کوءٹہ(پی پی آ ئی )بلوچستان کے ضلع مستونگ میں ایک روز قبل ہونے والے خودکش دھماکے میں جاں بحق افرادکی تعداد 60 ہوگئی ۔ محکمہ صحت کے مطابق مستونگ خودکش دھماکے کا ایک اورزخمی دم توڑگیا جس کے بعد جاں بحق ہونیوالوں کی تعداد 60 تک پہنچ گئی ہے ۔ محکمہ صحت کے مطابق سی ایم ایچ میں 18اورسول ہسپتال میں 3 زخمی زیرعلاج ہیں ،جن میں سی ایم ایچ میں 3 اورسول میں زیر علاج ایک زخمی کی حالت تشویش ناک ہے ۔ سول ہسپتال کو;63;ٹہ اور اوربی ایم سی میں مستونگ بم دھماکے کے شہید افراد کی تعداد 8 ہوگئی ہے ۔ جلوس پر خود کش دھماکے کے بعد حکومت بلوچستان نے تین روزہ سوگ کا اعلان کررکھا ہے، بلوچستان اسمبلی، وزیر اعلیٰ ہاؤس، گورنر ہاؤس، بلوچستان ہائیکورٹ سمیت تمام سرکاری عمارتوں پر قومی پرچم سرنگوں کر دیا گیا ہے ۔ دوسری جانب پولیس کے مطابق مستونگ دھماکے کا مقدمہ سی ٹی ڈی تھانے میں نامعلوم حملہ آوروں کے خلاف درج کرلیا گیا ہے، جس میں قتل، اقدام قتل، دہشت گردی اور ایکسپلوسیو ایکٹ کی دفعات شامل کی گئی ہیں ۔ واضح رہے کہ ایک روزقبل بلوچستان کے ضلع مستونگ میں عید میلاد النبی ﷺ کے جلوس میں ہونے والے خود کش دھماکے میں ڈی ایس پی مستونگ سمیت 50 سے زائد افراد جاں بحق اورزخمی ہوئے تھے ۔ خود کش دھماکا مستونگ کی مدینہ مسجد کے باہر عید میلاد النبی ﷺ کے جلوس کیلئے جمع افراد کے درمیان کیا گیا، ڈی ایس پی نواز گشکوری خودکش حملہ آور کو روکنے کی کوشش میں شہید ہوئے، 3 کانسٹیبل زخمی ہوئے ۔
ویلنگٹن ٹیسٹ : کیویز کا اسکور برابر کرنے کیلئے ویسٹ انڈیز کو 290رنز درکار
پی سی بی کیجانب سے بیٹنگ کوچ کی پیشکش پر انضمام کی مشروط آمادگی
فکسنگ اسکینڈل : کرس کینز کا بطور کمنٹیٹر اسکائی اسپورٹس سے معاہدہ ختم
بھارتی کرکٹ ٹیم کی اسپانسر شپ تین سال کے لئے انڈیا اسٹار کے حوالے
سابق باکسنگ چیمپئن مائیک ٹائی سن کی لندن داخلے پر پابندی
پاکستان کا 4رکنی وفد عالمی کبڈی فیڈریشن کی دعوت پر بھارت جائے گا
تازہ ترین خبریں
ساؤتھ ایئر کے ملک گیر وسیع علاقائی فضائی نیٹ ورک کا آغاز
وانا میں سیکیورٹی فورسز کے ذریعہ بڑی دہشت گردی کی سازش ناکام
- April 22, 2026
- April 22, 2026
اشتہار
تازہ ترین
خیر پور میں مزید 10بجلی چوروں کیخلاف مقدمہ درج
خیر پور (پی پی آ ئی ) ملک بھر میں بڑھتی بجلی قیمتوں کے خلاف گزشتہ ماہ سے کریک ڈاؤن کا سلسلہ جاری ہے، سیپکو کی جانب سے آپریشن کے دوران مزید 10بجلی چوروں کیخلاف مقدمہ درج کر لیا گیا ہے ۔ سیپکو کی جانب سے لقمان فیض آباد اسٹاپ کچھری روڈ میں بجلی چوروں کے خلاف آپریشن کیا آپریشن کے دوران 10 سے زائد افراد کے خلاف مقدمہ درج کیا گیا،آپریشن کی قیادت ایکسین واپڈا تاج محمد ماکو اور ہائیڈروں یونین کے صدر لالا نزاکت پٹھان کر رہے ہیں ،کئی دوکانوں پٹرول پمپس اور گھروں سے چوری کے کنکشن کاٹ دیئے گئے، ایسکین تاج محمد کا کہناتھا کہ بجلی چوروں کو معاف نہیں کریں گے وہ قوم کے مجرم ہیں ۔ ۔
پرویز الٰہی اور مونس الٰہی کی ق لیگ میں واپسی کا کوئی چانس نہیں:چوہدری شافع حسین
لاہور (پی پی آئی) مسلم لیگ قائداعظم (ق) کے رہنما و سابق وزیراعظم چوہدری شجاعت کے بیٹے چوہدری شافع حسین نے کہا ہے کہ سابق وزیراعلیٰ پنجاب چوہدری پرویز الٰہی اور ان کے بیٹے مونس الٰہی کی(ق) لیگ میں واپسی کا کوئی چانس نہیں۔پی پی آئی کے مطابقمیڈیا سے گفتگو میں چوہدری شافع حسین کا کہناتھاکہ پرویز الٰہی اور مونس کی (ق) لیگ میں واپسی کا کوئی چانس نہیں، جس حد تک حالات پہنچ گئے ہیں، بہتر ہے دونوں خاندان اپنی علیٰحدہ علیٰحدہ سیاست کریں۔
اعجاز الحق کی چوہدری شجاعت سے ملاقات، ملکی سیاسی صورتحال پر تبادلہ خیال
لاہور(پی پی آئی) لاہور میں سابق وفاقی وزیر و مسلم لیگ ضیا کے سربراہ اعجاز الحق نے چوہدری شجاعت حسین سے ملاقات کی اور ان کی خیریت دریافت کی۔پی پی آئی کے مطابق ملاقات میں ملکی سیاسی صورتحال پر تبادلہ خیال بھی کیا گیا جبکہ ملاقات میں چوہدری سالک اورچوہدری شافع بھی موجود تھے۔اس موقع پر اعجاز الحق کا کہنا تھا کہ تمام سیاسی جماعتوں کو لیول پلیئنگ فیلڈ ملنی چاہیے، نوازشریف کا استقبال ہتھکڑیوں سے ہوگا یا پھولوں کی پتیوں سے؟ کچھ نہیں کہہ سکتا، شہباز شریف جو پیغام لندن لے کر گئے تھے، دیکھنا ہوگا اْس کا ردِ عمل کیا آتا ہے۔
تلاش کریں
خبریں
ویلنگٹن ٹیسٹ : کیویز کا اسکور برابر کرنے کیلئے ویسٹ انڈیز کو 290رنز درکار
ویلنگٹن: ویلنگٹن ٹیسٹ میں نیوزی لینڈ کی ٹیم پہلی اننگز میں 441 رنزبناکر آوٹ ہوگئی۔ ویسٹ انڈیز نے چار وکٹوں پر158 رنز بنالئے۔ویلنگٹن میں جاری ٹیسٹ کے دوسرے روز نیوزی لینڈ نے پہلی نامکمل اننگز307رنز چھ کھلاڑی آوٹ پر دوبارہ شروع کی اور چار سو اکتالیس رنز بناکر آوٹ ہوگئی۔ واٹلنگ نے پینسٹھ رنز کی اننگز کھیلی۔ ٹینو بیسٹ نے چار کھلاڑیوں کو آوٹ کیا۔جواب میں ویسٹ انڈیز نے پہلے روز کھیل کے اختتام تک چار وکٹوں پر 158 رنز بنالئے ہیں اور اسے میزبان ٹیم کی پہلی اننگز کا اسکور برابر کرنے کے لئے مزید290 رنز درکار ہیں-
پی سی بی کیجانب سے بیٹنگ کوچ کی پیشکش پر انضمام کی مشروط آمادگی
لاہور: پاکستان کرکٹ ٹیم کے سابق کپتان انضمام الحق نے ٹیم سلیکشن سمیت مکمل اختیارات ملنے کی صورت میں قومی کرکٹ ٹیم کی کوچنگ پر رضامندی ظاہر کردی ۔ باوثوق ذرائع کے مطابق پی سی بی عبوری کمیٹی کے دو ارکان نے انضمام الحق سے لاہور میں ان کی رہائش گاہ پر ملاقات کی اور انہیں قومی ٹیم کی کوچنگ کی پیشکش کی ۔پی سی بی کے حکام اور انضمام الحق کے درمیان تین گھنٹے تک مذاکرات ہوئے جن میں پیشکش اور شرائط پر تفصیلی تبادلہ خیال کیا گیا ۔ انضمام کو بورڈ کی جانب سے 8لاکھ روپے تنخواہ اور دیگر مراعات کی پیشکش کی گئی ہے ۔ سابق کپتان بورڈ سے ناراض تھے کیوں کہ پی سی بی نے دورہ بھارت کیلئے بیٹنگ کنسلٹنٹ مقرر کرنے کے بعد اچانک انہیں عہدے سے ہٹادیا تھا ۔
فکسنگ اسکینڈل : کرس کینز کا بطور کمنٹیٹر اسکائی اسپورٹس سے معاہدہ ختم
لندن: میچ فکسنگ میں ملوث ہونے کی خبروں نے سابق کیوی آل راﺅنڈ ر کرس کینز کا کمنٹیٹر کی حیثیت سے کیریئر خطرات سے دوچار کردیا ۔ سکائی اسپورٹس نے کرکٹر سے اپنا معاہد ہ ختم کردیا ۔ کرس کینز نے ویسٹ انڈیز اور نیوزی لینڈ کے درمیان پہلے ٹیسٹ کے دوران کھیل پر تبصر ہ کیا تھا اور دوسرے روز کے کھیل میں پچ رپورٹ دینے اور میچ پر تبصر ہ کرنے کے بعد انہیں کمنٹری باکس میں نہیں دیکھا گیا ۔ اسکائی ٹی وی نے تصدیق کی ہے کہ انہیں کرس کینز کی مزیڈ خدمات درکار نہیں ہیں ۔
بھارتی کرکٹ ٹیم کی اسپانسر شپ تین سال کے لئے انڈیا اسٹار کے حوالے
چنائی: بھارتی کرکٹ بورڈ نے ٹیم کے موجودہ اسپانسر سہارا کی بولی کو بااہل قرار دیتے ہوئے اسٹار انڈیا کو تین سال کے لئے بھارتی ٹیم کی اسپانسر شپ دیدی ۔ چنائی میں بی سی سی آئی کے سیکریٹری سنجے پٹیل نے بورڈ کی مارکیٹنگ کمیٹی کے اجلاس میں کے بعد بیان میں کہا کہ اسٹار انڈیا کو یکم جنوری 2014سے 31مارچ2017تک ٹیم کی اسپانسر شپ کے حقوق دے دیئے گئے ہیں ۔
سابق باکسنگ چیمپئن مائیک ٹائی سن کی لندن داخلے پر پابندی
لندن: سابق ہیوی ویٹ باکسنگ چیمپئن مائیک ٹائی سن کے لندن داخلے پر پابندی عائد کردی گئی ۔مائیک ٹائی سن نے رواں ہفتے لندن میں اپنی کتاب کی نمائش کے سلسلے میں ایک تقریب میں شرکت کرنا تھی تاہم برطانوی امیگریشن کے تبدیل ہونے والے قوانین کے باعث ان کو لندن میں داخلہ ممنوع ہے ۔ کتاب کے پبلشر کے مطابق مائیک ٹائی سن پر پیرس میں ہونے والا ریپ کیس ان کے لندن داخلے پر پابندی کی وجہ بنا ہے ۔
پاکستان کا 4رکنی وفد عالمی کبڈی فیڈریشن کی دعوت پر بھارت جائے گا
اسلام آباد: صوبائی وزیر کھیل رانا مشہود کی قیادت میں پنجاب اسپورٹس بورڈ کا چار رکنی وفد عالمی کبڈی فیڈریشن کی خصوصی دعوت پر 14دسمبر کو بھارت روانہ ہوگا۔ ذرائع کے مطابق صوبائی وزیر کھیل رانا مشہود دورہ بھارت میں عالمی کبڈی چیمپئن شپ کا فائنل میچ بھی دیکھیں گے ۔