پیرس: سیکنڈ سیڈ جمہوریہ چیک کی پیٹر کویٹووا سانس کی تکلیف کے باعث پیرس اوپن ٹینس ٹورنامنٹ سے دستبردار ہوگئیں ۔پیٹر اکویٹووا کو دوسرے راﺅنڈ میں فرنچ پلیئرالیزے کورنیٹ کا سامنا تھا ۔منتظمین نے پیٹر اکویٹووا کی جگہ پر جمہوری چیک کی باربرا اسٹریکوا کو موقع دینے کا فیصلہ کیا ہے ۔

ویلنگٹن: آئی پی ایل سیزن سات کی نیلامی کے لئے کیوی آل راﺅنڈر کورے اینڈرسن کی بنیادی قیمت دو لاکھ ڈالرز سے کم رکھی گئی ہے ۔ابتداءمیں یہ خیال کیا جارہا تھا کہ گزشتہ ماہ میں شاندار پرفارمنس کی کارکردگی کے باعث ان کو مہنگے کھلاڑی کے طور پر فروخت کیا جائے گا لیکن ان کی ابتدائی قیمت صرف ایک کروڑ مقرر ہوسکی ہے ۔

اسلام آباد: ایشین ٹینس چیمپئن شپ کی تیاری کیلئے قومی کھلاڑیوں کا تربیتی کیمپ اتوار سے پی ٹی ایف دلاور عباس ٹینس کمپلیکس میں شروع ہوگا ۔ کیمپ میں مصحف ضیاءچیف کوچ کے فرائض سرانجام دیں گے جبکہ چار کوچز ان کی معاونت کریں گے جن میں جلیل خان ،خالد محمود خان ،معین خان اور راشد خان شامل ہیں ۔ تربیتی کیمپ میں جن کھلاڑیوں کومدعو کیا گیا ہے ان میں محمد مدثر ،زید مجاہد ،محمدمزمل ،سید نوفل کلیم ،امان عتیق،عبدالمجید ،طلحہ بن آصف ،حافظ ارباب علی ،ثاقب عمیر ،برکت اللہ ،الہام خان ،حمزہ ریحان ،میر شاہ زیب ،ماہین آفتاب اور علینا آفتاب شامل ہیں ۔

اسلام آباد: مبریز احمد ،عمر کھوکھر ،علی آنش رحمان اور مریم نے آٹھویں فالڈو جونیئر گالف چیمپئن شپ کیلئے کوالیفائی کرلیا ۔ ایونٹ چین کے شہر مشن ہل میں منعقد ہوگا جس میں ایشیا پیسیفک ریجن سے 19ممالک کے گالفرز مختلف کیٹیگریز کے مقابلوں میں اپنی صلاحیتوں کے جوہر دکھائیں گے ۔

ممبئی: ناقص کارکردگی کے باعث بھارتی کرکٹ ٹیم سے باہر ہونے کے باوجود بھارتی کھلاڑی وریندر سہواگ ،یوسف پٹھان اور یوراج سنگھ کی آئی پی ایل سیون کیلئے دو کروڑ روپے قیمت مقرر کی گئی ہے ۔واضح رہے کہ اس ایونٹ کیلئے 208کھلاڑیوں کی نیلامی کی جائے گی جس میں سے 46کھلاڑیوں کا تعلق بھارت سے ہوگا۔