صد جر مانہ عائد کر دیا گیا۔ نیوزی لیند کے خلاف چٹاگانگ کے چوہدری ظہور احمد اسٹیڈیم میں کھیلے گئے ورلڈٹی ٹوئنٹی میچ میں دلشان نے ایمپائر کی جانب سے آﺅٹ قرار دیے جانے پرکندھے کو جھٹکتے ہوئے وکٹ کیپر کو یہ باور کر انے کی کوشش کی تھی کہ گیند ان کے گلو سے نہیں ٹکرائی ، جس پر آئی سی سی کو ڈ آف کنڈکٹ کے تحت میچ فیس کا 20فی صد جر مانہ عائد کر دیا گیا۔دلشن آئی سی سی کوڈ آ ف کنڈکٹ کے آرٹیکل 2.1.3کی خلاف ورزی کے مرتکب قرار پائے گئے ۔جرمانہ کی استدعا فیلڈ ایمپائر علیم ڈار ،روڈ ٹکر اور تھرڈ ایمپائر بروس آکسین فورڈنے کی تھی۔جبکہ دلشن نے اپنی غلطی کا اعتراف بھی کیا تھا۔
آئی پی ایل کی فرنچائزوں کا سنیل گواسکرکو تعاون کی یقین دہانی
(April 1, 2014)
نئی دہلی: آئی پی ایل کی تمام فرنچائزوںنے سنیل گواسکر کو کامیاب ٹورنامنٹ کے انعقاد کے لیے بھر پور مدد کرنے کی یقین دہانی کرا دی ۔ 16اپریل سے متحدہ عرب امارات میں شروع ہونے والے آئی پی ایل ٹورمنٹ میں شامل تما م ٹیموں کے سربراہوں نے یقین دہانی کرادی ہے کہ وہ سنیل گواسکر کا بھر پور ساتھ دیں گے۔ گواسکر بی سی سی آئی کے صدر سری نواسن کی معطلی کے بعد عبوری صدر کی حیثیت سے آئی پی ایل کے بھی انچارج ہیں ، سنیل گواسکر نے تمام ٹیموںکے مالکان سے ملاقات کی اور ٹورنامنٹ کی تیاریوںکے حوالے سے بات چیت کی۔ فرنچائزمالکان نے اپنے تاثرات سے سنیل گواسکر کو آگاہ کر دیا او ر مشہور ٹورنامنٹ کی کامیابی کے لیے اپنا کر دار ادا کرنے کی یقین دہانی کرا دی۔ بھارت میں عام انتخابات کے باعث آئی پی ایل کا 16سے 30اپریل تک پہلا لیگ سیشن متحدہ عرب امارات میں کھیلا جائے گا۔
مشرف پر فرد جرم عائد ہونا جمہوریت کی فتح ہے: نثار کھوڑو
(April 1, 2014)
کراچی: سندھ کے سینئر وزیر نثاراحمد کھوڑو نے کہا ہے کہ آمر پرویزمشرف پر فردجرم عائدہوناجمہوریت کی فتح ہے اور آرٹیکل 6 نے عدلیہ اور پارلیمینٹ کوطاقت دلائی ہے جس کی وجہ سے آمر کو عدلیہ کا سامنا کرنا پڑاہے۔پرویز مشرف کے معاملے اب وفاقی حکومت اور عدلیہ کی کورٹ میں ہیں اور امیدہے وہ اسے منظقی انجام تک پہنچائیں گے ۔ان خیالات کااظہار انھوں نے منگل کو فریئر ہال کراچی میں انٹرنیشنل کیمٹی آف دی ریڈکراس(آئی سی آرسی)کودنیا بھر میں انسانیت کی خدمت کرتے ہوئے۰۵۱ سال مکمل ہونے پر فوٹوگرافی کی نمائش کی تقریب کے بعد میڈیا سے بات چیت کرتے ہوئے کیا۔انھوں نے کہا کہ رانا ثناءاللہ سے زیادہ مسلم لیگ ن کا کوئی اور دشمن نہیں جس نے ہربات کو بدزبانی سے ہینڈل کیا ہے اور اسی قسم کا آدمی سندھ میں بھی تھا جو آج کل ن لیگ کے ساتھ ہے۔ انھوں نے کہا کہ سیاست سنجیدگی کا نام ہے اس لیئے رانا ثناءاللہ سوچ سمجھ کر بات کریں ۔نثار احمد کھوڑو نے کہا کہ ن لیگ کے کچھ وزراءبلاول بھٹو زرداری کو دھمکیاں دینے والی کالعدم تنظیم کے ترجمان بنے ہوئے ہیں ۔بلاول بھٹو زرداری کو دھمکیاں کالعدم تنظیم کی جانب سے دی جارہی ہےں،انھوں نے کہا کہ بلاول بھٹو زرداری اور پیپلز پارٹی دھمکیوں سے ڈرنے والے نہیں ایسی دھمکیاں ہمیں آگے بڑھنے سے نہیں روک سکتیں ۔ایک سوال کے جواب میں انھوں نے کہا کہ پیپلز پارٹی اور ایم کیوایم کے ایک دوسرے سے رابطے اور ملاقاتیں ہوتی رہتی ہیں تاہم ایم کیوایم کی سندھ حکومت میں جلد یا بدیر شمولیت کا عمل سیاست کاحصہ ہے۔