میرٹھ(پی پی آئی)پاکستان سے غیر قانونی طور پر ہندوستان پہنچ کر شادی رچانے والی سیما حیدر اور سچن پر بننے والی فلم کراچی ٹو نوئیڈا کی شوٹنگ شروع ہوگئی ہے۔ شوٹنگ کی پہلی تصویر بھی بھارتی میڈیا نے شئیر کی ہے۔ پی پی آئی کے مطابقکراچی ٹو نوئیڈا فلم کے پروڈیوسر امت جانی نے الزام لگایا کہ راج ٹھاکرے کی پارٹی مہاراشٹر نو نرمان سینا امت جانی نے انہیں دھمکی دی ہے، لیکن وہ ڈرنے والے نہیں ہیں۔امت جانی نے کہا کہ فلم بنانے کا اراہ کیا تو راج ٹھاکرے کی پارٹی مہاراشٹر نو نرمان سینا چراغ پا ہوگئی۔ امت جانی نے اعلان کیا وہ ممبئی میں بیٹھ کر فلم بنائیں گے اور ڈریں گے نہیں۔ ممبئی میں بیٹھ کر فلم کا پورا ہوم ورک کریں گے۔امت جانی نے کہا کہ فلم یا سیما حیدر سے نہیں بلکہ اس بات سے ایم این ایس چراغ پا ہے کہ فلم کے فنکار اترپردیش اور بہار کے ہیں۔
