اٹک (پی پی آئی) اٹک جیل میں سابق وزیراعلٰی پنجاب پرویز الٰہی کی اچانک طبعیت خراب ہو گئی،ذرائع کے حوالے سے بتایا گیا کہ سابق وزیراعلٰی پنجاب کو چیک اپ کیلئے پمز ہسپتال منتقل کیا گیاہے۔ پی پی آئی کے مطابقپولیس کا قافلہ پرویز الٰہی کو لیکر اٹک جیل سے اسلام آباد پہنچا۔
آسٹریلین اوپن :روجر فیڈرر اور شراپووا کی پری کوارٹر فائنل میںرسائی
ارجنٹائن ڈاکار ریلی : 12ویں مرحلے میں پیٹر ہانسل اور مارک کوما کی کامیابی
پی سی بی چیئرمین ذکاءاشرف نے قانونی مشیر تفضل رضوی کو معطل کردیا
بھارت نے دنیائے کرکٹ کو تقسیم کرنے کی گھناونی سازش تیار کرلی
آسٹریلین اوپن : اعصام اور بھوپنا کی جوڑی تیسرے راﺅنڈ میں پہنچ گئی
پاکستان کرکٹ کا نیا بوم بوم، شاہ زیب حسن کی دوسری تیز ترین سنچری
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
(May 6, 2026)
متعدد ہلاکتوں کے بعد دریائے حب میں سرگرمیوں پر پابندی
(May 4, 2026)
- April 23, 2026
- April 22, 2026
اشتہار
تازہ ترین
گلگت بلتستان اورخیبرپختونخوا میں چند اضلاع کے غیرضروری سفر سے گریز کریں،برطانوی حکومت کی اپنے شہریوں کو ہدایت
اسلام آباد (پی پی آئی)پاکستان کے شمالی علاقوں گلگت بلتستان میں گذشتہ چند روز سے بڑے پیمانے پر احتجاجی مظاہرے ہو رہے ہیں۔ان مظاہروں کے پیش نظر امریکہ کے بعد برطانیہ کی حکومت نے بھی اپنے شہریوں کو ہدایت کی ہے کہ وہ گلگت بلتستان کے غیرضروری سفر سے گریز کریں۔پی پی آئی کے مطابق ایڈوائزری میں صوبہ خیبرپختونخوا کے چند اضلاع میں بھی سفر نہ کرنے کا کہا گیا ہے۔ قبل ازیں امریکہ کے پاکستان میں موجود سفارت خانے نے بھی اپنے شہریوں کو سکردو اور دیامر میں جاری احتجاج کے پیش نظر اپنے شہریوں کو خبردار کیا ہے۔امریکی سفارت خانے نے اپنے بیان میں کہا ہے کہ ’پرامن مظاہروں کو کسی بھی وقت پرتشدد ہو جانے کا خدشہ ہے۔ اس لیے اجتماعات اور ہجوم کے قریب جانے میں احتیاط کریں اور مقامی میڈیا کی رپورٹس پر نظر رکھیں۔
ایشیا کپ میں بھارت کے خلاف میچ کھیلنے کے بعد پاکستانی کرکٹ ٹیم کولمبو سے لاہور پہنچ گئی
(ویب ڈیسک) ایشیا کپ کرکٹ ٹورنامنٹ میں بھارت کے خلاف میچ کھیلنے کے بعد پاکستان کرکٹ ٹیم کولمبو سے چارٹرڈ فلائٹ کے ذریعے لاہور پہنچ گئی۔ قومی ٹیم منگل کو ایل سی سی ایگراؤنڈ میں ٹریننگ کرے گی، خیال رہے کہ پاکستان سپر فور میں کوالیفائی کرنے والی پہلی ٹیم ہے، اس سے قبل پاکستانی کرکٹرز بس کے ذریعے کینڈی سے کولمبو پہنچے تھے۔پاکستان ٹیم بدھ کو سپر فور مرحلے کا میچ افغانستان یا بنگلا دیش کے خلاف کھیلے گی۔پاکستان کے سپر فور میں کوالیفائی کرنے کی صورت میں اے ون قرار پائے گی۔ بنگلا دیش یا افغانستان میں سے کسی کے بھی کوالیفائی کرنے کی صورت میں وہ بی ٹو قرار پائے گی،پی پی آئی کے مطابق پاکستان اور بھارت کا میچ ہفتے کو کینڈی میں ہوا تھا جو مسلسل بارش کے باعث بے نتیجہ ختم کردیا گیا تھا۔ بھارت کے خلاف میچ میں پاکستان کی جانب سے تینوں فاسٹ بولرز نے میچ میں بھارت کی 10 وکٹیں حاصل کیں، جو ایشیاکپ کی تاریخ میں ایک ریکارڈ ہے۔
سندھ میں پابندی کے باوجود قیمتی سرکاری زمینوں کی بندر بانٹ کے اعدادوشمار طلب
کراچی (پی پی آئی)سندھ کی نگران حکومت نے پابندی کے باوجود قیمتی سرکاری زمینوں کی بندر بانٹ کی تفصیلات طلب کرلی ہیں۔سیکرٹری لینڈ یوٹیلائزیشن سندھ نے خط لکھ کر 14 مختیار کاروں سے دو روز میں تفصیلات جمع کرانے کا کہا ہے۔ پی پی آئی کے مطابق ضلع شرقی، ملیر، کورنگی، غربی، کیماڑی میں الاٹمنٹ اور ریگولرائزیشن کا ریکارڈ طلب کیا گیا ہے۔اس سے قبل محکمے نے 28 اگست کو تفصیلات طلب کی تھیں لیکن تمام مختیار کارحقائق اور ریکارڈ فراہم کرنے میں ناکام رہے۔خط میں کہا گیا ہے کہ پابندی کے باوجود قیمتی سرکاری زمین کی تقسیم قومی مفادات کی خلاف ورزی ہے اور انتباہ ہے کہ دو روز میں تفصیلات فراہم کریں،خط میں تفصیلات فراہم کرنے میں ناکامی پر قانون کے مطابق سخت کارروائی کا عندیہ دیا گیا ہے۔
تلاش کریں
خبریں
آسٹریلین اوپن :روجر فیڈرر اور شراپووا کی پری کوارٹر فائنل میںرسائی
(January 18, 2014)
میلبورن: سابق عالمی چیمپئن روجر فیڈرر اور روس کی ماریہ شراپوا آسٹریلین اوپن ٹینس ٹورنامنٹ کے پری کوارٹر فائنل میں پہنچ گئیں۔ سیزن کے پہلے گرینڈ سلیم میں مینز سنگلز کے تیسرے راونڈ میں سوئس سٹار روجر فیڈرر اور روس کے طےموراز کے مد مقابل ہوئے۔ سترہ بار کے گرینڈ سلیم چیمپئن فیڈرر کو کمزور حریف کے خلاف ایک گھنٹے اور اکتالیس منٹ کے مقابلے کے بعد کامیابی حاصل ہوئی۔ سوئس سٹار روجر فیڈرر کی فتح کا اسکور چھ دو، چھ دو اور چھ تین رہا۔ ویمنز سنگلز میں سابق عالمی نمبر ایک ماریہ شراپوا نے تیسرے راونڈ میں فرانس کی الیزے کورنیٹ کو چھ ایک اور سات چھ سے شکست دی۔
ارجنٹائن ڈاکار ریلی : 12ویں مرحلے میں پیٹر ہانسل اور مارک کوما کی کامیابی
(January 18, 2014)
بیونس آئرس: ارجنٹائن ڈاکار ریلی کے بارہویں مرحلے فرانس کے پیٹر ہانسل نے کار جبکہ اسپینش رائیڈر مارک کوما نے بائیک ایونٹس میں برتری حاصل کر لی۔ ارجنٹائن میں جاری ڈا کار ریلی کے بارہویں مرحلے میں بھی سنسنی خیز مقابلے ہوئے۔ دفاعی چیمپئن فرانسیسی ڈرائیوراسٹیفن پیٹر ہانسل نے شاندار کم بیک کیا۔ وہ بارہویں مرحلے میں مقررہ فاصلہ تین گھنٹے اڑتیس منٹ اور انیس سیکنڈز میں طے کر کے سر فہرست رہے۔ جس کے بعد پیٹر ہانسل نے ریس میں پانچویں فتح اپنے نام کر کے مجموعی طور پر برتری بھی حاصل کر لی ہے۔ ریس میں قطر کے نصیر ال عطیہ دوسرے اور اسپین کے نینی روما تیسرے نمبر پر موجود ہیں۔ بائیک ریس میں فرانس کے سائرل دسپریس کی پہلی پوزیشن رہی۔ ریس میں دوسرے نمبر پر آنیوالے اسپینش رائیڈر مارک کوما کا مجموعی طور پر ٹاپ پوزیشن پر قبضہ برقرار ہے۔
پی سی بی چیئرمین ذکاءاشرف نے قانونی مشیر تفضل رضوی کو معطل کردیا
(January 18, 2014)
لاہور: پاکستان کرکٹ بورڈ کے چیئرمین ذکاءاشرف نے قانونی مشیر تفضل رضوی کو عہدے سے معطل کردیا۔ تفضل رضوی نے چیف آپریٹنگ آفیسر سبحان احمد کو خط لکھا تھا کہ ذکاءاشرف کے بطور چیئرمین بحالی کے فیصلے میں چند قانونی پیچیدگیاں ہیں اور پی سی بی اس ے متعلق وزیراعظم سے ہدایات طلب کرے ۔ تفضل رضوی کے خط کے بعد ذکاءاشرف نے انہیں معطل کردیا ۔
بھارت نے دنیائے کرکٹ کو تقسیم کرنے کی گھناونی سازش تیار کرلی
(January 18, 2014)
لاہور: بھارت نے دنیائے کرکٹ کو تقسیم کرنے کی گھناونی سازش تیار کرلی۔ کرکٹ کے انتظامی امور بھارت، آسٹریلیا اور انگلینڈ تک محدود رکھنے کی رپورٹ تیار کرلی گئی۔ پاکستان سمیت ممبر ممالک میں بے چینی کی لہر دوڑ گئی۔آئی سی سی میں اپنی اجارہ داری کو مضبوط کرنے کے لئے بھارت نے نئی سازش تیارکی ہے۔ بھارت کی اس گھناونی سازش میں انگلینڈ اور آسٹریلیا بھی شامل ہیں،رپورٹ کے مطابق مستقبل میں کرکٹ کے انتظامی امور بھارت، آسٹریلیا اور انگلینڈ تک ہی محدود ہوجائیں گے۔اس رپورٹ سے پاکستان سمیت آئی سی سی کے ممبر ممالک میں بے چینی کی لہر دوڑ گئی ہے۔ رپورٹ میں دی جانے والی تجویز میں آئی سی سی کا چیئرمین، چیف ایگزیکٹو اور مالی امور کا سربراہ ان ہی تین ممالک سے ہوگا۔2017 اور 2021 میں ٹیسٹ چیمپئن شپ کی جگہ چیمپئنز ٹرافی کا انعقاد مجوزے میں شامل ہے۔ ان تجاویز پر 28اور29جنوری کو دبئی میں ہونے والے آئی سی سی کی سالانہ بورڈ میٹنگ میں غور کیا جائے گا۔ تجویز منظور ہوگئی تو پاکستان میں بین الاقوامی کرکٹ کی بحالی مشکل ہوجائے گی۔
آسٹریلین اوپن : اعصام اور بھوپنا کی جوڑی تیسرے راﺅنڈ میں پہنچ گئی
(January 18, 2014)
میلبور: پاکستانی ٹینس اسٹار اعصام الحق اور بھارت کے روہن بھوپنا کی جوڑی آسٹریلین اوپن کے تیسرے راونڈ میں پہنچ گئی ۔ میلبورن میں کھیلے جانے والے مینز ڈبلز کے دوسرے راونڈ کے میچ میں پاکستان کے اعصام الحق اور بھارت کے روہن بھوپننا نے برطانوی جوڑی کو تین سیٹ کے مقابلے کے بعد زیر کرتے ہوئے تیسرے راونڈ تک رسائی حاصل کی۔برطانوی کھلاڑیوں نے پہلا سیٹ چار چھ سے جیت کر برتری حاصل کی۔ جس کے بعد پاک بھارت جوڑی نے بھرپور کم بیک کیا اور یک کے بعد دیگرے دونوں سیٹس چھ تین اور چھ دو سے جیت کر اگلے مرحلے کے لئے کوالیفائی کرلیا۔
پاکستان کرکٹ کا نیا بوم بوم، شاہ زیب حسن کی دوسری تیز ترین سنچری
(January 18, 2014)
کراچی: پاکستان کرکٹ میں نئے بوم بوم نے دستک دے دی ، کراچی کے کھلاڑی شاہ زیب حسن نے ڈومیسٹک کرکٹ میں دوسری تیز ترین سنچری بنائی، انہوں نے پریذیڈنٹ کپ میں پہلی سنچری 40 گیندوں پر جبکہ دوسری سنچری پریذیڈنٹ ٹرافی میں 47 گیندوں پر اسکور کی۔پاکستان ڈومیسٹک کرکٹ میں شاہ زیب بولرز کیلئے شامت کی علامت بن گیا، سیزن میں انہوں نے دوسری تیز ترین سنچری بنائی۔پریذڈنٹ ٹرافی کے 3 روزہ میچ کے آخری روز پورٹ قاسم کے بلے باز نے پی آئی اے کے بولرز کی خوب دھنائی کی اور محض 47 گیندوں پر سنچری جڑدی، شاہ زیب نے 119 رنز کی اپنی اننگز میں 12 چھکے اور 6 چوکے بھی لگائے۔چار دن قبل شاہ زیب نے نیشنل اسٹیدیم میں اسٹیٹ بینک کے خلاف پریذڈنٹ ون ڈے کپ میں 40 گیندوں پر سنچری بنائی تھی۔