لاس اینجلس، 11 نومبر 2014ء/ پی آرنیوزوائر/ ایشیانیٹ پاکیستان — لائیو نیشن انٹرٹینمنٹ انکارپوریٹڈ (این وائی ایس ای: LYV) اور پی ٹی جاوا فیسٹیول پروڈکشن نے آج اعلان کیا ہے کہ انہوں نے ایک مشترکہ منصوبہ پی ٹی لائیو نیشن انڈونیشیا تشکیل دیا ہے۔ لوگو  –  http://photos.prnewswire.com/prnh/20141108/157475LOGO جاوا فیسٹیول پروڈکشن انڈونیشیا میں میلوں کا مشہور پیش کار ہے، جس نے 2005ء میں جاوا جاز فیسٹیول سے آغاز لیا اور اس کے بعد اپنے پورٹفولیو میں سول نیشن اور راکن لینڈ شامل کیے۔ حالیہ سرخیوں میں اسٹیوی ونڈو، جیمز موریسن، تھرٹی سیکنڈز ٹو مارس اور نتالی کول جیسے شامل ہیں۔ جاوا فیسٹیول پروڈکشن کو پیٹر گونتھانے قائم کیا تھا اور اسے دیوی گونتھا اور پال ڈینکمر چلاتے ہیں۔ مائیکل راپینو، لائیو نیشن انٹرٹینمنٹ کے سی ای او اور صدر، نے کہا کہ “لائیو نیشن کو انڈونیشیا میں لانے کے لیے مجھے جاوا فیسٹیول پروڈکشن جیسے مستحکم ادارے کے ساتھ شراکت داری پر خوشی ہے۔ انڈونیشیا میں تیزی سے ہونے والی ترقی کے ساتھ ہمارے عالمی قدموں میں اضافے کے طور پر یہ ایک اہم مارکیٹ ہے۔” لائیو نیشن کے صدر برائے بین الاقوامی و ابھرتی ہوئی مارکیٹیں ایلن رج وےنے کہا کہ “250 ملین سے زیادہ آبادی اور ایشیا میں سب سے تیزی سے بڑھتے ہوئے درمیانے طبقے کے ساتھ انڈونیشیا ایسا ملک ہے جہاں –ابتدائی طور پر جکارتہ میں- لیکن اس کے بعد ملک کے دیگر شہروں میں بھی، براہ راست موسیقی کی مارکیٹ کے بڑھنے کے زبردست مواقع نظر آ رہے ہیں ۔ پیٹر گونتھا نے کہا کہ “جکارتہ اور بقیہ انڈونیشیا میں براہ راست تفریح کی بڑھتی ہوئی طلب موجود ہے۔ ہماری نظریں لائیو نیشن کی ٹیم کے ساتھ مل کر کام کرنے پر مرکوز ہیں تاکہ بین الاقوامی و علاقائی فنکاروں کی محفلوں اور ممکنہ نئے میلوں کے ذریے اس طلب کو پورا کیا جا سکے۔” لائیو نیشن انٹرٹینمنٹ کے بارے میں لائیو نیشن انٹرٹینمنٹ (این وائی ایس ای: LYV) دنیا کا معروف براہ راست تفریح ادارہ ہے جو عالمی مارکیٹ کے رہنماؤں: ٹکٹ ماسٹر، لائیو نیشن کنسرٹس، لائیو نیشن میڈیا اینڈ اسپانسرشپ اور آرٹسٹ نیشن مینجمنٹ پر مشتمل ہے۔ مزید معلومات کے لیے ملاحظہ کیجیے، www.livenationentertainment.com۔  ہمیں فالو کیجیے @twitter.com/LiveNationInc

سڈنی:آسٹریلیا کی ویمنز کرکٹ ٹیم نے سے ویسٹ انڈیز کو سیریز کے پہلے ون ڈے میچ میں تین وکٹوں سے شکست دے دی۔ آسٹریلیا کی ٹیم نے ٹاس جیت کر ویسٹ انڈیز کو پہلے بیٹنگ کی دعوت دی ،مہمان ٹیم نے 50اوور میں 8وکٹوں کے نقصان پر240رنز بنائے۔ آسٹریلیا کی ٹیم نے مطلوبہ ہدف سات وکٹوں کے نقصان پر تین گیندیں قبل حاصل کرلیا، آسٹریلیا کی جانب سے اپنا پہلا میچ کھیلنے والی ہیلی میتھیوز نے 55رنز بنائے جبکہ اسٹیفنی ٹیلرنے 95رنز بنائے ۔اسٹیفنی ٹیلر کو شان دار بیٹنگ اور دووکٹیں لینے پر میچ کی بہترین کھلاڑی قرار دیا گیا۔

کنگسٹن:ویسٹ انڈیز کرکٹ ٹیم کے مڈل آڈر بیسٹمین مارلن سیموئلزکو سلیکشن پالیسی کی خلاف ورزی پر جمیکا کی پروفیشنل کرکٹ لیگ کی ٹیم سے باہر کردیاگیا۔ جمیکن کرکٹ ایسوسی ایشن نے اعلان کیاہے کہ مارلن سیموئلزنے سلیکشن پالیسی کی دفعہ1.1کی خلاف ورزی کی ہے جس کی بنا پر انھیں 13رکنی جمیکن ٹیم میں شامل نہیں کیا گیاہے،اس قانون کے مطابق تمام کھلاڑیوں کو پابندکیا گیاہے کہ قومی ٹیم کے رہنمائی نہیں کرہے ہوں یا جمیکا کی نمائندگی نہیں کرہے ہوں تو مقامی کرکٹ میں حصہ لیں۔جمیکن کرکٹ ایسوسی ایش کے چیف ایگزیکٹو کورٹنی فرانسیس کا کہنا تھا کہ مارلن سیموئلزجمعے سے شروع ہونے والے ٹورنامنٹ میں جمیکا کی نمائندگی کرنے کے اہل نہیں ہیں۔مارلن سیموئلز کو نیوزی لینڈ اور بنگلہ دیش کے خلاف سیریز میں بھی ٹیم میں شامل نہیں کیا گیا تھا جبکہ بھارت کے خلاف ادوھوری سیریز میں انھوں نے تین میچوں میں دو سنچریا ں بنائی تھیں۔ واضح رہے ویسٹ انڈیز ٹیم بورڑ سے مالی معاملات کے پیچیدہ مسئلے پر بھارت کا دورہ ادھورا چھوڑ کر وطن واپس لوٹی تھی۔

آکرا:گھانا نے ایبولا وائرس کے باعث افریقا نیشنز کپ 2015کی میزبانی سے دست بردار ی کا اعلان کردیا۔ گھانا کی وزار ت کھیل ونوجوانان نے اعلان کیا کہ صحت کے حکام کی جانب سے خدشات کے اظہار کے بعدگھانا فٹ بال ایسوسی ایشن کے صدر کو آگاہ کیا گیا ہے کہ ہم افریقن نیشنز کپ کی میزبانی کرنے کی حالت میں نہیں ہیں۔کنفیڈریشن آف افریقن فٹ بال کی جانب سے گھا نا کوفیصلے پر نظر ثانی کے لیے خط لکھاگیا۔ دوسری جانب مراکش نے ٹورنامنٹ کی میزبانی کی بولی حاصل کرنے کے بعد ایبولا وائر س کی وجہ سے میزبانی کرنے سے معذوری ظاہر کرتھی،شمالی افریقی ممالک نے تجویز دی ہے کہ ٹورنامنٹ کو ایبولا وائر کے شدید حملے میں کمی آنے تک ملتوی کیا جائے۔