کھیل

 رمضان انٹرا اکیڈمی فائیو اے سائیڈ گرلز اینڈ بوائز ہاکی لیگ شروع

کراچی(پی پی آئی)اولمپیئن اصلاح الدین و ڈاکٹر محمد علی شاہ ہاکی اکیڈمی میں انٹرا اکیڈمی گرلز اینڈ بوائز فائیو اے سائیڈ ہاکی لیگ کا آغاز ہوگیا، ایونٹ کا افتتاح بیگم اسماعلی شاہ، قرۃالعین صدیقی اور نعیم حیدر نے  کیا اس موقع پر ٹیموں کے مینٹور اولمپیئن سمیر حسین، اولمپیئن کاشف جواد، راشد یعقوب، سید آل حسن، واصف رضا اور طلحہ غوری، سید صغیر حسین بھی موجود تھے. ایونٹ میں شریک ٹیموں کے کپتانوں کے والدین کو گیسٹ آف آنر بھی دیاگیا. پی پی آئی کے مطابق ابتدائی روز کھیلے گئے گرلز کے پہلے میچ میں آئی ایم ایچ اے لائنز نے آئی ایم ایچ اے ایگلز کو تین کے مقابلے میں چار گول سے شکست دیدی،. دوسرے میچ میں آئی ایم ایچ اے وولوز نے آئی ایم ایچ اے بلز کو 3-1 گول سے مات دیدی، بوائز کے پہلے میچ میں آئی ایم ایچ اے لائنز اور ایگلز کے درمیان مقابلہ 2-2  گول سے برابر رہا۔دوسرے میچ میں آئی ایم ایچ اے بلز نے آئی ایم ایچ اے وولوز کو 5-1 گول سے ہرادیا، تیسرے میچ میں آئی ایم ایچ اے ٹائیگرز نے آئی ایم ایچ اے ہاکس کو دو کے مقابلے میں 6 گول سے شکست دی،میچز میں ندیم سعید، عمیر احمد، وقاص احمد نے امپائرنگ جبکہ اسد ظہیر، واحد، عامر فاروقی نے ٹیکنیکل آفیشلز کے فرائض انجام دیئے.

1 2 3 170