کراچی(پی پی آئی)پاکستان سمیت دنیا بھر میں ایٹمی ہتھیاروں کے تجربات کے خلاف عالمی دن 29اگست کو منایا جائے گا اس دن کے منانے کا مقصد ایٹمی ہتھیاروں کے تجربات سے نسل انسانی پر مرتب ہونے والے منفی اثرات اور ماحول کوآلودگی سے بچانے سے متعلق آگہی پیدا کرنا ہے۔پی پی آئی کے مطابق  اس دن کے حوالے سے مختلف سماجی تنظیموں کے زیر اہتمام تقریبات منعقد ہوں گی جس میں ماہرین ایٹمی ہتھیاروں کی تباہ کاریوں کے متعلق تفصیلی لیکچر دیں گے۔

لاہور(پی پی آئی)سانحہ9مئی،عسکری ٹاورپرحملہ اورجلاؤگھیراؤکامعاملہ،عسکری ٹاور کیس میں بھی چیئرمین پی ٹی آئی کو شامل تفتیش کر نیکا فیصلہ کرلیا گیا۔ ذرائع کے مطابق جے آئی ٹی اٹک جاکر بیان قلمبند کرنے کیلئے عدالت سے اجازت لے گی،عدالت سے اجازت ملنے کے بعدجے آئی ٹی کی ٹیم اٹک جائیگی۔پی پی آئی کے مطابق عسکری ٹاور کیس کی جے آئی ٹی کے سربراہ ایس ایس پی انوسٹی گیشن لاہور ہیں،جے آئی ٹی کی سربراہ ڈاکٹر انوش مسعود چودھری اور ممبران اٹک جائیں گے۔ ذرائع کا کہنا ہے کہ 9مئی کیس کے حوالے سے حکومت نے جے آئی ٹی ٹیمیں تشکیل دے رکھی ہیں،تھانہ سرور روڈ کیس کی جے آئی ٹی کے ہیڈ عمران کشور ہیں جبکہ عسکری ٹاور کیس کی جے آئی ٹی ہیڈ ڈاکٹر انوش مسعود چودھری ہیں۔

حیدرآباد (پی پی آئی)مہنگی بجلی کیخلاف حیدرآباد چیمبر آف کامرس کی  اپیل پر پیر کو جزوی ہڑتال کی گئی،ہڑتال کے سبب شہر میں متعدد مقامات پر دکانیں بند رہیں، بعض تاجر تنظیموں نے ہڑتال سے لاتعلقی بھی ظاہر کی ہے۔پی پی آئی کے مطابق   برکی روڈ پرمہنگی بجلی کیخلاف اہل علاقہ سراپااحتجاج بن گئے،اہل علاقہ کی بڑی تعداد خواتین سمیت احتجاجی مظاہرے میں شریک،ہاتھوں میں بجلی کے بل تھامے مظاہرین کی نعرے بازی۔مظاہرین نے بجلی کے بلوں کو آگ لگا دی،مظاہرین کا کہنا تھا کہ بجلی کے بل غریبوں کو کھا گئے ریاست غریب دشمن بن چکی ہے،لوگ بجلی کا بل ادا کرنے کے لئے ذلیل ہو رہے ہیں۔ ایبٹ آباد  میں بجلی کے بلوں میں اضافہ کے خلاف تاجروں کا فوارہ چوک شاہراہ ریشم پر شدید احتجاج  کیا، احتجاج سے شاہراہ ریشم پر ٹریفک روانی بھی متاثر ہے۔

لودھراں (پی پی آئی)سیلاب زدگان پرایک اورآفت آن پڑی،بجلی کے اضافی بل پہاڑبن کرٹوٹ پڑے. دریائے ستلج میں سیلابی ریلے گھر،فصلیں اور کاروبار بہاکر لے گئے،رہی سہی کسر بجلی کے اضافی بلوں کے ذریعے بجلی گرا کرپوری کردی گئی،پی پی آئی کے مطابق    دریائے ستلج لودھراں میں سیلاب زدگان شہریوں نے دریامیں کھڑے ہوکراحتجاج کرتے ہوے وزیراعظم پاکستان سینوٹس لینے کی اپیل کر دی۔ سیلاب زدگان کا کہنا تھا کہ فصلیں گھر تباہ ہوگئے اورہزاروں روپے مالیت بجلی کے بلزنے مشکلات اوربڑھادی ہیں،گھرسے بے گھرہوچکے  ہیں،اب ہزاروں روپے  کے  بل کیسے ادا کریں، وزیراعظم اوروزیراعلیٰ  بل معاف کریں. سیلاب زدگان نے بجلی کے بل بھی سیلابی  ریلے میں بہادئیے۔