کراچی (پی پی آئی)ایف بی آر نے آئی آر آئی ایس سسٹم کی استعداد میں اضافہ کردیاہیجس سے تقریباً 5 سے 6 لاکھ ٹیکس دہندگان روزانہ کی بنیاد پر بیک وقت اپنے انکم ٹیکس گوشوارے جمع کراسکیں گے۔پی پی آئی کے مطابق ذرائع نے اس تاثر کو مسترد کردیا کہ موجودہ دنوں کے دوران انکم ٹیکس ریٹرن فائلنگ میں مسائل یا غلطیاں سامنے آئی تھیں۔
کراچی (پی پی آئی)کراچی ٹیکس بار ایسوسی ایشن (کے ٹی بی اے) کے صدر سید ظفر احمد نے بتایا کہ یہ ایک عجیب قسم کا مسئلہ ہے جمع کرائے گئے گوشوارے ایف بی آر سسٹم سے غائب ہوجاتے ہیں۔ان کا کہنا تھا کہ انکم ٹیکس گوشوارے جمع کرنے کی تاریخ میں توسیع آئی آر آئی ایس میں تکنیکی اور قانونی مسائل سے نمٹنے کا حل نہیں، اگر ایف بی آر 15 دن یا 30 دن کی توسیع دیتا ہے لیکن سسٹم کی خرابیاں برقرار رہی تو اس سے مسئلہ حل نہیں ہوگا۔دوسری جانب ٹیکس ماہر فراز فضل شیخ نے کہا کہ ایف بی آر نے آئی آر آئی ایس سسٹم میں جمع شدہ ویلتھ اسٹیٹمنٹ غائب ہونے کا مسئلہ حل کر دیا ہے۔۔ایف بی آر ذرائع کے مطابق پرانے اثاثوں کے اعداد و شمار کا مسئلہ چند ہفتے قبل حل ہو گیا جبکہ آئی آر آئی ایس کے پاس جمع کرائے گئے انکم ٹیکس گوشواروں کے غائب ہونے کا بھی کوئی مسئلہ نہیں ہے۔
پشاور(پی پی آئی)محکمہ انسداد دہشتگردی خیبرپختونخوا (سی ٹی ڈی) نے انتہائی مطلوب دہشتگردوں کے سر کی قیمت مقرر کرنے سمیت گرفتاری کے لیے تصاویر و فہرست جاری کردی ہیں۔پی پی آئی کے مطابق دہشت گردوں کی گرفتاری پر انعامی رقم بھی مقرر کی گئی ہے، پشاور سمیت خیبر پختونخوا میں اس وقت 135دہشت گرد سی ٹی ڈی کو مطلوب ہیں۔سی ٹی ڈی کی جانب سے ان مطلوب دہشتگردوں کی گرفتاری پر تین لاکھ سے ایک کروڑ روپے تک کی انعامی رقم مقرر کی گئی ہے۔مطلوب دہشتگردوں میں شہکاردین بھٹی، الطاف حسین، واجد، نقاب خان، کلیم، ظفر سید، محمد یاسر، محمد کاشف، سلیم خان،سخی زمان،عمران وزیر کے سر کی قیمت تین لاکھ روپے مقررکی گئی ہے۔دہشت گرد شیخ محمد،منصور،طاہر محبوب،حسین اللہ،خلیل احمد،بشیرکامران کے سر کی قیمت بھی تین لاکھ روپے مقررکی گئی ہے۔دہشت گرد حمزہ علی،عالم زیب،مفتی سجاد،عزیر الرحمان اور عمران کے سر کی قیمت پانچ لاکھ روپے مقررکی گئی ہے۔انتہائی مطلوب دہشت گرد وں میں سے ماجد زبیر، محمد زمضان کامران، محمد سبحان، رحمت اللہ خان، فضل حلیم کے سر کی قیمت 10 لاکھ روپے مقرر کی گئی ہے۔محمد صادق کے سر کی قیمت 20 لاکھ، محمد آصف صدیق کی 30 لاکھ اور حمز ہ علی کے سر کی قیمت 50 لاکھ مقرر کی گئی ہے۔سی ٹی ڈی کی جانب سے مولانا خالد اور محمد یوسف کے سرکی قیمت 50 لاکھ روپے، عامر قادر 60 لاکھ روپے جبکہ آصف خان،محب علی اور سیف الرحمان 80لاکھ روپے انعامی رقم مقررکی گئی ہے۔سی ٹی ڈی ترجمان کے مطابق میاں سید محمد کے سر کی قیمت ایک کروڑ روپے مقرر کی گئی ہے جبکہ انتہائی مطلوب دہشت گردوں کی اطلاع دینے والے افراد کا نام پوشید ہ رکھا جا ئے گا۔
کراچی (پی پی آئی)کراچی میں کسٹمز انٹیلی جنس اور سندھ رینجرز نے یوسف گوٹھ بس ٹرمینل پر مشترکہ کارروائی کرتے ہوئے اسمگل شدہ سامان برآمد کر لیا۔ترجمان رینجرز کے مطابق کسٹمز انٹیلی جنس اور رینجرز، پولیس کی مشترکہ کارروائی کے دوران 14 ٹرکوں پر مشتمل ا سمگل شدہ سامان برآمد کیا گیا ہے۔پی پی آئی کے مطابق مشترکہ کارروائی کے دوران ا سمگل شدہ ٹائر، امپورٹڈ آئٹمز، چھالیہ، الیکٹرانکس، سگریٹ، کپڑا اور دیگر سامان برآمد کیا گیا ہے، برآمد شدہ سامان مزید قانونی کارروائی کے لیے کسٹم انٹیلی جنس کے حوالے کر دیا گیا ہے۔حکام کا کہنا ہے یوسف گوٹھ بس ٹرمینل پرکارروائی کے دوران کسی شخص کی گرفتاری عمل میں نہیں آئی۔ترجمان کاکہنا ہے کہ پاکستان رینجرز سندھ ا سمگلنگ کی روک تھام کے لیے اپنی کارروائیاں جاری رکھے گی۔
لندن: فٹبال کے برطانوی آئیکون ڈیوڈ بیکہم 21مارچ کو مشہور برطانوی ٹی وی کامیڈ ی سیریل ”اونلی فولز اینڈ ہورسز “ کے خصوصی شو میں جلوہ گر ہوں گے ۔ یہ پروگرام بی بی سی کے اسپورٹس ریلیف ویک اینڈ کا ایک حصہ ہے جس کا مقصد چندہ جمع کرنا ہے ۔
دبئی: پاکستان نے سری لنکا کیخلاف شارجہ ٹیسٹ جیت کر آئی سی سی ٹیسٹ رینکنگ میں اپنی پانچویں پوزیشن بچالی۔ مصباح الحق کیرئیر بیسٹ چھٹے نمبر پر پہنچ گئے۔پاکستان نے سری لنکا سے ناقابل فراموش ٹیسٹ میچ جیت کر آئی سی سی کی رینکنگ میں اپنی پانچویں پوزیشن محفوظ کرلی۔ شارجہ ٹیسٹ ڈرا ہونے کی صورت میں بھی پاکستان رینکنگ میں پانچویں پوزیشن سے محروم ہوجاتا۔ مصباح الحق اور اظہرعلی کی شاندار پرفارمنس نے پاکستان کو شارجہ ٹیسٹ میں جیت دلوائی۔پلیئرز رینکنگ میں مصباح الحق کیرئیر بیسٹ چھٹے پر پہنچ گئے۔یونس خان کا دسواں نمبر ہے۔ بولرز رینکنگ میں پاکستانی آف اسپنر سعید اجمل پانچویں نمبر پر براجمان ہیں۔
لاہور: قومی ہاکی ٹیم کے کوچ طاہر زمان اور گول کیپر سلمان اکبر نے پی ایچ ایف کے پیٹرن انچیف وزیر اعظم سے اپیل کی ہے کہ قومی کھیل ہاکی کے معاملات چلانے کیلئے فیڈریشن کو فوری گرانٹ دی جائے۔ لاہور میں میڈیا سے بات چیت کرتے ہوئے طاہر زمان نے کہا کہ ہاکی فیڈریشن کو کھیل کے منصوبوں پر عملدرآمد کیلئے پیسے کی ضرورت ہے اور پی ایچ ایف کا خزانہ خالی ہونے کی وجہ سے نہ ہی کوئی کیمپ لگ رہا ہے اور اذلان شاہ میں شرکت پر بھی سوالیہ نشان ہے۔ وزیر اعظم مالی امداد فراہم کریں جبکہ گول کیپر سلمان اکبر نے کہا کہ حکومتی مالی اعانت کے بغیر ہاکی کے معاملات چلانا ممکن نہیں۔ ان کا کہنا تھا کہ ایونٹس میں شرکت نہ کرنے سے پاکستان کی دو ہزار سولہ اولمپکس کے کوالیفائنگ راونڈ ایشین گیمز کی تیاری بھی متاثر ہورہی ہے۔
کراچی: کسٹم کرکٹ اکیڈمی میں جاری ایمرجنگ بولنگ تربیتی کیمپ اختتام پذیرہوگیا ، ایک خاتون سمیت 16 لڑکوں نے حصہ لیا ، کراچی میں فاسٹ بولنگ ایمرجنگ تربیتی کیمپ ایک ماہ تک جاری رہا۔ آخری روز سابق ٹیسٹ کرکٹروسیم اکرم نے بھی کیمپ کا معائنہ کیا اور بولرزکومفید مشورے دیے۔ ان کا کہنا تھا کہ پاکستان میں بولنگ کا بے پناہ ٹیلنٹ ہے کھلاڑیوں کی درست سمت میں رہنمائی کی گئی تو یہی بولرزمستقبل میں پاکستان ٹیم کا اثاثہ ہوں گے۔ ایونٹ کے چیف کوچ سابق ٹیسٹ کرکٹرجلال الدین کا کا کہنا تھا کہ انہوں نے فاسٹ بولنگ کوچ نوجوانوں کو تربیتی دینے کی ایک کاوش تھی۔ تربیتی کیمپ میں 16 نوجوانوں کے ساتھ ایک خاتون بولر بھی سرگرم دکھائی دی ان کا کہنا تھا کہ لڑکوں کے ساتھ پریکٹس کرنا اچھا تجربہ تھا۔ کیمپ کے شرکاءکا کہنا تھا کہ اس طرح کے کیمپس سے انہیں بہت کچھ سیکھنے کو ملتا ہے۔
شارجہ: سری لنکا کے رنگنا ہیراتھ چوتھی اننگز میں دنیا کے پانچویں مہنگے ترین بولر بن گئے ۔ہیراتھ نے پاکستان کے خلاف 19اوورز میں پانچ اعشاریہ دو چھ کی اوسط سے 100رنز دیے ۔ جنوبی افریقا کے رابن پیٹرسن 2012میں آسٹریلیا کے خلاف 127رنز کی فراخدلی کے ساتھ پہلی پوزیشن پر براجمان ہیں ۔
میلبورن: آسٹریلیا ٹور ڈاون سائیکل ریس کا پہلا مرحلہ میزبان ملک کے سائمن جیرنز نے جیت لیا۔ آسٹریلیا میں شروع ہونیوالی سائیکل ریس میں دنیا بھر کے بہترین رائیڈرز نے اپنی پرفارمنسسز دکھائیں۔ ریس کے آغاز میں سائیکلسٹس کی آپس میں ٹکریں لگنے سے مقابلہ مزید دلچسپ ہو گیا۔ پہلے مرحلے میں مقامی فیورٹ سائمن جیرنز نے شاندار رائیڈنگ کرتے ہوئے پہلی پوزیشن اپنے نام کی۔ آسٹریلوی سائیکلسٹ نے مقررہ فاصلہ تین گھنٹے بیس منٹ اور 34 سیکنڈز میں مکمل کیا۔ پانچ منٹ کے فرق سے جرمنی کے آندرے گریپیل دوسرے اور آسٹریلیا کے اسٹیلے وون تیسرے نمبر پر رہے۔
