میرپورخاص: تعلیمی بورڈ میرپورخاص کے چیئرمین شفیق احمد خان نے کہا ہے کہ خواتین کی کرکٹ میں دلچسپی یہ ظاہر کرتی ہے کہ تعلیم کا میدان ہو یا پھر کھیل کا میدان خواتین ہمیشہ مردوں کے شانہ بشانہ ہوتی ہیں ضرورت صرف اس بات کی ہے کہ ان کی بہتر سرپرستی کی جائے ۔ان خیالات کا اظہار انھوں نے پی سی بی وومن ونگ کے زیر اہتمام میر پورخاص کے پی سی بی گراﺅنڈ میں شروع ہونے والے ریجنل انٹر ڈسٹرکٹ وومن کر کٹ ٹورنامنٹ سینئر کی افتتاحی تقریب سے خطاب کرتے ہوئے کیا ،اس موقع پر ڈی سی اے حیدرآباد کے سیکریٹری احمد علی جعفری ،نیشنل بنک حیدرآباد ریجن کے اسپورٹس انچارج عبدالحکیم،جنید بلند ،روزینہ مہر،عبد الستار، کریم وسان ،اسلم قریشیاور نعیم غوری سمیت کھلاڑیوں کی بڑی تعداد موجود تھی، انھوں نے تعلیمی بورڈ کی جانب سے ٹورنامنٹ میں حصہ لینے والی سندھ کی 6اضلاع کی ٹیموں کے لئے کرکٹ شرٹ دینے کا اعلان کیا ۔تقریب سے خطاب کرتے ہوئے سابق ممبر گورننگ بورڈ پی سی بی میر حیدر علی خان تالپور ،پی سی بی وومن ونگ حیدرآباد ریجن کے نمائندے عبد الحسین شاہ، سیکریٹری حیدرآباد ریجن کرکٹ ایسو سی ایشن واحد حسین پہلوانی نے کہا کہ اندرون سندھ میں خواتین کرکٹ اس بات کی عکاسی ہے کہ پاکستان کے چھوٹے چھوٹے شہروں میں بھی مردوں کے ساتھ خواتین میں بھی ٹیلنٹ کی کمی نہیں ہے اور ہمیں امید ہے کہ یہ خواتین کھلاڑی بہت جلد قومی ٹیم میں اپنی کارکر دگی کی بنیاد پر جگہ حاصل کرسکیں گی بعد ازاں کھیلے جانے والے افتتاحی میچ میں جامشورو ڈسٹرکٹ کی ٹیم نے میرپورخاص ڈسٹر کٹ کی ٹیم کو با آسانی نو وکٹو ں سے شکست دی، پہلے بیٹنگ کرتے ہوئے میرپورخاص کی ٹیم 74رنز بنا کر آﺅٹ ہوگئی سارہ غفار 12رنز بنا سکیں ،جامشورو کی جانب سے عروج کنول نے چار جبکہ رقیہ غیور نے تین وکٹیں حاصل کیں ،جامشورو کی ٹیم نے ہدف ایک وکٹ کے نقصان پر حاصل کرلیا ،حصال مریم اور کپتان بختاور نے ناقابل شکست 27اور 5رنز اسکور کئے۔

میرپورخاص: پی سی بی وو من ونگ کے زیر اہتمام کھیلے جانے والے ریجنل انٹر ڈسٹر کٹ سینئروومن کر کٹ ٹورنامنٹ کے میچ میں خیر پور کی ٹیم نے جامشورو کی ٹیم کو 20رنز سے ہرادیا۔ پی سی بی گراﺅنڈ میں کھیلے گئے میچ کا ٹاس جامشورو کی ٹیم نے جیت کر پہلے خیر پور کی ٹیم کو بیٹنگ کرنے کی دعوت دی، خیر پور کی ٹیم نے ذکیہ گل کی شاندار بیٹنگ کی بدولت 195رنز بنائے، ذکیہ گل نے 12چوکوں اور ایک چھکے کی مدد سے 83رنز کی خوبصورت اننگزکھیلی، جبکہ کلثوم نے 39رنز کا اضافہ کیا ۔جامشورو کی جانب سے عروج کنول نے دوسرے میچ میں بھی چار کھلاڑیوں کو آﺅٹ کیا ، رقیہ غیور اور حصال مریم نے دو،دو وکٹیں حاصل کیں ۔جوابی بیٹنگ کرتے ہوئے جامشورو کی ٹیم 175رنز بناکر آﺅٹ ہوگئی، حصال مریم نے 67رنز کی اننگز کھیلی لیکن وہ اپنی ٹیم کو کامیابی نہ دلا سکیں، خیرپور کی جانب سے ماریہ حسن نے چار جبکہ کشمالا بتول اور ذکیہ گل نے دو ،دو کھلاڑیوں کو آﺅٹ کیا ۔بعد ازاں میچ کے مہمان خصوصی کیمسٹ اینڈ ڈرگسٹ ایسو سی ایشن کے صدر چوہدی رفیق عامر کا تعارف دونوں ٹیموں کی کھلاڑیوں سے کرایا گیا اس موقع پر عاصم آفریدی ،مرزا عمران ،مس روزینہ مہر ، واحد حسین پہلوانی بھی موجود تھے۔میچ میں اکبر خان اور عزیز الرحمن نے امپائرنگ کے فرائض انجام دیئے، آفیشل اسکورر عاطف بلوچ تھے ۔

چٹاگانگ: انگلینڈ کو ٹی ٹوئنٹی ورلڈ کپ میں سری لنکا کے خلاف سست اوو رریٹ پر جر مانہ عائد کر دیا گیا۔ چٹا گانگ کے چوہدری ظہور احمد اسٹیڈیم میں کھیلے گئے میچ میں انگلینڈ نے سری لنکا کے خلاف شاندار فتح تو حاصل کر لی مگر سلو اوور ریٹ کی بنا پر انھیں جر مانے کی سزا دی گئی ۔ میچ ریفری ڈیوڈ بون نے انگلش کرکٹ ٹیم کے کپتان اسٹورٹ براڈ اور اس کی ٹیم پر مقرر وقت تک دو اوور کم کرنے کی پاداش میں کھلاڑیوں پر میچ فیس کا دس فی صد جبکہ کپتاناسٹورٹ براڈ پر چالیس فیصد جر مانہ عائد کر دیا ۔ آئی سی سی کو ڈ آف کنڈکٹ کے مطابق کپتان براڈ اگلے ایک سال کے اندر دوبارہ اس غلطی کے مرتکب ہوئے تو انھیں ایک میچ کی پابندی کا سامنا کر نا پڑے گا۔ جرمانہ آئی سی سی کے کوڈ آف کنڈکٹ سلو اوور ریٹ کے آرٹیکل 2.5.1کے مطابق عائد کیا گیا ہے۔