اسلام آباد (پی پی آئی)قومی اسمبلی میں سابق قائد حزب اختلاف راجا ریاض نے چیف الیکشن کمشنر سے ملاقات کی۔ ان کا کہنا ہے کہ الیکشن وسط فروری میں دیکھ رہا ہوں۔پی پی آئی کے مطابقسابق اپوزیشن لیڈر قومی اسمبلی راجا ریاض نے چیف الیکشن کمشنر سکندر سلطان راجہ سے ملاقات کی، جس میں الیکشن سے متعلق معاملات پر گفتگو کی گئی۔راجا ریاض نے ملاقات کے بعد گفتگو کرتے ہوئے کہا کہ صدر نے دباؤ کے تحت چیف الیکشن کمشنر کو خط لکھا، صدر نے خط میں الیکشن کی تاریخ مقرر نہیں کی، بلکہ رائے دی ہے۔ان کا کہنا ہے کہ میں عام انتخابات وسط فروری میں دیکھ رہا ہوں، الیکشن کمیشن کو صاف شفاف انتخابات سے متلعق تجاویز دیں، چیف الیکشن کمشنر سے ملاقات میں الیکشن کمیشن نے انتخابات سے متعلق تاحال تاریخ نہیں دی۔

کراچی (پی پی آئی)شہر قائد جرائم پیشہ افراد اور سفاک قاتلوں کے لیے ایک جنت کا روپ دھار چکا ہے، گزشتہ 8 ماہ میں کراچی میں جرائم کی 60 ہزار وارداتیں ہوئیں، اور ڈکیتی مزاحمت پر 90 شہریوں کو بے دردی سے قتل کیا گیا۔پی پی آئی کے مطابق محکمہ پولیس کی کراچی میں اسٹریٹ کرائم اور ڈکیتی وارداتوں پر یکم جنوری سے 31 اگست تک کی رپورٹ  میں اعتراف کیا گیاہے کہ رواں سال اب تک 243 دنوں میں 60 ہزار کے قریب وارداتیں ہوئیں۔ یکم جنوری سے 31 اگست تک 18 ہزار 810 موبائل فون چھینے گئے، شہریوں کی 39 ہزار 215 موٹر سائیکلیں اور 1 ہزار 96 گاڑیاں چوری یا چھینی گئیں ، جب کہ 13 تاجروں کو بھتے کی پرچیاں دی گئیں اور 6 کو اغوا کیا گیا۔  یہ بھی پڑھیں:عمران خان کی نمائندگی کیوں کی؟ پیپلز پارٹی کا سردارلطیف کھوسہ کو شوکاز نوٹس جاری رپورٹ کے مطابق ا?ٹھ ماہ کے دوران 90 سے زائد شہری ڈکیتی مزاحمت پر قتل ہوئے، اور سیکڑوں شہری ڈکیتی مزاحمت پر زخمی ہوئے، جب کہ مختلف دیگر واقعات میں 422 شہریوں کی جان گئی، غیرت کے نام پر بھی قتل کی وارداتیں رپورٹ ہوئیں۔رپورٹ میں کہا گیا ہے کہ پولیس نے صرف 356 موبائل فون، 2 ہزار 285 کاریں اور موٹر سائیکلیں ریکور کیں۔

(عیسیٰ ترین)بلوچستان کے علاقے مستونگ میں  پی ڈی ایم  کے ترجمان اورجے یو آئی (ف) کے سینئرر ہنما حافظ حمد اللہ پر قاتلانہ حملہ ہوا بم دھماکے میں سابق  ایم این اے زخمی ہو گئے۔ تفصیلات کے مطابق دھماکے میں زخمی ہو گئے،سکیورٹی اداروں کی  بھاری نفری موقع پر پہنچ گئی اورجائے وقوعہ کو گھیرے میں لے لیا۔پی پی آئی کے مطابق    دھماکہ مستونگ قومی شاہراہ پر جوتو کے مقام پر ہوا، نامعلوم دہشت گردوں  کی جانب سے کئے گئے دھماکے میں 4افراد زخمی ہو ئے۔ ریسکیو عملے نے زخمیوں کو ہسپتال منتقل کر دیا،بتایا گیا ہے کہ سینیٹر غفور حیدری نے دھماکے کے بعد جلسہ ملتوی کر دیا۔