لاڑکانہ (پی پی آئی) لاڑکانہ میں 2طالب علموں سے مبینہ زیادتی کے الزام میں مدرس کو گرفتار کر لیا گیا۔ تفصیلات کے مطابق لاڑکانہ  تھانہ مارکیٹ پولیس نے مدرسے کے طالب علموں کی جانب سے مدرس کے خلاف مظاہرہ  پر   اسے گرفتار کر لیا، پولیس کے مطابق طلبا کی جانب سے الزام عائد کیا گیا ہے کہ مدرس نے مدرسے کے دو طالب علموں کو  زیادتی کا نشانہ بنایا ہے۔ پی پی آئی کے مطابق  ایک طالب علمٰ کے والدکی مدعیت میں تھانہ مارکیٹ پر  مقدمہ دائر کیا گیا، دوسری جانب مدرس پیش امام نے کہا ہے کہ بے قصور ہوں میرے خلاف جھوٹا الزام لگایا گیا ہے۔

کراچی (پی پی آئی)نگران سندھ کابینہ نے کچے میں پولیس، رینجرز اور فوج کے ساتھ ا?پریشن کا فیصلہ کیا ہے۔نگران وزیر اعلیٰ جسٹس (ر) مقبول باقر کی زیر صدارت کابینہ کا اجلاس ہوا جس میں آئی جی سندھ نے  صوبے میں امن و امان کی صورتحال پر بریفنگ دی۔پی پی آئی کے مطابق  آئی جی نے بتایا کہ 2023 میں 218 لوگ اغوا ہوئے جن میں سے 207 بازیاب ہوئے اور 11 لوگ ابھی تک یرغمال ہیں۔ نگران وزیراعلیٰ نے ا?ئی جی کو مغویوں کو فوری بازیاب کرانے کی ہدایت کی۔ا?ئی جی سندھ نے کچے میں ڈاکوؤں کیخلاف آپریشن پر بھی بریفنگ دی جس پر نگران وزیراعلیٰ نے کہا کہ  کچے میں اچھی شہرت کے حامل پولیس افسران اور اہلکار تعینات کیے جائیں اور جو اچھی کارکردگی نہ کریں ان کو تبدیل کریں۔نگران وزیراعلیٰ  نے حکم دیا کہ کچے کے علاقے میں انٹرنیٹ کی سہولت فوری ختم کی جائے۔

 اسلام آباد (پی پی آئی)قومی اسمبلی میں سابق قائد حزب اختلاف راجا ریاض نے چیف الیکشن کمشنر سے ملاقات کی۔ ان کا کہنا ہے کہ الیکشن وسط فروری میں دیکھ رہا ہوں۔پی پی آئی کے مطابقسابق اپوزیشن لیڈر قومی اسمبلی راجا ریاض نے چیف الیکشن کمشنر سکندر سلطان راجہ سے ملاقات کی، جس میں الیکشن سے متعلق معاملات پر گفتگو کی گئی۔راجا ریاض نے ملاقات کے بعد گفتگو کرتے ہوئے کہا کہ صدر نے دباؤ کے تحت چیف الیکشن کمشنر کو خط لکھا، صدر نے خط میں الیکشن کی تاریخ مقرر نہیں کی، بلکہ رائے دی ہے۔ان کا کہنا ہے کہ میں عام انتخابات وسط فروری میں دیکھ رہا ہوں، الیکشن کمیشن کو صاف شفاف انتخابات سے متلعق تجاویز دیں، چیف الیکشن کمشنر سے ملاقات میں الیکشن کمیشن نے انتخابات سے متعلق تاحال تاریخ نہیں دی۔