راولپنڈی (پی پی آئی)سابق وزیراعلی پنجاب چودھری پرویز الہی کو سینٹرل جیل اڈیالہ راولپنڈی سے رہا ہوتے ہی نیب کی ٹیم نے دوبارہ گرفتار کرلیا۔پی پی آئی کے مطابق سابق وزیر اعلی پنجاب پرویز الہی کو اڈیالہ جیل راولپنڈی کی انتظامیہ نے نظر بندی کی مدت ختم ہونے پر رہا کردیا تاہم چوہدری پرویز الہی جیسے ہی اڈیالہ جیل کے مرکزی گیٹ سے باہر نکلے تو وہاں پہلے سے موجود نیب راولپنڈی و لاہور کی ٹیم موجود تھی جو چوہدری پرویز کو وہیں سے دوبارہ گرفتار کرکے لے گئی۔نیب ٹیم نے پرویز الہی کو جوڈیشل کمپلیکس راولپنڈی میں ڈیوٹی جج کی عدالت میں پیش کر کے راہداری ریمانڈ کی درخواست کی۔ڈیوٹی سول جج نے پرویز الٰہی کو ایک دن کے راہ داری ریمانڈ پر نیب لاہور کے حوالے کر دیا، جس کے بعد ٹیم لاہور روانہ ہوگئی۔پی پی آئی کے مطابق ڈیوٹی جج نے راہ داری ریمانڈ میں حکم دیا کہ ملزم پرویز الٰہی کو کل منگل کو نیب لاہور کی مجاز عدالت پیش کیا جائیگا

شکاگو (پی پی آئی)  ’ضمیر کی پکار: آزادی اور انسانی حقوق کا دفاع‘  کے موضوع پر شکاگو میں دنیا کا سب سے بڑا  چار روزہ بین المذاہب اجتماع شروع ہو گیا۔پی پی آئی کے مطابق ایونٹ کا مقصد ایک منصفانہ، پرامن اور پائیدار دنیا کے حصول کے مقصد کے ساتھ دنیا کو درپیش انتہائی اہم بحرانوں کے بارے میں بات چیت اور ان کا حل  تجویز کرنا ہے۔ اجتماع میں پاکستان سمیت 80 سے زائد ممالک کے کم و بیش 10 ہزار  مندوب  شریک ہیں۔ امریکن مسلم اور ملٹی فیتھ ویمن ایمپاورمنٹ کونسل کی صدر انیلا علی نے مسلم خواتین اور پاکستان کی نمائندگی کرتےہوئے بے پناہ فخر کا اظہار کیا۔۔

کراچی (پی پی آئی)بھارت کے علاوہ دیگر 5 ممالک بھی 15 اگست کو یوم آزادی منائیں گے۔افریقی ملک ری پبلک آف کانگو نے 15 اگست 1960 کو فرانس سے آزادی حاصل کی تھی، اس کا شمار بھی 15 اگست کو یوم آزادی منانے والے ممالک میں ہوتا ہے۔اسی طرح ایشیائی ممالک جنوبی اور شمالی کوریا بھی یوم آزادی منائیں گے، جزیرہ نما کوریا کو 15 اگست 1945 کو جاپانی حکمرانی سے آزاد کرایا گیا تھا۔لیپی پی آئی کے مطابق فٹنسٹائن یورپ کا ایک چھوٹا سا ملک ہے جو سوئٹزرلینڈ اور آسٹریا کے درمیان ہے، اس نے بھی 15 اگست 1866 کو جرمن حکمرانی سے آزادی حاصل کی تھی تاہم اس ملک نے 1940 تک سرکاری طور پر 15 اگست کو قومی دن کے طور پر منانے کا اعلان نہیں کیا تھا لیکن اب وہاں بھی 15اگست کو یوم آزادی منایا جاتا ہے۔