سوات (پی پی آئی)سوات اور گرد و نواح میں زلزلے کے شدید جھٹکے محسوس کیے گئے ہیں، لوگ کلمہ طیبہ کا ورد کرتے ہوئے گھروں سے باہر آ گئے۔زلزلہ پیما مرکز کے مطابق زلزلے کی شدت 4.7 ریکارڈ کی گئی، زلزلے کی زیر زمین گہرائی 192 کلو میٹر تھی جبکہ زلزلے کا مرکز کوہ ہندو کش کا پہاڑی سلسلہ تھا۔پی پی آئی کے مطابق زلزلے کے دوران سوات اور گرد و نواح کے لوگ کلمہ طیبہ کا ورد کرتے ہوئے گھروں سے باہر آ گئے، زلزلے کے بعد سے تاحال کسی قسم کے نقصان کی اطلاع نہیں ملی۔
ذکاءاشرف کو وزیراعظم نواز شریف سے ملاقات کا وقت نہ مل سکا
آئی پی ایل 7کیلئے کرکٹرز کی نیلا می 12فروری کو ہوگی
رونی اوسیلوان پانچویں مرتبہ ماسٹرز اسنوکر کا ٹائٹل لے اڑے
سابق فاسٹ بولر کارٹنی والش دوبارہ ایکشن میں دکھائی دیں گے
آسٹریلین اوپن :ڈیوڈ فیریر اور لی ناکی چوتھے راونڈ میںرسائی ہوگئی
آسٹریلین اوپن :روجر فیڈرر اور شراپووا کی پری کوارٹر فائنل میںرسائی
تازہ ترین خبریں
- April 25, 2026
اشتہار
تازہ ترین
چہلم امام حسینؑ پر ایک لاکھ سے زائد پاکستانی زائرین کی کربلا معلیٰ آمد
بغداد (پی پی آئی) چہلم امام حسین علیہ السلام پر ایک لاکھ سے زائد پاکستانی زائرین کربلا پہنچ چکے ہیں اور ان کی آمد کا سلسلہ جاری ہے۔عراق میں پاکستان کے سفیر احمد امجد علی کے مطابق پاکستانی زائرین کی سہولت کے لیے پاکستانی سفارت خانے کی جانب سے کربلا میں کیمپ لگایا گیا ہے، 3 روزہ کیمپ پر ڈاکٹرز اور طبی عملہ موجود ہے، جبکہ سبیل امام حسین علیہ السلام بھی لگائی گئی ہے۔ احمد امجد علی کا یہ بھی کہنا ہے کہ سفارتی دشواریاں دور کرنے کے لیے پاکستانی سفارتی عملہ کربلا کیمپ آفس پر موجود ہے۔
خدیجہ شاہ سمیت 97 افراد کی رہائی کی درخواستوں پر فیصلہ محفوظ
لاہور(پی پی آئی) لاہور ہائیکورٹ نے 9 مئی واقعات میں گرفتار خدیجہ شاہ، عالیہ حمزہ سمیت 97 افراد کی رہائی کی درخواستوں پر فیصلہ محفوظ کر لیا۔لاہور ہائیکورٹ کی جسٹس مس عالیہ نیلم اور جسٹس اسجد جاوید نے خدیجہ شاہ و دیگر کی ضمانتوں کی درخواستوں پر سماعت کی،پی پی آئی کے مطابق اسپشل پراسیکیوٹر فرہاد شاہ نے ملزمان کی درخواست ضمانتوں کی مخالفت کی۔سپیشل پراسیکیوٹر فرہاد شاہ نے کہا کہ مقدمہ میں نئی دفعات لگا دی گئی ہیں، زیادہ تر ملزمان ریمانڈ پر ہیں۔وکیل ملزمان نے مؤقف اختیار کیا کہ ہم 9 مئی کے واقعات کی مذمت کرتے ہیں، جس پر جسٹس مس عالیہ نیلم نے ریمارکس دیئے کہ آپ اگر پہلے مذمت کردیتے تو اب تک جان چھوٹ جاتی، وکیل ملزمان نے جواب دیا کہ یہ تو جناح ہاؤس کا قبضہ چھڑوانے گئے تھے جس پر جسٹس مس عالیہ نیلم نے کہا آپ اعتراف جرم کررہے ہیں۔ملزمان کے وکیل نے کہا کہ باہر اندھیرا ہی اندھیرا ہے، عدالت نے ریمارکس دیئے کہ ہر اندھیرے کے بعد روشنی ہوتی ہے۔عدالت عالیہ نے استفسار کیا کہ کیا مقدمہ کی تفتیش مکمل ہوئی، جس پر اسپیشل پراسیکیوٹر نے جواب دیا کہ مقدمہ کی تفتیش ابھی جاری ہے۔بعد ازاں عدالت عالیہ نے خدیجہ شاہ، عالیہ حمزہ سمیت 97 افراد کی رہائی کی درخواست ضمانتوں پر فریقین کے دلائل سننے کے بعد فیصلہ محفوظ کر لیا۔
شیریں مزاری کیخلاف مقدمات کا ریکارڈ طلب، ای سی ایل سے نام اخراج کیس کی سماعت ملتوی
اسلام آباد(پی پی آئی) اسلام آباد ہائی کورٹ نے سابق وفاقی وزیر شیریں مزاری کے خلاف درج مقدمات کا ریکارڈ طلب کر لیاہے۔پی پی آئی کے مطابق شیریں مزاری کا نام ای سی ایل سے نکالنے سے متعلق کیس کی سماعت اسلام آباد ہائی کورٹ میں ہوئی، اسلام آباد ہائی کورٹ کے جسٹس طارق محمود جہانگیری نے کیس کی سماعت کی۔سماعت کے دوران ریمارکس دیتے ہوئے جسٹس طارق محمود جہانگیری نے کہا کہ جب مقدمات بنے تب گرفتاری کیوں نہیں کی؟ سال 2014 کے مقدمات کا کیا اسٹیٹس ہے، ان مقدمات کو 10 سال ہو گئے ہیں۔عدالت نے سوال کیا کہ پاسپورٹ کنٹرول لسٹ میں نام ڈالنے کے لیے کیا وفاقی حکومت سے اجازت لی گئی؟ پاسپورٹ کنٹرول لسٹ میں نام ڈالنے کا اختیار وفاقی حکومت کا ہے۔حکام نے عدالت کو بتایا کہ ہمیں تفتیشی ایجنسی لکھتی ہے پھر ہی نام شامل کیا جاتا ہے۔جسٹس طارق محمود جہانگیری نے ریمارکس دیتے ہوئے کہا کہ وفاقی حکومت منظوری دیتی ہے جبکہ فہرست وزارت داخلہ تیار کرتی ہے، وفاقی حکومت اپنا اختیار کسی کو دے ہی نہیں سکتی، ای سی ایل میں نام ڈالنے کی بھی وفاقی حکومت ہی منظوری دیتی ہے، وفاقی حکومت کی منظوری سے وزارت داخلہ نام ایف آئی اے کو بھیجتا ہے۔عدالت نے سوال کیا کہ کیا آئی جی اسلام آباد نے 25 ہزار روپے جرمانہ ادا کیا ہے؟ آئی جی کو کہیں جرمانہ ادا کریں ورنہ توہین عدالت لگا کر جیل بھیجیں گے، آپ نے عدالتی احکامات کو مذاق بنا رکھا ہے۔جسٹس طارق محمود جہانگیری نے آئی جی اسلام آباد کو 25 ہزار روپے جرمانہ ادا کر کے رپورٹ عدالت میں پیش کرنے کا حکم دے دیا۔بعدازاں اسلام آباد ہائی کورٹ نے 19 ستمبر تک ریکارڈ پیش کرنے کا حکم دیتے ہوئے شیریں مزاری کیس کی سماعت ملتوی کر دی۔
تلاش کریں
خبریں

ذکاءاشرف کو وزیراعظم نواز شریف سے ملاقات کا وقت نہ مل سکا
(January 21, 2014)
لاہور: وزیراعظم نواز شریف کی مصروفیات کے باعث ان سے پی سی بی کے نوبحال چیئرمین ذکاءاشرف کی ملاقات کا شیڈول نہ طے ہوسکا ۔ پی سی بی ذرائع کے مطابق ذکاءاشرف نے پی سی بی امور کے حوالے سے مشاورت کے لئے بورڈ کے سرپرست اعلیٰ وزیر اعظم نواز شریف کو خط لکھا تھا جس میں انہوں نے فوری ملاقات کےلئے وقت مانگا تھا ۔ خط میں ذکاءاشرف نے لکھا کہ وہ پاکستان کرکٹ بورڈ کو حکومتی سرپرستی میں بہتری کی جانب گامزن کرنے کے خواہش مند ہیں ۔ جلد ملاقات کی خواہش کے باوجود وزیراعظم آفس کی جانب سے ذکاءاشرف کو فی الحال ملاقات کے لئے وقت دینے کی کوئی یقین دہانی نہیں کرائی گئی ۔

آئی پی ایل 7کیلئے کرکٹرز کی نیلا می 12فروری کو ہوگی
(January 21, 2014)
ممبئی: انڈین پریمیئر لیگ کے لئے کھلاڑیوں کی نیلامی 12فروری کو ہوگی ۔ ویسٹ انڈین بلے باز کرس گیل ،اے بی ڈی ویلیئرز اور ویرات کوہلی رواں برس بھی انڈین پریمیئر لیگ کے ساتویں ایڈیشن میں رائل چیلنجرز کی نمائندگی کریں گے ۔ کیوی آل راﺅنڈر ڈینئل ویٹوری جو پہلے ایڈیشنز میں بنگلور ٹیم کی نمائندگی کرچکے ہیں ان کا رائل چیلنجرز کا ہیڈ کوچ مقرر کیا گیا ہے ۔

رونی اوسیلوان پانچویں مرتبہ ماسٹرز اسنوکر کا ٹائٹل لے اڑے
(January 21, 2014)
لندن: انگلش کیوئسٹ رونی اوسیلوان نے چیمپئنز آف ماسٹرز ٹورنامنٹ کا پانچواں ٹائٹل اپنے نام کرلیا ۔رونی نے فائنل میں ہم وطن کھلاڑی مارک سیلبی کو یک طرفہ طور پر دس چار فریمز سے شکست دے کر ٹرافی وصول کی ۔ رونی نے اس موقع پر انتہائی مسرت کا اظہار کیا اور کہا کہ کہ انہیں اپنی کامیابی کا یقین نہیں آرہا اور سے معجزہ قرار دیا جاسکتا ہے ۔

سابق فاسٹ بولر کارٹنی والش دوبارہ ایکشن میں دکھائی دیں گے
(January 21, 2014)
سینٹ جارج: سابق ویسٹ انڈین فاسٹ بولر کارٹنی والش نے آئندہ ماہ سیلبرٹی کرکٹ میچ میں شرکت کی تصدیق کردی ۔ یہ یادگار میچ 9فروری کو پروگریس پارک سینٹ اینڈریو میں گرینیڈا کے 40ویں یوم آزادی کی مناسبت سے شیڈول کیا گیا ہے ۔

آسٹریلین اوپن :ڈیوڈ فیریر اور لی ناکی چوتھے راونڈ میںرسائی ہوگئی
(January 18, 2014)
میلبورن: اسپین کے ڈیوڈ فیریر اور چین کی لی نا آسٹریلین اوپن ٹینس ٹورنامنٹ کے چوتھے راونڈ میں پہنچ گئیں۔ سیزن کے پہلے گرینڈ سلیم کے تیسرے راونڈ میں اسپینش سٹار ڈیوڈ فیریر نے فرانس کے جیریمی چیرڈی کو دو گھنٹے بارہ منٹ کے مقابلے کے بعد سٹریٹ سیٹس میں شکست دی۔ ڈیوڈ فیریر کی فتح کا اسکور چھ دو اور سات چھ رہا۔ خواتین سنگلز کے تیسرے راونڈ میں چین کی لی نا نے جمہوریہ چیک کی لوسی سیفاروواکو سخت مقابلے کے بعد زیر کیا۔ لی نا کو ایک چھ، سات چھ اور چھ تین سے فتح ملی۔

آسٹریلین اوپن :روجر فیڈرر اور شراپووا کی پری کوارٹر فائنل میںرسائی
(January 18, 2014)
میلبورن: سابق عالمی چیمپئن روجر فیڈرر اور روس کی ماریہ شراپوا آسٹریلین اوپن ٹینس ٹورنامنٹ کے پری کوارٹر فائنل میں پہنچ گئیں۔ سیزن کے پہلے گرینڈ سلیم میں مینز سنگلز کے تیسرے راونڈ میں سوئس سٹار روجر فیڈرر اور روس کے طےموراز کے مد مقابل ہوئے۔ سترہ بار کے گرینڈ سلیم چیمپئن فیڈرر کو کمزور حریف کے خلاف ایک گھنٹے اور اکتالیس منٹ کے مقابلے کے بعد کامیابی حاصل ہوئی۔ سوئس سٹار روجر فیڈرر کی فتح کا اسکور چھ دو، چھ دو اور چھ تین رہا۔ ویمنز سنگلز میں سابق عالمی نمبر ایک ماریہ شراپوا نے تیسرے راونڈ میں فرانس کی الیزے کورنیٹ کو چھ ایک اور سات چھ سے شکست دی۔
