اسلام آباد (پی پی آئی)بیرونی قرض کی مد میں ادائیگی کے بعد ملکی زرمبادلہ کے ذخائر میں کمی ہو گئی۔پی پی آئی کے مطابق اسٹیٹ بینک آف پاکستان کی جانب سے جاری بیان میں کہا گیا ہے کہ ایک ہفتے میں بیرونی قرض کی مد میں 11 کروڑ ڈالر کی ادائیگی کی گئی،اسٹیٹ بینک کے ذخائر 8.15 ارب ڈالر سے گھٹ کر 8.04 ارب ڈالر رہ گئے جبکہ کمرشل بینکوں کے ذخائر1.40 کروڑ ڈالر کمی سے 5 ارب 95 کروڑ ڈالر رہ گئے،اسٹیٹ بینک کا کہنا ہے کہ مجموعی ملکی ذخائر 12.40 کروڑ ڈالر کمی کے بعد 13.33 ارب ڈالر رہ گئے۔
نیپیداو/ اسلام آباد / مانسہرہ (پی پی آئی)اینٹی ہیومن ٹریفکنگ سرکل اسلام آباد نے مانسہرہ میں کارروائی کرتے ہوئے شہریوں کومیانمار/ برما اسمگل کرنیوا لے ملزم ملزم نصیب شاہ کوگرفتار کرلیا۔ پی پی آئی کے مطابق نصیب شاہ نے مختلف شہریوں سے بیرون ملک تھائی لینڈ کیلئے لاکھوں روپے وصول کیے اور دیگر ساتھیوں کی ملی بھگت سے متاثرین کو تھائی لینڈ سے برما ٹریفک کیا۔متاثرین پر برما میں شدید جسمانی تشدد کیا جاتا اور ویڈیو بنا کر لواحقین سے 5 ہزار ڈالر تک بطور تاوان وصول کیا جاتا اور اس رقم کو غیرقانونی طریقوں سے بیرون ملک منتقل کیا جاتا۔ خیال رہے کہ ملزم نصیب شاہ کو پہلے سے گرفتار ملزم کی نشاندہی پر گرفتار کیا گیا اور اس گروہ کے میانمار/ برما کے دارالحکومت نیپیداو میں مقیم مزید ملزمان کی گرفتاری کیلئے کارروائی کی جارہی ہے۔
کابل/ اسلام آباد (پی پی آئی)حالیہ دہشتگردی کے تناظر میں حکومت پاکستان کے شدید رد عمل کے بعد افغان سپریم لیڈر نے سخت احکامات جاری کردیے۔افغانستان سے باہر جہاد پر افغان سپریم لیڈرشیخ ہیبت اللہ اخونزادہ کی جانب سے فتویٰ میں کہا گیا ہے کہ کوئی بھی افغان شہری جہاد اور عسکریت پسندی کیلئے افغانستان کی سرحد پار نہیں کرے گا۔شیخ ہیبت اللہ اخونزادہ کا کہنا ہے کہ جو لوگ عسکریت پسندی کیلئے پاکستان گئے اورمارے گئے تو ان کی موت کو ناپاک قرار دیا جائے گا، ان احکامات کی خلاف ورزی کرنے والوں کو مزید افغانستان کی عبوری حکومت کا حصہ نہیں سمجھا جائے گا۔افغان سپریم لیڈر نے کہا کہ پاکستان میں کسی بھی افغان شہری کے قتل کے بعد، عبوری افغان حکومت کا کوئی نمائندہ اس کے جنازے میں شرکت نہیں کرے گا۔اسی طرح 5 اگست 2023 کو وزیر دفاع ملایعقوب نے وزارت دفاع کا دورہ کیا تھا، دورہ کے دوران انہوں نے واضح احکامات دیئے تھے کہ اس بات کو یقینی بنایا جائے کہ افغانستان سے باہر کسی جنگ میں افغانوں کی شرکت نہ ہو۔وزیر دفاع ملا یعقوب نے ہدایت کی کہ افغان سپریم لیڈر شیخ ہیبت اللہ اخونزادہ کے احکامات کی تعمیل کی جائے اور افغان شہریوں اور مجاہدین کی افغان سے باہر شرکت کو جنگ تصور کیا جائے گا، اور اسے جہاد نہیں کہا جائے گا۔ملا یعقوب نے تمام مجاہدین کو مشورہ دیا کہ وہ کہیں اور لڑنے کے بجائے افغانستان کی تعمیر نو میں تعاون کریں، افغانستان کی فلاح و بہبود اور تعمیر نو کے لیے کام کرنا عبوری افغان حکومت کے مجاہدین کے لیے اصل جہاد ہے۔
اسلام آباد (پی پی آئی)قومی ایئر لائن(پی آئی اے)نے جشن آزادی پر اندرون ملک پروازوں پر کرایوں میں رعایت کا اعلان کر دیا۔پی پی آئی کے مطابق ترجمان پی آئی اے کا کہنا ہے کہ 14اگست کو پی آئی اے کی اندرون ملک پروازوں پر 14فیصد رعایت ہو گی،رعایتی ٹکٹ فوری طور پرحاصل کئے جا سکتے ہیں،ترجمان کا مزید کہنا تھا کہ رعایتی ٹکٹ 14اگست کو سفر کیلئے کارآمد ہوں گے۔
بھارت کے وزیرِ خارجہ سلمان خورشید کا کہنا ہے لائن آف کنٹرول کے قریب پاکستانی فوج کی مبینہ کارروائی میں دو بھارتی فوجیوں کی ہلاکت کا واقعہ ناقابلِ قبول ہے تاہم حالات کو مزید خراب ہونے دیا جا سکتا۔ اس سے قبل بھارتی حکام کی جانب سے کو اشتعال انگیز
