جو ہانسبرگ: مچل جونسن کو جنو بی افریقا کے خلاف ٹی ٹوئنٹی سیریز میں آرام دینے کا فیصلہ کیا گیا ۔ آسٹریلیا نے جنوبی افریقا کے خلاف ٹیسٹ سیریز میں عمدہ کار کردگی دکھانے والے فاسٹ باﺅلر مچل جونسن کو ٹی ٹوئنٹی ورلڈ کپ کے پیش نظر جنوبی افریقا کے خلاف حالیہ سیریز میں آرام دینے کا فیصلہ کیاہے جبکہ ان کی جگہ آل راﺅنڈر موئزز ہنری کوئز کو ٹیم میں شامل کیا گیاہے ،جونسن ٹی ٹوئنٹی ورلڈ کپ کے لیے ٹیم کی بنگلہ دیش روانگی تک آسٹریلیا میں اپنے خاندان کے ساتھ کچھ دن گزاریں گے ۔ آسٹریلیا کے کو چ ڈیرن لیہمن نے کہا کہ جونسن پچھلے کافی عرصے سے مسلسل کرکٹ کھیل رہے ہیں اسی لیے انھیں ٹی ٹوئنٹی ورلڈ کپ سے قبل کچھ آرام دیا گیا ہے تاکہ وہ اپنے خاندان کے ساتھ کچھ دن گذار یں اور تازہ دم ہوکر ٹیم میں واپس آجائے ۔جونسن نے جنو بی افریقا کے خلاف حالیہ سیریز میں سب سے زیادہ22 وکٹیں حاصل کی ہیں۔ آسٹریلیا ، جنو بی افریقا کے خلاف اپنا پہلاٹی ٹوئنٹی میچ 9مارچ کوجبکہ ورلڈ کپ میں اپنا پہلا میچ 23مارچ کو پاکستان کے خلا ف کھیلے گا۔

بارباڈوس: انگلینڈ کے خلاف ٹی ٹوئنٹی سیریز میںٹی ٹوئنٹی چمپیئن ویسٹ انڈیز کا ورلڈ کپ کے لیے منتخب ٹیم کو برقرار رکھنے کا فیصلہ، ٹیم میں کیرون پولارڑکو شا مل نہیں کیا گیا ہے ۔ ویسٹ انڈیز نے کھلا ڑیوں کو پریکٹس کی غرض سے ورلڈ کپ میں شرکت کرنے والی حتمی ٹیم کو انگلینڈ کے خلا ف برقرار رکھنے کا فیصلہ کیا ہے ۔ ٹیم کی قیادت ڈیرن سمی کر یں گے جبکہ زخمی کیرون پولا رڑ کو ٹیم میں شامل نہیں کیا گیا ہے ، کیرون پولارڑ اس سال جنوری میں چیرٹی فٹ بال میچ کھیلتے ہوئے گھنٹے کی انجر ی کا شکا رہوئے تھے ، تاہم ابھی تک صحت یاب نہیں ہو سکے ہیںجبکہ حیرت انگیز طور پر فاسٹ باﺅ لر شیلڈن کنٹرول کو حتمی ٹیم کا حصہ بنا یا گیا ہے، جو ورلڈ کپ سے قبل ٹی ٹوئنٹی انٹر نیشنل کھیلنے کا اعزاز حاصل کریں گے۔ پچھلے ورلڈ کپ میں چمپیئن ٹھہرنے والی ویسٹ انڈیزکی ٹیم پچھلے کچھ عرصے سے ناقص کار کر دگی کا مظا ہرہ کر ہی ہے۔ ٹیم میں ڈیرن سمی (کپتان)، سموئیل بدری، ڈیوائن براوو، جونسن چارلس ، شیلڈن کوٹرل ، اینڈرے فلچر ، کرس گیل ، سنیل نرائن ، دینیش رامدین ، روی رام پال ،آنڈرے رسل ، مارلن سموئیلز ، کرشمار سنٹوکی ، لینڈی سیمنز اور ڈیوائن اسمتھ شامل ہیں۔

ڈھاکا: بنگلہ دیش میں جاری ایشیا کپ کرکٹ ٹورنامنٹ میں تمام ٹیموں کی فیلڈنگ ناقص رہی۔ ایونٹ میں اب تک کھیلے گئے آٹھ میچز میں تمام ٹیمیں چالیس کیچز ڈراپ کرچکی ہیں۔ سری لنکا نی فیلڈنگ کے شعبے میں دیگرٹیموں کی نسبت قدرے بہترکارکردگی دکھائی ہے ۔ افغانستان اورعالمی چیمپئین بھارت کی فیلڈنگ انتہائی غیرمعیاری رہی اوردونوں ٹیمیں کیچزڈراپ کرنے میں بھی سرفہرست ہیں۔ بنگلہ دیش کے خلاف میچ میں افغان فیلڈرز نے ناصرحسین کا کیچ چار مرتبہ ڈراپ کردیا۔ بھارتی وکٹ کیپر دنیش کارتک نے سری لنکا کے خلاف میچ کے اہم موڑ پر کمارسنگاکارا کا اسٹمپ مس کیا جس کے بعد سنگاکارا نے نہ صرف سنچری اسکور کی بلکہ اپنی ٹیم کواہم کامیابی بھی دلوائی۔ افغانستان نے پاکستان کے خلاف میچ میں چھ بیٹسمین ایک سو سترہ رنز پر آﺅٹ کردئیے لیکن افغان فیلڈر نے اٹھائیس کے انفرادی اسکور پر عمر اکمل کا کیچ ڈراپ کیا جس کے بعد عمراکمل نے نہ صرف سنچری اسکور کر ڈالی بلکہ ٹیم کوفائٹنگ ٹوٹل تک پہنچنے میں بھی مدد دی۔ پاک بنگلہ دیش میچ کے پہلے ہی اوور میں احمدشہزاد نے امرالقیس کا کیچ ڈراپ کیا، بنگلہ دیشی اوپنرز نے اس کا بھرپور فائدہ اٹھایا اور انسٹھ رنز اسکور کر ڈالے۔ اسی میچ کے آخری لمحات میں بنگلہ دیشی کپتان مشفق الرحیم نے شاہد آفریدی کا کیچ بھی ڈراپ کیا۔

کیپ ٹاون: آسٹریلیا نے جنوبی افریقہ کوتیسرے اور آخری ٹیسٹ میں دو سو پینتالیس رنز سے شکست دے کر سیریز دو ایک سے جیت لی۔ سیریز میں کامیابی کے بعد آسٹریلیا رینکنگ میں دوسری پوزیشن پر قابض ہو گیا۔ کیپ ٹاﺅن میں کھیلے گئے میچ کے آخری روز پروٹیز نے پانچ سو گیارہ رنز کے ہدف کے تعاقب میں دوسری اننگز اکہتر رنز چار کھلاڑی آﺅٹ سے دوبارہ شروع کی تواس کی تین وکٹیں جلد گرگئیں۔ فاف ڈوپلسی اور جے پی ڈومینی نے مزاحمت کرتے ہوئے ٹیم کا اسکور دو سو چھیالیس تک پہنچایا لیکن ڈومینی تینتالیس رنز بنا کر آﺅٹ ہوگئے۔ فلینڈرنے بھی ڈوپلیسی کا بھرپور ساتھ دیا اور نصف سنچری اسکور کی لیکن دوسرے اینڈ سے جنوبی افریقہ کی وکٹیں گرتی رہیں اور پوری ٹیم دو سو پینسٹھ رنز پر ڈھیر ہوگئی۔ آسٹریلیا کی جانب سے ریان ہیرس نے چار اور مچل جونسن نے تین وکٹیں حاصل کیں۔ دونوں اننگز میں سنچری اسکور کرنے والے آسٹریلوی اوپنر ڈیوڈ وارنر کومیچ اور سیریزکا بہترین کھلاڑی قراردیا گیا۔ آسٹریلیا نے ٹیسٹ رینکنگ میں بھارت سے دوسری پوزیشن چھین کر تین لاکھ ستر ہزار ڈالرز کا حقداربن گیا۔