لاہور(پی پی آئی) لاہور کی احتساب عدالت نے سرکاری ٹھیکوں میں مبینہ گھپلوں اور کک بیکس کے کیس میں سابق وزیراعلیٰ پنجاب چودھری پرویز الہٰی کو 29 اگست تک جسمانی ریمانڈ پر نیب کے حوالے کر دیا۔سابق وزیراعلیٰ چودھری پرویز الہٰی کو جسمانی ریمانڈ کی مدت مکمل ہونے پر احتساب عدالت پیش کیا گیا، احتساب عدالت کے جج زبیر شہزاد کیانی نے پرویز الہٰی کے خلاف کیس کی سماعت کی، نیب کی جانب سے چودھری پرویز الہٰی کے مزید 14 روزہ جسمانی ریمانڈ کی استدعا کی گئی۔پرویز الہٰی کے وکیل نے موقف اختیار کیا کہ سپریم کورٹ نے لاہور ہائیکورٹ کو حکم دیا تھا کہ 21 اگست تک فیصلہ کریں مگر ابھی تک ہائیکورٹ میں کیس نہیں سنا گیا، عدالت اگر مناسب وقت کیلئے پرویز الہیٰ کا ریمانڈ منظور کر لیتی ہے تو ہمیں کوئی اعتراض نہیں۔پی پی آئی کے مطابق سابق وزیراعلیٰ نے دوران سماعت عدالت کو بتایا کہ میری کمر میں شدید تکلیف ہے، پاؤں بھی سوجے ہوئے ہیں، ذاتی معالج سے ملاقات کی اجازت دی جائے جس پر عدالت نے جواب دیا کہ اس معاملے کو دیکھ لیتے ہیں۔بعد ازاں عدالت نے نیب کی جانب سے 14 روزہ جسمانی ریمانڈ کی استدعا مسترد کرتے ہوئے سابق وزیراعلیٰ چودھری پرویز الہٰی کا مزید 8 روزہ جسمانی ریمانڈ منظور کر لیا۔
ایشین ہاکی چیمپئینزٹرافی:پاکستان نے چین کو 1-5 سے شکست دیدی
پاکستان اور جنوبی افریقا کے درمیان تیسرا ون ڈے بدھ کو کھیلا جائے گا
مسلسل ناقص کارکردگی پر ناصر جمشید کو ڈراپ کیے جانے کا امکان
واپڈا سائیکلسٹ مبشر علی نے پشاور تا واہ کینٹ سائیکل ریس جیت لی
پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
واٹمور بہتر کارکردگی دکھانے میں ناکام رہے : چوہدری ذکاءاشرف
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
متعدد ہلاکتوں کے بعد دریائے حب میں سرگرمیوں پر پابندی
- April 23, 2026
اشتہار
تازہ ترین
مشعال ملک کی معاون خصوصی تعیناتی سے جموں کشمیر لبریشن فرنٹ کا اظہارِ لاتعلقی
راولپنڈی/مظفر آباد/آزاد کشمیر(پی پی آئی)بھارت کی قید میں موجود حریت پسند کشمیری رہنما یٰسین ملک کی سربراہی میں قائم تنظیم جموں کشمیر لبریشن فرنٹ (جموں کشمیر لبریشن فرنٹ) نے اعلان کیا ہے کہ تنظیم یا یٰسین ملک کا اْن کی اہلیہ مشعال حسین ملک کی بطور معاون خصوصی نگران وزیر اعظم تعیناتی سے کوئی تعلق نہیں ہے۔پی پی آئی کے مطابق مشعال حسین ملک نے 2009 میں اپنے دورہ پاکستان کے دوران یٰسین ملک سے شادی کی تھی، حال ہی میں انہیں نگران وزیر اعظم انوار الحق کاکڑ کی کابینہ میں 5 معاونین خصوصی میں سے ایک کے طور پر شامل کیا گیا ہے، انہیں انسانی حقوق اور خواتین کو بااختیار بنانے کا قلمدان سونپا گیا ہے۔اس تعیناتی کو بھارتی میڈیا میں خوب کوریج ملی، سوشل میڈیا پر بھی مختلف ردعمل سامنے آئے اور بھارتی جیل میں قید ان کے شوہر یسٰین ملک کی حفاظت کے حوالے سے خدشات بھی ظاہر کیے گئے۔راولپنڈی میں قائم جموں کشمیر لبریشن فرنٹ کے قائم مقام چیئرمین راجا حق نواز نے کہا کہ پاکستانی شہری مشعال حسین ملک جموں کشمیر لبریشن فرنٹ کی رکن نہیں ہیں، اْن کے کسی بیان یا عمل کو تنظیم سے منسوب نہیں کیا جا سکتا، نہ ہی انہوں نے خود کبھی ایسا کوئی دعویٰ کیا ہے۔انہوں نے کہا کہ ہمارے چیئرمین کی شریک حیات کے طور پر وہ ہمارے لیے قابل احترام ہیں، جموں کشمیر لبریشن فرنٹ کے ساتھ پوری کشمیری قوم کی طرح یٰسین ملک کا خاندان بھی ان کے بھارت کے ہاتھوں استحصال پر فکرمند ہے۔راجا حق نواز نے بتایا کہ عالمی سطح پر جموں کشمیر لبریشن فرنٹ کے حامی جائز سیاسی اور سفارتی ذرائع سے یٰسین ملک کی وکالت کر رہے ہیں۔انہوں نے مقبوضہ کشمیر کی آزادی کے لیے یٰسین ملک کی پرامن، غیر مذہبی، غیر انتہا پسندانہ اور عدم تشدد پر مبنی جدوجہد کی تعریف کی اور انہیں حقیقی تحریک آزادی کا قومی ترجمان قرار دیا۔
آفیشل سیکرٹ ایکٹ کے تحت ملک کی پہلی خصوصی عدالت قائم
ملک بھر میں درج مقدمات کی سماعت کے لیے اسلام آباد میں خصوصی عدالت قائم کردی گئی۔قانون کے مطابق آفیشل سیکرٹ ایکٹ کے تحت درج مقدمات کی سماعت ان کیمرا ہو گی۔پی پی آئی کے مطابق آفیشل سیکرٹ ایکٹ عدالت کا اضافی چارج انسداد دہشتگردی عدالت کے جج کو سونپ دیا گیا ہے، جج ابوالحسنات آفیشل سیکرٹ ایکٹ کے تحت درج مقدمات کی سماعت کریں گے۔
آیت اللہ العظمی علامہ محمد حسین نجفی اسلام آباد میں انتقال کرگئے
اسلام آباد (پی پی آئی) معروف مذہبی شخصیت آیت اللہ العظمی علامہ محمد حسین نجفی وفاقی دارالحکومت کے ہسپتال میں انتقال کرگئے ان کا تعلق سرگودھا کی زاہدکالونی سے تھا۔علامہ محمد حسین نجفی کے انتقال کی تصدیق ان کے اہلخانہ کی جانب سے کی گئی۔پی پی آئی کے مطابق آیت اللہ العظمی علامہ محمد حسین نجفی 1932 میں پیداہوئے، محمدحسین ڈھکوکے نام سے مشہور تھے، انہوں نے کئی کتب تحریر کیں، ان کی کتب میں اثبات الامام، تفسیر فیضان الرحمن شامل ہیں۔ اس کے علاوہ مسائل الشریعہ اردو ترجمہ وسائل الشیعہ، شرح اردو اعتقادات شیخ صدوق بھی ان کی تصنیفات میں شامل ہیں۔ انہوں نے مدرسہ سلطان المدارس الاسلامیہ اور جامعہ علمیہ عقیل بنی ہاشم کی بنیاد رکھی تھی۔
تلاش کریں
خبریں

ایشین ہاکی چیمپئینزٹرافی:پاکستان نے چین کو 1-5 سے شکست دیدی
ٹوکیو: ایشین ہاکی چیمپئینزٹرافی میں پاکستان کی فاتحانہ پیش قدمی جاری ،قومی ٹیم نے دوسرے میچ میں چین کوایک کے مقابلے میں پانچ گول سے شکست دے دی۔جاپان کے شہرکاکا میگھارا میں کھیلے جانے والے ایونٹ میں پاکستان نے دوسرے میچ میں چین کوزیرکرکے مسلسل دوسری کامیابی حاصل کرلی۔ پاکستان نے پہلے میچ میں اومان کوہرایا تھا۔ گرین شرٹس نے چین کوپانچ ایک گول سے آﺅٹ کلاس کیا۔ دفاعی چیمپئن پاکستانی ٹیم ایک دن آرام کے بعد منگل کواپنا تیسرا میچ ملائیشیا کیخلاف کھیلے گی۔

پاکستان اور جنوبی افریقا کے درمیان تیسرا ون ڈے بدھ کو کھیلا جائے گا
ابوظہبی: پاکستان اورجنوبی افریقا کے درمیان تیسرا ون ڈے بدھ کوابوظہبی میں کھیلا جائیگا۔ قومی ٹیم میچ کی تیاری کیلئے شیخ زید اسٹیڈیم میںبھرپور پریکٹس میں مصروف ہے۔پاکستان نے دبئی میں کھیلے گئے دوسرے ون ڈے میں پروٹیز کوشکست دیکرپانچ میچوںکی سیریزایک ایک سے برابرکردی تھی۔ دونوں ٹیمیں اب چھ نومبر کو تیسرے ون ڈے میں ابوظہبی میں آمنے سامنے آئیں گی۔ میچ کی تیاری کیلئے دونوں ٹیمیں شیخ زید اسٹیڈیم میں پر یکٹس میں مصروف ہیں۔ سیریزبرابرہونے کے باوجود پاکستانی کپتان مصباح الحق پہلے میچ کی شکست کوبھلا نہیں پائے ہیں۔ ان کا کہنا ہے کہ کھلاڑی ایک میچ میں کامیابی کے بعد سکون سے نہ بیٹھیں اورباقی میچوںمیں بھی میدان مارکرنئی تاریخ رقم کرنی ہے۔ دوسری جانب پروٹیزٹیم بھی بیٹسمینوں کی پرفارمنس میں عدم تسلسل سے تشویش میں مبتلا ہے۔ ان کا کہنا ہے کہ بیٹنگ کی خامیاں دورکرنے کیلئے تیسرے میچ سے قبل سخت محنت کریں گے۔

مسلسل ناقص کارکردگی پر ناصر جمشید کو ڈراپ کیے جانے کا امکان
ابوظہبی: پاکستانی کرکٹ ٹیم کے اوپننگ بلے باز ناصر جمشید کو جنوبی افریقا کے خلاف تیسرے ایک روزہ میچ سے ڈراپ کیے جانے کا امکان ہے ۔مسلسل ناقص کارکردگی کا مظاہرہ کرنے والے ناصر جمشید کی جگہ مڈل آرڈر بلے باز اسد شفیق کی ٹیم میں شمولیت متوقع ہے جبکہ محمد حفیظ احمدشہزاد کے ساتھ اوپننگ کریں گے ۔ ناصر جمشید جنوبی افریقا کے خلاف ون ڈے سیریز کے پہلے دو میچوں میں صرف ایک ہی رنز بناسکے ہیں ۔رواں سال کے آغاز میں بھارت کے خلاف تین جنوری کو 106رنز کی اننگ کے بعد وہ 20ایک روزہ میچوں میں صرف دو نصف سنچریاں سکور کرسکے ہیں ۔واضح رہے کہ 24سالہ ناصر جمشید نے رواں سال پاکستان کی جانب سے بطور اوپنر سب سے زیادہ میچ کھیلے ہیں ۔

واپڈا سائیکلسٹ مبشر علی نے پشاور تا واہ کینٹ سائیکل ریس جیت لی
واہ کینٹ: واپڈا کے سائیکلسٹ مبشر علی نے پشاور تا واہ کینٹ سائیکل ریس جیت لی۔واپڈا ہی کے زاہد گلفام نے دوسری جبکہ آرمی کے عمران اشرف نے تیسری پوزیشن حاصل کی ۔ پاکستان سائیکلنگ فیڈریشن نے ریس کے اختتام پر ٹور آف شارجہ کے لئے 10ممبران پر مشتمل ممکنہ ٹیم کا اعلان کردیا ۔قومی سطح کی ریس میں ملک بھر کی 10ٹیموں کے 60سائیکلسٹس نے شرکت کی ۔135کلومیٹر کا طویل مرحلہ صرف 35سوار مکمل کرسکے ۔مبشر علی نے یہ فاصلہ تین گھنٹے چھ منٹ اٹھارہ سیکنڈز میں طے کرکے پہلی پوزیشن پر قبضہ جمالیا ۔

پیرس ماسٹرز: اعصام الحق جوڑی کوارٹر فائنل میں شکست کے بعد ایونٹ سے باہر
پیرس: قومی ٹینس سٹار اعصام الحق قریشی پیرس ماسٹرز کے کوارٹر فائنل میں شکست کھاکر ایونٹ سے باہر ہوگئے ۔ اعصام الحق نے اپنے ڈچ ساتھی جولین روجر کے امریکا کے برائن برادرز کے خلاف ٹینس کورٹ میں اترے ۔پہلے سیٹ میں اعصام الحق جوڑی کو کامیابی حاصل ہوئی لیکن اولمپک گولڈ میڈلسٹ برائن برادرز نے کم بیک کرتے ہوئے اگلے دو سیٹ میں کامیابی حاصل کرتے ہوئے سیمی فائنل کے لئے کوالیفائی کرلیا ۔واضح رہے کہ ایونٹ کے کوارٹر فائنل میں شکست کے باوجود اعصام الحق نے مسلسل تیسرے سال اے ٹی پی فائنل ماسٹرز ٹینس چیمپئن شپ میں کوالیفائی کرنے کا اعزاز حاصل کیا ہے ۔قانون کے مطابق ہر سال ٹینس سیزن کے اختتام پر رینکنگ میں سنگل کھیلنے والے ٹاپ 8کھلاڑی اور جبکہ ڈبلز میں ٹاپ8ٹیمیں اے ٹی پی کے سب سے بڑے ایونٹ میں کھیلنے کے لئے کوالیفائی کرتی ہیں ۔

واٹمور بہتر کارکردگی دکھانے میں ناکام رہے : چوہدری ذکاءاشرف
کراچی: پاکستان کرکٹ بورڈ کے معطل چیئرمین ذکاءاشرف نے کہا ہے کہ قومی ٹیم کے کوچ ڈیو واٹمور اپنی بہتر کارکردگی دکھانے میں ناکام ہوچکے ہیں ۔ ذکاءاشرف نے ان خبروں کی سختی سے تردید کی کہ واٹمور کو انہوں نے ذاتی طور پر کوچ مقر رکیا تھا ۔ ذکاءاشرف کا کہنا تھا کہ واٹمور کو انہوں نے کرکٹ کمیٹی کے سفارشات پر ٹیم کا کوچ مقر ر کیا تھا اور اس کمیٹی میں انتخاب عالم اور ظہیر خان جیسے ماہر کھلاڑی موجود تھے ۔ ذکاءاشر ف نے یہ بھی کہا کہ واٹمور اپنی کارکردگی دکھانے میںمکمل طور پر ناکام رہے ہیں ۔پی سی بی کو چاہیئے کہ وہ کوچ کے ساتھ بیٹھ کر کارکردگی کے حوالے سے غور وفکر کرے ۔ واضح رہے کہ ذکاءاشرف کو رواں سال مئی میں اسلام آباد ہائیکورٹ نے پی سی بی کی چیئرمین شپ سے معطل کردیا تھا ۔اور پی سی بی میں دوبارہ االیکشن کرانے کاحکم دیا تھا ۔