لاہور(پی پی آئی)سابق وزیراعظم شہباز شریف کی اہلیہ نصرت شہباز کو مقامی ہسپتال سے ڈسچارج کر دیا گیا، ان کو لندن منتقل کرنے پر غور کیا جا رہا ہے تاہم لندن جانے کا حتمی فیصلہ ڈاکٹرز کی اجازت کے بعد ہی کیا جائے گا۔۔پی پی آئی کے مطابق نصرت شہباز کو ایک ہفتہ نجی ہسپتال میں زیرعلاج رکھنے کے بعد ڈسچارج کر دیا گیا ہے۔ مزید علاج کیلئے ڈاکٹرز کی اجازت کے بعد لندن منتقل کرنے کا فیصلہ کیا جائیگا
فیصل آباد (پی پی آئی) طویل عرصہ سے گردوں کی بیماری میں مبتلا معروف گلوکار اسد عباس انتقال کرگئے، انتقال کی تصدیق گلوکار کے بھائی حیدر عباس کی جانب سے کی گئی ہے، پی پی آئی کے مطابق تمغہ امتیاز کے حامل اسد عباس طویل عرصہ سے گردوں کا علاج کر وا رہے تھے، گزشتہ رات وہ بیماری بڑھنے سے کومہ میں چلے گئے اور بعدازاں خالق حقیقی سے جاملے۔۔
اسلام آباد (پی پی آئی )پاکستان کی ارب پتی کاوباری شخصیات کا تذکرہ پراپرٹی ٹائیکون ملک ریاض اور میاں منشا کے بغیر مکمل نہیں ہوتاآپ کو جان کر حیرت ہو گی کہ پاکستان کی ایک خاتون کے اثاثوں کی مالیت تقریبا ایک ارب ڈالر سے زائد ہے اور وہ میاں عمر منشا کی اہلیہ اقرامنشا ہیں، میاں عمر منشا پاکستان کی دوسری امیر ترین شخصیت میاں منشا کے بیٹے ہیں۔اقرا منشا نشاط ہوٹلز اور پراپرٹیز کی سی ای او ہیں جو کہ نہ صرف پاکستان میں بلکہ لندن میں بھی فائیو سٹار ہوٹلز کے انتظامی امور سنبھالتی ہیں۔ اقرا اس وقت متعدد کمپنیوں کی حاضر ڈائریکٹر ہیں ان کے اثاثوں کے بارے میں حتمی اعدادو شمار تو منظر عام پر نہیں لیکن ایک اندازے کے مطابق ان کے اثاثوں کی مالیت ایک ارب امریکی ڈالرز کے لگ بھگ ہے۔
اسلام آباد (پی پی آئی)سپریم کورٹ نے سابق وزیر احسن اقبال کیخلاف توہین عدالت کی درخواست خارج کردی، عدالت نے ریمارکس دیتے ہوئے کہاکہ احسن اقبال نظم و ضبط والے انسان ہیں۔پی پی آئی کے مطابق چیف جسٹس پاکستان کی سربراہی میں 2رکنی بنچ نے سماعت کی، عدالت نے کہاکہ احسن اقبال نے 2018میں سیمینار میں کہا کہ انکی بھی عزت نفس کا تحفظ ہونا چاہئے،نہیں سمجھتے کہ کچھ ایسا کہا گیا جس کو توہین عدالت کے طور پر دیکھا جائے۔درخواست گزار محمود نقوی نے کہاکہ میرامدعا یہ ہے کوئی بھی آئین و قانون سے بالاتر نہیں ہے، چیف جسٹس پاکستا ن نے درخواست گزارسے مکالمہ کرتے ہوئے کہاکہ عدالت کے سامنے تقریر نہ کیجیے،سپریم کورٹ کا توہین عدالت کااختیار عام استعمال کیلئے نہیں ہے،احسن اقبال نے جذباتی تقریر میں کہہ دیا تھا ان کی عزت بھی کسی جج یا جرنیل کے برابر ہے،میری نظر میں احسن اقبال بڑے سنجیدہ اور دانشور ہیں،یہ عدالت کو طے کرنا ہوتا ہے کہ توہین ہوئی یانہیں۔
مورو: مورو کے قریب سونہری گاﺅں میں چند روز قبل اغوا ہونے شخص کی عدم بازیابی کے خلاف احتجاج کیا گیا ۔سونہری فارم گاﺅں میں ڈاہری اتحاد کی جانب سے پپو ڈاہری،محمد رحیم ڈاہری،سیانو ڈاہری،علی حیدر ڈاہری اوردیگر نے پانج روز قبل لاکھا روڈ سے اغواہونے والے اقبال ڈاہری کی بازیابی کے لئے ٹائرنذر آتش کر کے احتجاجی مظاہرہ کر کے مورو باندھی روڈ پردھرنا دیا جس کی وجہ سے ٹریفک تعطل کا شکار ہو گئی ،ان کا مطالبہ تھاکہ مغوی اقبال ڈاہری کو بازیاب کروایا جائے۔
سنگاپور: فارمولا ون کے ٹرپل ورلڈ چیمپئن سباستین ویٹل اووراسپیڈنگ کے باعث جرمانے کی زد میں آگئے ۔سنگاپور گراں پر ی کے پریکٹس سیشن کے دوسرے راﺅنڈ میںسباستین ویٹل مقررہ اسپیڈ سے زائدپر اپنی کار کو چلایا ،جس کی وجہ سے ان پر 200یورو جرمانہ عائد کردیا گیا ۔دلچسپ بات یہ ہے کہ سباستین ویٹل اتنی رقم دس منٹ سے بھی کم وقت میں کماتے ہیں ۔سباستین ویٹل کی سالانہ آمدنی 12ملین یورو ہے جوکہ ایک دن کے حساب سے 32376یو رو بنتے ہیں ۔اسی حساب سے سباستین ویٹل کی فی منٹ آمدنی 22یورو بنتی ہے ۔چنانچہ عالمی چیمپئن کے لئے دو سو یورو کمانا دائیں ہاتھ کا کھیل ہے ۔
شہدادپور: شہداد پور اور ملحقہ علاقوں میں ہیپاٹائٹس کے موذی مرض میں مبتلا ہزاروں مریضوں کو ادویات نہ ملنے سے حالت تشویش ناک ہو گئی ،متعدد سینٹر بند اور عملہ کوفارغ کیا گیا ۔ تفصیلات کے مطابق حکومت کی جانب سے پانچ سال قبل صوبے بھر میں ہیپا ٹائٹس کے موذی مرض کے خاتمے کے لئے شروع کیا جانے والا پروگرام دو ماہ سے سرکاری طور پر انجکشن اور ادویات نہ ملنے سے عملاً بند ہو چکا ہے ،ضلع سانگھڑ کے سرکاری اسپتالوں میں قائم سینٹروں میںہیپاٹائٹس کے موذی مراض کی دوائیاں دو ماہ سے مریضوں کو نہیں ملنے کے سبب متا ثرہ لوگ سخت عذاب کی زندگی گذار رہے ہیں ، اس ضمن میں ڈاکٹروں کا کہنا ہے کہ اگر مریضوں کو مقررہ مدت میں دوائیاں نہیں ملی تو یہ مرض مزیدشدت کے ساتھ ابھر ے گا ۔ انسٹی ٹیوٹ آف میڈیکل سائینسز اسپتال شہدادپور میں تقریبا±چا ر سوکے قریب مریض درج ہیں، اس اسپتال میں ہیپائٹس کی پانچ ہزار روپے کی پی سی آر ٹیسٹ صرف آٹھ سو روپے میںکی جاتی ہے لیکن ادویات اور بھاری قیمت والے انجکشن نہ ہونے کی وجہ سے غریب اور بے سہار امریضوں کو سخت پریشانی کا سامناہے ۔ادھر پی ایم اے شہداد پور کے جنرل سیکرٹری ڈاکٹر غلام شبیر قائم خانی نے حکومت کی توجہ اس امر کی جا نب دلاتے ہوئے مطالبہ کیا ہے کہ اس موذی مرض کے انسداد کے لئے اقدامات کر نا اشد ضروری ہے ، ہیپاٹائٹس پروگرام سے مستقل ادویات اور انجکشن فوری طور پر فراہم کر نا حکومت کی ذمہ داری ہے اور یہ کام متعلقہ اداروں کو انسانی ہمدردی کے تحت ترجیحی بنیادوںپر کر نا چاہیے۔
سان سلواڈور: ایل سلواڈور کی فٹبال فیڈریشن نے میچ فکسنگ کے الزام میںملکی ٹیم کے 14 کھلاڑیوں پر تاحیات پابندی عائد کردی۔ فیڈریشن کے صدر کارلوس مینڈیز کے مطابق میچ فکسنگ کے الزامات میں ملوث 22کھلاڑیوں میں سے 14پر تاحیات پابندی عائد کردی گئی ہے ۔ کھلاڑیوں کے پاس اپیل کے لئے پندرہ دن کا وقت ہے ۔ ایل سلواڈور کی فٹبال فیڈریشن نے کھلاڑیوں کے خلاف اس وقت تحقیقات کا آغاز کیا جب 2010میں امریکا کے خلاف ایک نمائشی میچ میں ایل سلواڈور کو دو ایک سے شکست ہوئی ۔جون 2011میں میکسیکو کے خلاف گولڈ کپ ٹورنامنٹ کے میچ میں ایل سلواڈور پانچ صفر سے ہزیمت اٹھانی پڑی ،جبکہ رواں سال فروری میں پیراگوئے کے ایل سلواڈور کو چار ایک سے ہرایا تھا ۔ابتداءمیں میچ فکسنگ کی تحقیقات میں 22کھلاڑیوں کو شامل کیا گیا تھا ،جن میں سات کھلاڑیوں کو 20دن سے 18ماہ کے لئے معطل کیا گیا جبکہ ایک کھلاڑی کو کلین چٹ دیدی گئی ۔ایل سلواڈور فٹبال ٹیم کے کوچ آگسٹن البرٹو نے کہا ہے کہ ملک کی نئی ٹیم جونیئر کھلاڑیوں پر مشتمل ہوگی اور تحقیقات میں شامل کسی کھلاڑی کو نئی ٹیم میں شامل نہیں کیاجائے گا۔
ممبئی: انڈین پریمئر لیگ فکسنگ اسکینڈل میں سری نواسن کے داماد گروناتھ پر فرد جرم عائد کر دی گئی۔ پولیس نے چارج شیٹ میں پاکستانی امپائر اسد رؤف سمیت پندرہ بکیز کے نام فائل کر دیے۔بھارتی میڈیا کے مطابق ممبئی پولیس نے فکسنگ اسکینڈل کے ملزمان کے خلاف چارج شیٹ پیش کر دی جس میں بھارتی کرکٹ بورڈ کے سابق صدر سری نواسن کے داماد گروناتھ میاپن کے علاوہ بالی ووڈ اداکار وندو داراسنگھ اور پاکستان امپائر اسد رؤف کا بھی نام شامل ہے۔ بھارتی میڈیا کو انٹرویو دیتے ہوئے اسد رؤف کا کہنا تھا کہ ان کے خلاف اگر کوئی ثبوت ہے تو سب کے سامنے پیش کیا جائے۔ دوسری جانب سری نواسن نے چارج شیٹ پیش ہونے کے بعد کہا ہے کہ گروناتھ کے ساتھ ان کا کوئی تعلق نہیں ہے۔ گروناتھ میاپن فکسنگ الزام میں اپنا دفاع خود کرے۔ ممبئی پولیس کی چارج شیٹ میں پندرہ پاکستانی بکیز کے نام بھی شامل کیے گئے ہیں تاہم فکسنگ سکینڈل کی سماعت اب اکیس نومبر کو شیڈول کی گئی ہے۔
لوزانے: انٹرنیشنل اولمپک کمیٹی کا اجلاس 4 اکتوبر کو ہو گا، پاکستان اولمپک تنازع پر بات ہو گی۔لوزانے ہونے والا اجلاس پاکستان اولمپک تنازع کے حوالے سے خاص اہمیت اختیار کر گیا۔ چار اکتوبر کو آئی او سی کے اجلاس میں پاکستان کے اسپورٹس حکام بھی شریک ہوں گے۔ آئی او سی اجلاس میں بین الصوبائی وزارت کے وزیر ریاض پیرزادہ، عارف حسن اور اکرم ساہی شرکت کریں گے۔ ذرائع کا کہنا ہے اجلاس میں حکومت نواز اور حکومت مخالف پی او اے معاملہ حل ہونے کا قوی امکان ہے۔