ابو ظہبی: برطانوی ٹینس اسٹار اینڈی مرے کو ورلڈ ٹینس چیمپئن شپ میں اپ سیٹ شکست ہو گئی،جوویلفریڈ سونگا اور ڈیوڈ فیریر نے سیمی فائنل میں جگہ بنا لی۔ابو ظہبی میں جاری ٹینس چیمپئن شپ کے کوارٹر فائنلز میں دلچسپ مقابلے ہوئے،عالمی نمبر چار اینڈی مرے کو فرانس کے جوویلفریڈ سونگا سے اپ سیٹ شکست کا سامنا ہوا۔سونگا کی فتح کا سکور سات پانچ اور چھ تین رہا،ایک اور مقابلے میںا سپین کے ڈیوڈ فیریر نے سوئٹزرلینڈ کے سٹینلاس ورینکا کو زیر کیا۔سیمی فائنل میں ڈیوڈ فیریر کا مقابلہ ہم وطن عالمی نمبر ایک رافیل نڈال سے ہو گا جبکہ دوسرے سیمی فائنل میں جوویلفریڈ سونگا اور سربین سٹار نوواک جوکووچ مدمقابل ہونگے۔

لاہور: پاکستان کرکٹ بورڈ نے قطر انٹرنیشنل ویمنزکرکٹ چیمپئن شپ کے لئے 14 رکنی قومی خواتین کرکٹ ٹیم کا اعلان کردیا ۔ پاکستان، جنوبی افریقہ اور آئرلینڈ پر مشتمل چیمپئن شپ 8 سے25جنوری تک دوحامیں ہو گی۔ثنا میر کو قومی ٹیم کا کپتان اور بسمہ معروف کو نائب کپتان برقرار رکھا گیا ہے۔ دیگر کھلاڑیوں میں سیدہ نین فاطمہ عابدی، ندا راشد، جویریہ ودود، ناہیدہ بی بی، سدرہ امین، سیدہ بطول فاطمہ نقوی، اسماویہ اقبال، کانیتا جلیل، سمعیہ صدیقی، سعدیہ یوسف، مرینہ اقبال اور ثانیہ اقبال شامل ہیں۔عائشہ عشرمنیجر، محتشم رشید کوچ، ابرار احمد ٹرینر، نمرہ ڈوالفقار فزیو اور ساجد یاسین ہاشمی ویڈیو اینالسٹ ہوں گے۔

لاہور: وسیم اکرم اور وقاریونس جیسے لیجنڈ کی تیاری کے لیے کراچی میں فاسٹ بولنگ تربیتی کیمپ شروع ہوگیا، نوجوانوں کو سوئنگ ، اسپیڈ اور لائن لینتھ کے گر بتائے جارہے ہیں۔ کسٹمزکرکٹ اکیڈمی کے تحت ڈیفینس میں لگائے فاسٹ بولنگ تربیتی کیمپ میں سابق ٹیسٹ کرکٹر جلال الدین اوران کے ساتھی14 بولرزکوبولنگ کے داوپیچ سیکھا رہے ہیں۔ بائیس سال اورسترہ سال کے نوجوانوں کا دوگروپ میں تقسیم کیا گیا ہے۔ جنہیں سوئنگ، اسپیڈ، لائن لینتھ کے حوالے سے بریف کیا جا رہا ہے۔ نوجوانوں کوان کی خامیوں کوختم کرنے کے مشورے دیئے گئے۔ جلال الدین کا کہنا ہے کہ نوجوان بولرزبڑے با صلاحیت ہیں ان میں ٹیلنٹ ہے۔ انہیں بس مثبت رہنمائی کی ضرورت ہے۔ نوجوان بولرز پر امئید دکھائی دیئے ان کا کہنا تھا کہ وہ تربیتی کیمپ سے بہت کچھ سیکھ رہے ہیں جس سے ان کی کارکردگی میں نکھار آئے گا۔ تربیتی کیمپ کے شرکاءکوفاسٹ بولنگ کے ساتھ کھلاڑیوں کو فیلڈنگ اورفزیکل فٹنس کے بارے مین بھی ٹپس دیئے جا رہے ہیں۔

آکلینڈ: نیوزی لینڈ کے کپتان برینڈن میکولم نے ون ڈے کیریئر میں 5ہزار رنز مکمل کرلیے ۔میکولم یہ اعزاز حاصل کرنے والے نیوزی لینڈ کے تیسرے بلے باز بن گئے ہیں ۔ نیوزی لینڈ کی طرف سے سب سے زیادہ رنز بنانے کا اعزاز اسٹیفن فلیمنگ کے پاس ہے جنہوں نے 279ایک روزہ میچوں میں 8007رنز بنارکھے ہیں ۔

میلبورن:  ایشز سیریز کے چوتھے ٹیسٹ میں آسٹریلوی ٹیم پہلی اننگز میں شدید مشکلات کا شکار ہوگئی، دوسرے دن کے کھیل کے اختتام تک آسٹریلیا کے164رنز پر9 کھلاڑی آوٹ ہو گئے۔ میلبورن میں جاری میچ کے دوسرے روزانگلینڈ نے پہلی نامکمل اننگز 226رنز6 کھلاڑی آﺅٹ سے دوبارہ شروع کی تواس کی بقیہ چار وکٹیں اسکور میں صرف29رنز کا اضافہ کر سکیں اور پوری ٹیم 255 رنز پر پویلین لوٹ گئی۔ کیون پیٹرسن67 رنز بناکر نمایاں رہے۔ مچل جونسن نے پانچ وکٹیں حاصل کیں۔ جواب میں آسٹریلوی ٹیم کا آغازبھی اچھا نہ رہا اور36 رنز پر دو بیٹسمین پویلین لوٹ گئے۔ ڈیوڈ وارنر نو، شین واٹسن اور مائیکل کلارک دس دس رنز ہی اسکور کر سکے۔ سٹیون اسمتھ انیس، مچل جوہنسن دو ریان ہیرس چھ رنز بنا سکے۔ جارج بیلی اور سڈل کھاتا کھولے بغیر ہی پویلین لوٹ گئے۔ کرس راجرز61 رنز بنا کر نمایاں رہے۔ دوسرے دن کے کھیل کے اختتام تک کینگروز نے نو وکٹوں پر164رنز بنائے ہیں بریڈ ہیڈن43 رنز بنا کر وکٹ پر موجود ہیں۔ انگلینڈ کی جانب سے جیمز اینڈرسن اور اسٹورٹ براڈ نے تین تین جبکہ ٹم برسنن نے دو کھلاڑیوں کو آوٹ کیا۔