کراچی: اصغر علی شاہ اسپورٹس فاونڈیشن کے صدر اور سابق صوبائی وزیر ِ صحت ڈاکٹر سید جنید علی شاہ نے کہا ہے کہ آئی سی سی برقت مداخلت کرکے بنگلہ دیش کو غیر ملکی پر چم میدان میں لانے کی اجازت دلانا اچھا فیصلہ ہے ۔ انھوں نے کہا کہ پاکستان کرکٹ بورڈ کو بھی اس حوالے سے اپنا احتجاج ریکارڈ کرانا چاہیے ،انھوں نے کہا کہ پاکستان کرکٹ ٹیم کی بنگلہ دیش میں بڑھتی ہوئی مقبولیت سے بنگلہ دیش حکومت خوفزدہ ہوگئی تھی جسکے بعد انھوں نے یہ اقدام اٹھایا تھا اور اس کاواپس لیا جانا ایک دانشمندانہ فیصلہ قرار دیا،بطور ہیڈکوچ معین خان کی کارکردگی شاندا رجارہی ہے ۔ڈاکٹر جنید علی شاہ نے امید ظاہر کی ہے کہ پاکستان ٹیم ورلڈٹی 20کے سیمی فائنل کے لیے کوالیفائی کرجائے گی ان کا کہنا تھا کہ معین خان اور ظہیر عباس کی تقرری ورلڈکپ 2015تک ہونی چاہیے ۔ شرجیل خان کی ٹیم میں شمولیت سے پاکستان ٹیم اور بھی مضبوط ہوجائے گی کیونکہ وہ فطری طور پر اس فارمیٹ کے بہترین کھلاڑی ہےں جبکہ کپتان محمد حفیظ کو اپنی تمام صلاحیتوں کو بروکار لاکر پاکستان ٹیم کی کمان کرنی ہے، شعیب ملک سے بھی بیٹنگ اور بولنگ کے شعبوں میں فائدہ اٹھانا چاہیے کیونکہ بنگلہ دیش کی وکٹیں اسپنرز کے لیے سازگار ہیں۔

کراچی: شباب ملی ضلع شرقی کے صدر برہان الدین نے صدر شباب ملی کراچی سیف الدین سے مشاورت کے بعد زون جامعات کے صدر خرم قاضی اور زون ملیر کے صدر جہانزیب رضی کو مقرر کر دیا۔ اس موقع پر صدر شباب ملی ضلع شرقی برہان الدین نے گفتگو کرتے ہوئے کہاکہ نوجوان اپنی تعلیم پر خصوصی توجہ دیں کیوں کہ تعلیم یافتہ نوجوان عام فرد کے مقابلے میں ذیادہ باشعور اورسمجھدار ہوتے ہیں اور ملک کی ترقی اور خوشحالی میں اہم کردار ادا کرسکتے ہیں۔انھوں نے کہا کہ امریکا یو- ایس -ایڈ کے نام پر پاکستان کے نظام تعلیم کواپنے مذموم مقاصدکے لئے استعمال کرنے کی بھرپور کوشش کررہا ہے ۔پاکستان میں تعلیم کے نام پر غیر ملکی قوتیں فحاشی اور عریانی کے کلچرکوفروغ دے رہی ہیں۔ایسے تمام تعلیمی ادارے جو امریکی امداد پر چلتے ہیں وہاں پر پڑھایا جانے والا نصاب طالب علموں کو اسلام اور پاکستان سے دور کررہا ہے۔ایسے میں ضرورت اس بات کی ہے کہ حکومت تعلیم پر خصوصی توجہ دے اور غیر ملکی امداد پر انحصارکرنے کے بجائے غیر ضروری خرچوں کو کم کرے۔

میرپورخاص: انسانیت کی خدمت بھی عبادت ہے ،نبی کریم ﷺ نے امت کو محبت اور بھائی چارگی کا جو درس عظیم دیا،اس پر عمل کرنے میں ہی ہماری بقاءہے ،اس امر کا اظہار دستگیر ویلفیئر آرگنائزیشن کی جانب سے جناح ہال میرپورخاص میں منعقدہ سیمینار سے دستگیر ویلفیئر آرگنائزیشن کے چیئر مین سید محمد فخر عالم شاہ نے خطاب کرتے ہوئے کیا۔انھوں نے کہا کہ پاکستان کی فلاح و بقاءکیلئے ایک دوسرے کی ہاتھ مضبوط کرنے کی ضرورت ہے ،انھوں نے کہا کہ ایک ایسا معاشرہ تخلیق کرنا چاہیے جس میں نہ تو فرقہ واریت ہو نہ قوم پرستی ہو اور نہ ہی تعصب ہو ،اس لئے دستگیر ویلفیئر خدمت انسانیت کے ساتھ ساتھ حب وطن ،حب ایمان کے جذبے کے تحت پورے ملک میں کام کر رہی ہے ۔سیمینار سے خطاب کرتے ہوئے ویلفیئر کے وائس چیئر مین محمد آصف صانبری نے کہا کہ نبی کریم ﷺ سے لیکر اولیاءکرام تک سب نے خدمت انسانیت کا درس عظیم دیا ۔جبکہ ویلفیئر صدر ملک محمد صانبری کا کہناتھا کہ دستگیر ویلفیئر الحمداللہ دکھی انسانیت کی فلاح اور بقاءکے لیے عملی طور پر کام کر رہی ہے۔سیمینار سے صدر انجمن تاجران کھسک پورہ محمد امین میمن ،صدر انجمن تاجران اقبال روڈ نور الہیٰ نے بھی خطاب کیا ، سیمینار میں زندگی کے مختلف شعبہ جات سے تعلق رکھنے والے افراد اور نمائندگان شہر نے سینکڑوں کی تعداد میں شرکت کی اور تمام نے یقین دھانی کروائی کہ ہم جان ومال اور وقت کے ساتھ دستگیر ویلفیئر کے ساتھ ہیں ۔

میرپورخاص: میرپورخاص سندھ بلڈنگ کنٹرول اتھارٹی کی جانب سے سالانہ حج قراندازی کی تقریب میرپورخاص میں منعقد ہوئی۔ میرپورخاص سندھ بلڈنگ اتھارٹی کی جانب سے سالانہ قرعہ اندازی کی تقریب کا انعقاد کیا گیا،جس میں مہمان خصوصی SBCA ریجنل ڈائریکٹر حیدرآباد تذمیر عاصم تھے ،تقریب میں قراندازی کے بعد حج کی سعادت حاصل کرنے والے خوش نصیبوں میں اسسٹنٹ ڈائریکٹر طارق علی اور ظفر اللہ کے نام نکالے گئے ،اس موقع پر ان کاکہنا تھا کہ ہم بہت خوش نصیب ہیں کو اللہ تعالیٰ نے ہمیں اپنے گھر میں آنے کی توفیق عطافرمائی، ہم اپنے ادارے کے بھی بے حد شکر گزار ہیںجو اس طرح کے مواقع اپنے ملازمین کو فراہم کر رہے ہیں ،اس موقع پر مہمان خصوصی تذمیر عاصم نے خوش نصیبوں کو مبارکباد پیش کی اور کہا کہ اللہ تعالی ہم سب کو حج کی سعادت نصیب فرمائے ،آخر میں خوش نصیبوں کو پھولوں کے ہار بھی پہنائے گئے ۔