کراچی (پی پی آئی)کِیا گاڑیوں کے اسمبلر لکی موٹر کارپوریشن نے ڈالر کے مقابلے میں روپے کی قدر میں اضافے کا حوالے دے کر گاڑیوں کے مختلف ماڈلز کی قیمتوں میں ایک سے 5 لاکھ روپے تک کی کمی کردی۔ پیکانٹو اے ٹی، اسپورٹیج ایف ڈبلیو ڈی، اے ڈبلیو ڈی اور بلیک لمیٹڈ ایڈیشن اب بالترتیب 38 لاکھ 50 ہزار روپے، 80 لاکھ 40 ہزار روپے، 87 لاکھ 70 ہزار روپے اور 93 لاکھ روپے میں دستیاب ہوں گی، یہ قیمتوں میں ایک لاکھ روپے سے 3 لاکھ 50 ہزار روپے تک کمی کو ظاہر کرتی ہے۔ پی پی آئی کے مطابق اسی طرح سورینٹو 2.4 ایل ایف ڈبلیو ڈی، 2.4 ایل اے ڈبلیو ڈی اور 3.5 ایل ایف ڈبلیو ڈی کی نئی قیمتیں ایک کروڑ 3 لاکھ، ایک کروڑ 12 لاکھ اور ایک کروڑ 12 لاکھ 90 ہزار روپے ہوں گی، ہر گاڑی کی قیمت میں 5 لاکھ روپے کی کمی کی گئی ہے۔ ڈالر کے غیر قانونی اخراج کے خلاف کریک ڈاؤن کے سبب گزشتہ کئی ہفتوں سے روپے کی قدر میں بہتری کا سلسلہ جاری ہے، جس کے نتیجے میں ڈالر کی قدر ستمبر کے اوائل میں 307 روپے سے کم ہو کر گزشتہ روز 283 روپے 60 پیسے تک آگئی۔واضح رہے کہ لکی موٹر کارپوریشن لمیٹڈ نے 6 ستمبر کو متعدد ماڈلز کی قیمتوں میں 3 لاکھ 50 ہزار روپے تک اضافہ کیا تھا، تاہم اس کی کوئی وجوہات نہیں بتائی تھیں۔پیکانٹو آٹومیٹک، اسٹانک ای ایکس پلس، اسپورٹیج اے ڈبلیو ڈی اور اسپورٹیج بلاک (لمیٹڈ ایڈیشن) کی نئی قیمتیں بالترتیب 39 لاکھ 50 ہزار روپے، 62 لاکھ 80 ہزار روپے، 89 لاکھ 20 ہزار روپے اور 96 لاکھ 50 ہزار روپے کردی گئی تھیں۔
فلائیڈ مے ویدر اورعامر خان کا مقابلہ طے نہیں کیا جاسکا
مجسٹریٹ کے حکم پر کرکٹر عمر اکمل کی گاڑی واپس کردی گئی
قومی کرکٹ ٹیم کی کوچنگ کیلئے وقار یونس نے درخواست جمع کروادی
آکلینڈ ٹیسٹ : پہلے روز نیوزی لینڈ نے چار وکٹ پر329رنز بنا لیے
کرکٹ ورلڈ کپ ٹی 20کے وارم اپ میچوں کاشیڈول جاری
ڈیل اسٹین انجری سے صحتیاب ،آسٹریلیا کیخلاف ٹیسٹ سیریز میں حصہ لیں گے
تازہ ترین خبریں
- April 22, 2026
اشتہار
تازہ ترین
کچھی مسلم میانجی جماعت کے وفد کی تاجر رہنما محمد کاشف صابرانی سے ملاقات
کراچی (پی پی آئی)کچھی مسلم میانجی جماعت و خدمت کمیٹی کے الیکشن میں کامیابی کے بعد نگراں کابینہ اراکین حسنین عبدالکریم امیر حمزہ شارخ احمد دانش اسماعیل عارف محمد جاوید جان محمد فاروق گل محمد نگراں صدر حسان محمد صدیق اور سینئر ممبر جان محمد جانی جعفر عرف مٹھو اور الیکشن میں کامیاب خدمت گار پینل کے صدر داؤد اسماعیل نے تاجر رہنما محمد کاشف صابرانی سے ملاقات کی،پی پی آئی کے مطابق وفد نے مستقبل کے منصوبوں،برادری کی فلاح سمیت مختلف امور پر بات چیت کی،کاشف صابرانی نے ان کی کاوشوں کو سراہا اور تعاون جکا یقین دلایا،
بشریٰ بی بی کی مقدمات کی تفصیلات جاننے کیلئے درخواست سماعت کیلئے مقرر
لاہور (پی پی آئی) چیئرمین تحریک انصاف عمران خان کی اہلیہ بشریٰ بی بی نے مقدمات کی تفصیلات جاننے کیلئے درخواست دائر کی جسے سماعت کیلئے مقرر کر دیا گیا۔ پی پی آئی کے مطابق بشریٰ بی بی کی جانب سے درخواست میں موقف اختیار کیا کہ ان کے خلاف 22 جون کے بعد درج کئے گئے مقدمات کی تفصیل فراہم کی جائے۔ لاہور ہائیکورٹ میں درخواست سماعت کیلئے مقرر کر دی گئی، جسٹس عالیہ نیلم 12 اکتوبر کو بشریٰ بی بی کی درخواست پر سماعت کریں گی، عدالت نے سماعت کیلئے فریقین کو بھی طلب کر رکھا ہے۔
تلاش کریں
خبریں
فلائیڈ مے ویدر اورعامر خان کا مقابلہ طے نہیں کیا جاسکا
نیویارک: برطانوی باکسر عامر خان اور امریکی باکسر فلائیڈ مے ویدر کا 3مئی کو لاس ویگاس میں ہونے والے مقابلے پر شکوک وشبہات بڑھ گئے۔ اپنے باکسنگ کیرئیر میں ناقابل شکست رہنے والے مے ویدر نے اپنے مداحوں سے پوچھا ہے کہ عامر خان کے ساتھ باکسنگ رنگ میں اتریں یا ارجنٹائن کے باکسر مارکوس میڈانا کے ساتھ مقابلہ کریں ۔
مجسٹریٹ کے حکم پر کرکٹر عمر اکمل کی گاڑی واپس کردی گئی
لاہور: جوڈیشل مجسٹریٹ نے ٹریفک وارڈن سے جھگڑے کے دوران قبضہ میں لی گئی قومی کرکٹر عمر اکمل کی گاڑی پولیس کو واپس کرنے کا حکم دیدیا۔ ماڈل ٹاون کچہری کے جوڈیشل مجسٹریٹ امتیاز نور کے روبرو قومی کرکٹر عمر اکمل نے اپنی گاڑی حاصل کرنے کے لیے درخواست جمع کرائی ۔دوران سماعت جوڈیشل مجسٹریٹ نے عمر اکمل سے گاڑی سمیت دیگر اصل دستاویزات دیکھ کر پولیس کو عمر اکمل کی گاڑی واپس کرنے کا حکم دیدیا۔ ٹریفک وارڈن سے جھگڑے پر گلبرگ پولیس نے عمر اکمل کی گاڑی قبضے میں لے لی تھی۔
قومی کرکٹ ٹیم کی کوچنگ کیلئے وقار یونس نے درخواست جمع کروادی
لاہور: پاکستان کرکٹ ٹیم کے ہیڈ کوچ کے لئے سابق کرکٹروقار یونس نے درخواست جمع کرا دی۔سابق کپتان اور کوچ وقار یونس ایک بار پھر ہیڈ کوچ بننے کے خواہشمند بن گئے۔ درخواست جمع کرانے کے بعد انہوں نے بتایا کہ جن مسائل کے باعث کوچنگ چھوڑی وہ سب حل ہو چکے ہیں۔ انہوں نے واضح کیا کہ وہ اپنا کوچنگ منصوبہ منتخب ہونے کے بعد ہی بتائیں گے البتہ ڈسپلن اور فٹنس پر پہلے سمجھوتہ کیا نہ اب کریں گے۔ لیجنڈ وقار یونس کا کہنا تھا کہ انہیں امید ہے وہ شارٹ لسٹنگ کے بعد انٹرویو کے لیے بلائے جائیں گے۔
آکلینڈ ٹیسٹ : پہلے روز نیوزی لینڈ نے چار وکٹ پر329رنز بنا لیے
آکلینڈ: آکلینڈ ٹیسٹ کے پہلے روز نیوزی لینڈ نے چار وکٹ پر329رنز بنا لیے۔سیریز کے افتتاحی ٹیسٹ میں مہمان بھارت نے ٹاس جیت کر کیویز کو بیٹنگ کی دعوت دی۔ پہلی تین وکٹیں صرف30 رنز پر گر گئیں لیکن پھر کیوی بیٹسمین ولیم سن اور کپتان برینڈن میکلم کی جوڑی کو کوئی توڑ نہ کر سکا۔ دونوں نے بھارتی بولرز کی خوب درگت بنائی اور اپنی شاندار سنچریاں اسکور کیں جس سے پہلے روز ٹوٹل چار وکٹ پر329تک پہنچ گیا۔ ظہیر خان اور ایشانت شرما نے 2، 2 وکٹیں حاصل کیں۔ ولیم سن 113 اور برینڈن میکلم 143 رنز کے ساتھ دوسرے دن کا کھیل شروع کریں گے۔
کرکٹ ورلڈ کپ ٹی 20کے وارم اپ میچوں کاشیڈول جاری
دبئی: آئی سی سی نے ورلڈ ٹی ٹوئنٹی کے وارم اپ میچز کا شیڈول جاری کردیا۔ پاکستانی مینز اور ویمنز ٹیمیں دو دو وارم اپ میچز کھیلیں گی۔ آئی سی سی ورلڈ ٹی ٹوئنٹی 16 مارچ سے بنگلا دیش میں شروع ہوگا۔ ایونٹ کی تیاری کیلئے تمام ٹیمیں وارم اپ میچز کھیلیں گی۔ پاکستان کا پہلا وارم اپ میچ 17 مارچ کو نیوزی لینڈ سے ہوگا، 19 مارچ کو پاکستان دوسرا وارم اپ میچ جنوبی افریقا کے خلاف کھیلے گا۔ پاکستان ویمن ٹیم بھی دووارم اپ میچ کھیلے گی۔ 18 مارچ کو پاکستان ویمن ٹیم انگلینڈ اور20 مارچ کو بنگلا دیش سے وارم اپ میچ کھیلے گی۔
ڈیل اسٹین انجری سے صحتیاب ،آسٹریلیا کیخلاف ٹیسٹ سیریز میں حصہ لیں گے
سینچورین: جنوبی افریقہ کرکٹ ٹیم کے بولر ڈیل اسٹین نے انجری کی مات دیکر آسٹریلیا کیخلاف تین ٹیسٹ میچز پر مشتمل سیریز کیلئے تیاری شروع کر دی ۔ جنوبی افریقی بولر اسٹین کو ریڑھ کی ہڈی کی انجری کا سامنا تھا لیکن گزشتہ روز انہوں نے ڈومیسٹک ٹی 20 کرکٹ ٹورنامنٹ میں شرکت کر کے اپنی فٹنس ثابت کر دی ہے۔ جنوبی افریقہ کے کرکٹ بورڈ نے انہیں آسٹریلیا کیخلاف کھیلی جانے والی ٹیسٹ سیریز کیلئے ٹیم میں شامل کیا ہے۔ اس حوالے سے ٹیم کی انتظامیہ کا کہنا ہے کہ اسٹین کو معلوم ہے ان کا جسم کیا چاہتا ہے اور وہ اسی کے مطابق کھیلتے ہیں وہ یہ بھی جانتے ہیں کہ آسٹریلیا کیخلاف ٹیسٹ سیریز میں شروع ہونے میں کتنے دن باقی رہ گئے ہیں۔ ذرائع کا کہنا ہے کہ آسٹریلیا کیخلاف ٹیسٹ سیریز میں اسٹین کا کردار انتہائی اہم ہوگا اور جنوبی افریقہ کا بولنگ اٹیک انہی پر انحصار کرے گا۔