اسلام آباد (پی پی آئی(برطانوی حکومت نے پاکستان میں غیر قانونی طور پر مقیم غیر ملکی شہریوں کے خلاف کریک ڈاؤن شروع ہونے کے بعد اْن سیکڑوں افغان مہاجرین کو پاکستان سے باہر منتقل کرنے کا عمل تیز کر دیا ہے جو سیاسی پناہ کے اہل ہیں۔ پی پی آئی کے مطابق اگست 2021 میں افغان طالبان کے کابل پر قبضے کے بعد لگ بھگ 3 ہزار افغان باشندے، جن میں سے اکثر برطانوی فوج کے لیے کام کر چکے ہیں، کو برطانیہ میں رہائش فراہم کرنے کے لیے پاکستان سے انخلا کیا جارہا ہے۔مذکورہ افغان مہاجرین اس وقت سے  پاکستان میں ٹھہرے ہوئے ہیں جب برطانوی حکام نے ان کے لیے چارٹرڈ فلائٹس روک دی تھیں اور ان سے برطانیہ آنے سے پہلے وہاں رہائش کا بندوبست کرنے کا مطالبہ کیا تھا اب برطانوی حکومت نے ان مہاجرین کی رہائش کے لیے انتظامات کا آغاز کردیا گیا ہے جس کے بعد ان کی نقل مکانی کے لیے پروازوں کا انتظام کیا جائے گا۔گزشتہ ہفتے تقریباً 20 سے 30 افغان خاندانوں کو کمرشل پروازوں کے ذریعے برطانیہ لے جایا گیا اور مستقبل میں ایسے مزید خاندانوں کو بھی منتقل کیا جائے گا۔رپورٹ کے مطابق پاکستان میں تقریباً 2 ہزار 300 افغان باشندے برطانیہ کی وزارت دفاع کی آبادکاری کی اسکیم کے لیے اہل ہیں، جبکہ مزید 700 افغان باشندے فارن آفس اسکیم کے تحت برطانیہ جانے کے اہل ہیں۔

 بنک نے پاکستان پر زور دیا ہے کہ وہ تمام ٹیکس رعایتیں ختم کرے اور زراعت، پراپرٹی اور ریٹیل کاروباروں سے حاصل ہونے والی آمدنی موثر ٹیکس نیٹ میں لائی جائے تاکہ قلیل مدت میں جی ڈی پی کے 4 فیصد (تقریباً 4 کھرب روپے) تک اضافی آمدنی حاصل کی جا سکے۔پی پی آئی کے مطابق عالمی بینک نے اس سلسلے میں حکومتِ پاکستان کو ایک تفصیلی پالیسی پیپر جمع کرایا ہے اور روشنی ڈالی  کہ پاکستان کا ریونیو کلیکشن خطے میں سب سے کم ہے جبکہ موجودہ ٹیکس دہندگان پر عائد ٹیکس ریٹس سب سے زیادہ ہیں، جوکہ اہم شعبوں (زراعت، ریئل اسٹیٹ اور ریٹیل سیکٹر) کی جانب سے اپنا واجب الادا حصہ ادا نہ کرنے کے سبب بھاری ٹیکس بیس کو ظاہر کرتا ہے۔عالمی بینک نے یہ بھی تجویز دی کہ پاکستان  اپنے انکم ٹیکس کے اسٹرکچر کو آسان  اوراس بات کو یقینی بنائے کہ کم آمدنی والے طبقے پر منفی اثر نہ پڑے۔

 اسلام آباد (پی پی آئی) پی ٹی آئی سے انتخابی نشان بلا واپس لینے سے متعلق کیس پر الیکشن کمیشن نے فیصلہ محفوظ کر لیا۔ پی ٹی آئی کا انتخابی نشان بلا واپس لینے سے متعلق کیس کی سماعت چیف الیکشن کمشنر کی سربراہی میں 5 رکنی کمیشن نے کی، استحکام پاکستان پارٹی کے رہنماء   عون چوہدری کے وکیل پیش ہوئے۔ پی پی آئی کے مطابق عون چودھری کے وکیل نے موقف اختیار کیا کہ پی ٹی آئی کو بلے کا نشان نہ دیا جائے جس پر چیف الیکشن کمشنر نے ریمارکس دیئے کہ پی ٹی آئی کو پہلے ہی بلے کا نشان دیا جا چکا ہے، وکیل درخواست گذارنے استدعا کی کہ وہ پہلے تھا آئندہ عام انتخابات میں یہ نشان نہ دیا جائے۔ الیکشن کمیشن نے ریمارکس دیتے ہوئے کہا کہ الیکشن کمیشن میں پہلے ہی اس نشان سے متعلق کیس زیر سماعت ہے جس پر وکیل درخواست گذار نے استفسار کیا کہ ہماری درخواست کو اس کیس سے منسلک کردیں۔ وکیل درخواست گذار کے دلائل اور مؤقف سننے کے بعد الیکشن کمیشن نے فیصلہ محفوظ کرلیا۔

واشنگٹن/کراچی (پی پی آئی)مشرق وسطیٰ میں کشیدگی  کے باعث امریکی مارکیٹ میں پیٹرول اور  سونے کی قیمت میں ایک ساتھ بڑا اضافہ دیکھنے میں آیا ہے۔ اس دوران پاکستان میں بھی سونے کی مانگ بڑھ گئی۔پی پی آئی کے مطابق پاکستان میں ڈالر اور پٹرول پر اثرات پٹنے کا خدشہ ہے،امریکی مارکیٹ میں تیل کی قیمتوں میں 4 فیصد سے زیادہ کا اضافہ دیکھا گیا،،اسرائیلی کرنسی کی قدر میں ڈالر کے مقابلے میں تیزی سے کمی دیکھی گئی۔