سلام آباد (پی پی آئی)استحکام پاکستان پارٹی کے ترجمان عون چودھری نے کہا ہے کہ فرخ حبیب سے میری کچھ دن پہلے ملاقات ہوئی۔پی پی آئی کے مطابق عون چودھری نے بتایا کہ فرخ حبیب سے میرا ذاتی تعلق ہے،انہوں نے بڑی محنت سے اپنا مقام بنایا۔ فرخ نے پریس کانفرنس میں جو کچھ بولا وہ دل سے بولاہے۔انہوں نے کہا ہے کہ وہ مجھ سے ہمیشہ مشورہ لیتے تھے۔ فرخ نے10دن پہلے مجھ سے رابطہ کیا، میری ان سے کچھ دن پہلے ملاقات بھی ہوئی۔ہم پہلے بھی ساتھ کام کر چکے ہیں، آئی پی پی میں آنے کا فیصلہ ان کا ذاتی ہے۔ ان کی مہربانی ہے کہ انہوں نے آئی پی پی میں شمولیت اختیار کی ہے۔عون چودھری کا کہنا تھا کہ مجھے نہیں پتہ کہ فرخ اس سے پہلے کہاں تھے، میرے اور بھی دوست جو دور ہیں وہ بھی رابطے میں ہیں وہ بھی پارٹی میں آئیں گے۔انکا مزید کہنا تھا کہ اپناضمیر کا فیصلہ اپنی مرضی سے خود کرنا چاہئے، ہم ملک میں استحکام چاہتے ہیں۔
قصور میں گدھے کے گوشت کی فروخت کا لا ہور ہائی کورٹ نے نو ٹس لے لیا
حیدر آبا د: مزدور یونین کا نجکا ری کے خلاف احتجاجی مظاہرہ
ایشیا کپ : انڈیا کی افغانستان کے خلا ف 8وکٹوں سے کامیابی
سابق چیف سلیکٹر محمد الیاس کی بر طرفی لا ہور ہائی کورٹ میں چیلنج
قومی اسنوکرچیمپیئن شپ: آکاش نے خرم آغا کو شکست دیدی
انڈو پاک پنجاب گیمزپاکستانی پنجاب نے جیت لیا
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
سپریم کورٹ نے خیبرپختونخوا میں بجلی کی لوڈشیڈنگ کے خاتمے کا فیصلہ کالعدم قرار دیدیا
اسلام آباد (پی پی آئی)سپریم کورٹ نے خیبرپختونخوا میں بجلی کی لوڈشیڈنگ کے خاتمے کا فیصلہ کالعدم قرار دیدیا،عدالت نے بل ادا کرنے والے صارفین کو بجلی کی بلاتعطل فراہمی کا پشاور ہائیکورٹ کا فیصلہ کالعدم دیدیا،پی پی آئی کے مطابق عدالت نے کہاکہ پشاور ہائیکورٹ کا لوڈشیڈنگ کے خاتمے کا حکم قانون کے برخلاف ہے۔پی پی آئی کے مطابق سپریم کورٹ نے ہدایت کی کہ لوڈشیڈنگ سے متاثرہ افراد نیپرا سے رجوع کریں،عدالت نے کہاکہ قانون میں ڈسکوز کیخلاف نیپرا اتھارٹی ٹربیونل کے فورم قائم کئے گئے، متعلقہ فورم کے ہوتے ہائیکورٹ براہ راست حکم جاری نہیں کر سکتی،وکیل پیسکو نے کہاکہ ہائیکورٹ نے لوڈشیڈنگ کی صورت میں حکام کیخلاف مقدمات کرانے کا حکم دیا،لوڈشیڈنگ پورے ملک کا مسئلہ ہے پیسکو حکام کیخلاف مقدمات بلاجواز ہونگے،وکیل جواب دہندہ نے کہا کہ عدالت نے گزشتہ حکم میں لوڈشیڈنگ کی تفصیلی مانگی تھی،ہائیکورٹ نے کہا ہے کہ بل دینے والوں کو بجلی فراہم کی جائے۔جسٹس منیب اختر نے کہاکہ اس معاملے میں کئی تکنیکی نکات بھی آسکتے ہیں عدالت کیسے جائزہ لے گی، جن فیڈرز سے ریکوری نہیں ہو رہی ان کا کیا کریں گے،جسٹس اعجاز الاحسن کی سربراہی میں 3رکنی بنچ نے پیسکو کی اپیل منظور کرلی۔
تحریک انصاف کی بزرگ اور بیمار خاتون رہنما یاسمین راشد کی ضمانت خارج
لاہور(پی پی آئی)تحریک انصاف کی بزرگ اور بیمار خاتون رہنما یاسمین راشد کی ضمانت خارج کر دی گئی۔پی پی آئی کے مطابق تھانہ شاد مان حملہ کیس میں سابق صوبائی وزیر یاسمین راشد کی جانب سے ضمانت کی درخواست دائر کی گئی تھی، پراسیکیوٹر نے عدالت کو آگاہ کیا کہ یاسمین راشد تھانہ شادمان کیس میں دوبارہ جسمانی ریمانڈ پر ہیں، مقدمے میں نئی دفعات کا اندراج کیا گیا ہے۔ درخواست ضمانت قابل سماعت نہیں رہی۔ جج ارشد جاوید نے دونوں جانب سے وکلا کے دلائل سننے کے بعد درخواست ضمانت خارج کر دی۔واضح رہے کہ یاسمین راشد کینسر کے موذی مرض میں مبتلا ہونے کے سبب شدید بیمار ہیں۔
پیپلز پارٹی آج یوم شہدا ئے سانحہ کارساز بطور یوم عقیدت منائے گی
اسلام آباد(پی پی آئی)پاکستان پیپلز پارٹی نے شہدا سانحہ کارساز 18اکتوبر یوم عقیدت کے طور پر منانے کا اعلان کیا ہے۔پی پی آئی کے مطابق پیپلز پارٹی تنظیمیں شہدا سانحہ کارساز یوم عقیدت ضلح سطح پر جلسے منعقد کریں گی پاکستان پیپلز پارٹی کے سیکرٹری جنرل پیپلز پارٹی سید نیر بخاری نے کہا ہے کہ چیرمین بلاول بھٹو زرداری ملک بھر میں یوم عقیدت کی تقریبات سے ٹیلی۔ فونک خطاب کریں گے یوم عقیدت پر شہدائے کارساز کی جرات اور بہادری کو سلام پیش کیا جائے گا۔
تلاش کریں
خبریں
قصور میں گدھے کے گوشت کی فروخت کا لا ہور ہائی کورٹ نے نو ٹس لے لیا
لاہور: لاہور ہائی کورٹ نے قصور میں گدھے کے گوشت کی فروخت کا نوٹس لیتے ہوئے سیشن جج سے ایک ہفتے میں رپورٹ طلب کرلی جبکہ غیرقانونی طور پر گوشت فروخت کرنیوالے گروہ کے سربراہ کو چھاپے کے دوران گرفتار کیا گیا تھا۔لاہور ہائی کورٹ نے نوٹس تحصیل میونسپل ایڈمنسٹریشن کی ٹیم کے چھاپے پر لیا، قصور میں اسسٹنٹ کمشنر شاہ رخ نیازی نے گدھے کا گوشت فروخت کرنے کی اطلاع پر دین گڑھ میں واقع ایک گودام پر چھاپہ مارا ،کارروائی میں 200 کلو گرام گوشت قبضے میں لیکر گودام مالک ملزم جارج مسیح کو گرفتار کرلیا گیا۔ملزم جارج مسیح کا کہنا ہے کہ وہ صابن بنانے کیلئے گدھے کے گوشت سے صرف چربی حاصل کرتا تھا، تاہم وہ اس بات کی وضاحت نہ کرسکا کہ گدھے کے گوشت کو گائے کی طرح کیوں کاٹا جارہا تھا۔ملزمان کے خلاف سلاٹر ایکٹ کے تحت مقدمہ درج کر لیا گیا، عدالت نے ڈسٹرکٹ اینڈ سیشن جج قصور کو واقعے کی تفصیلی رپورٹ ایک ہفتے میں پیش کرنے کا حکم دیا ہے۔
حیدر آبا د: مزدور یونین کا نجکا ری کے خلاف احتجاجی مظاہرہ
حیدرآباد: آل پاکستان واپڈا ہائیڈرو الیکٹرک ورکرز یونین سی بی اے کے مرکزی فیصلے کے مطابق آج سندھ میں تمام چھوٹے بڑے شہروں میں احتجاج کیا گیا۔ جبکہ سندھ کی سطح پر مرکزی ریلی یونین کے مرکزی صدر عبداللطیف نظامانی کی زیر قیادت میں لیبر ہال حیدرآباد سے نکالی گئی ۔ جس میں ہزاروں محنت کش بمعہ ٹرانسپورٹ شریک ہوئے۔ریلی اپنے مقررہ راستوں سے ہوتی ہوئی پریس کلب پہنچ کر جلسے کی شکل اختیار کرگئی جس سے خطاب کرتے ہوئے صدر یونین عبداللطیف نظامانی نے کہا کہ سرمائیہ دارانہ سوچ کی حامل حکومت نے ملک کے قومی اداروں کی نجکاری کے نام پر ”لوٹ سیل“ لگائی ہوئی ہے ۔انھوں نے کہاکہ قومی ادارے ہماری شناخت ہیں ہم پاکستان کی شناخت رکھنے والے قومی اداروں کو ایسٹ انڈیا کمپنی ہرگز ہرگز نہیں بنیں دینگے۔ ریلی سے دیگر مزدور رہنماﺅں نے بھی خطاب کیا ۔
ایشیا کپ : انڈیا کی افغانستان کے خلا ف 8وکٹوں سے کامیابی
ڈھاکا: ایشیا کپ کے لیگ میچ میں انڈیا نے افغانستان کو 8وکٹوں سے شکست دے دی۔ ڈھاکا میں کھیلے گئے آخری لیگ میچ میں افغانستان نے پہلے کھیلتے ہوئے 159رنز بنا کر آﺅٹ ہو گئی ،۔ جواب میں انڈیا کی ٹیم نے مطلوبہ ہدف دووکٹوں کے نقصا ن پر پورا کیا ۔ انڈیا کی طرف سے شیکھر دھون نے 60جبکہ ریہا نے 56رنز بنائے۔ میچ میں کامیابی کے باوجود اندیا فائنل کی دوڑ سے باہر ہو گیا ہے ۔ ایشیا کپ کا فائنل 8مارچ کو کھیلا جائے گا ۔
سابق چیف سلیکٹر محمد الیاس کی بر طرفی لا ہور ہائی کورٹ میں چیلنج
لاہور: قومی اور جونیئر کرکٹ ٹیم کے سابق چیف سلیکٹر محمد الیاس نے اپنی برطرفی کو لاہور ہائی کورٹ میں چیلنج کر دیا۔ عدالت نے پی سی بی سے دو ہفتے میں جواب طلب کر لیاہے۔سابق چیف سلیکٹر محمد الیاس نے عدالت میں دائر درخواست میں موقف اختیار کیا ہے کہ پی سی بی کی موجودہانتظامیہ نے انھیں بغیر نوٹس کے برطرف کیا اور برطرفی کی وجوہات بھی نہیں بتائی گئیں۔ انھیں عہدے سے ہٹانا غیر قانونی ہے۔ عدالت نے درخواست سماعت کے لئے منظور کرتے ہوئے پی سی بی سے دو ہفتے میں جواب طلب کر لیا۔ محمد الیاس کو ذکا اشرف کے دوسرے دور میں جونیئر ٹیم کا سلیکٹر بنایا گیا تھا تاہم نجم سیٹھی نے دوبارہ چیئرمین بننے کے بعد محمد الیاس کو بھی برطرف کر دیاتھا۔
قومی اسنوکرچیمپیئن شپ: آکاش نے خرم آغا کو شکست دیدی
کراچی: 39 ویں قومی اسنوکرچیمپیئن شپ میں آکاش رفیق نے خرم آغا کو شکست دے دی۔ کراچی میںمنعقد ہونے والے ٹورنامنٹ میں خیبر پختون خوا کے آکاش رفیق نے سندھ کے خرم آغا کو ایک کے مقابلے میں چار فریم سے آوٹ کلاس کر دیا۔ آکاش کو پہلے فریم میں بائیس اکیانوے سے مات ہوئی تاہم اگلے چاروں فریم میں آکاش نے عمدہ کھیل کے ذریعے خرم آغا کو شکست سے دو چار کر دیا۔ انھوں نے73۔43، 52۔15،63۔50 ،اور54۔47سے کامیابی حاصل کی۔ قومی جونیئر چیمپیئن میں ماجد علی نے محمد افضل کو چاردوفریم سے ہرایا۔ پنجاب کے عامرطارق نے سندھ کے ذوالفقار قادر کو زیر کیا۔
انڈو پاک پنجاب گیمزپاکستانی پنجاب نے جیت لیا
لاہور: لاہور میں منعقدہ انڈو پاک پنجاب گیمز پاکستانی پنجاب نے جیت لئے۔ گیمز میں مجموعی طور پرپاکستانی ایتھلٹس چھائے رہے ، مڈریسلنگ میں پاکستانی پہلوان صدیق مٹر موچی نے بھارتی پہلوان جگروپ سنگھ کو چت کردیا۔ لاہور میں ہونیوالی انڈو پاک پنجاب گیمز کے دوسرے اور آخری روز بھی پاکستانی مرد اورخواتین کھلاڑی چھائے رہے۔ویمنز آرم ریسلنگ میں میزبان پنجاب کی کھلاڑیوں نے دو صفر سے کامیابی سمیٹی جبکہ مینز آرم ریسلنگ میں دو ایک سے میدان مارا۔ باڈی بلڈنگ میں پاکستان نے بھارت کو دو ایک سے زیر کیا جبکہ ویٹ لفٹنگ میں پاکستان نے بھارت کو تین ایک سے شکست دی۔ویٹ لفٹرز احمد شہزاد،اظہرعامراورمستقیم بٹ نے تین مختلف ویٹ کٹیگریزمیں کامیابی سمیٹی۔ رسہ کشی کا مقابلہ پاکستان نے دو صفر سے اپنے نام کیا جبکہ مڈ ریسلنگ میں مجموعی طور پر ہونیوالے چار جوڑ میں سے تین پاکستان نے جیتے اور ایک برابر رہا۔سب سے بڑا جوڑ صدیق مٹر موچی پہلوان نے جگروپ سنگھ کو چت کرکے اپنے نام کیا۔