کوئٹہ (پی پی آئی)پاکستان پیپلز پارٹی بلوچستان کے پارلیمانی بورڈ کا اجلاس ہفتہ 30 ستمبر کو شام پانچ بجے جمالی ہاوس چمن ہاوسنگ اسکیم ائیر پورٹ روڈ پر طلب کرلیا گیا ہے، پی پی آئی کے مطابق اجلاس کی صدارت پارٹی کے صوبائی صدر میرچنگیز جمالی کریں گے۔

ریاض(پی پی آئی)مسلم لیگ ن کے رہنمامسلم لیگ ن کے سنئیر رہنما اور سابق وزیرِ مملکت برائے پانی و بجلی عابد شیر علی نے کہا ہے کہ نواز شریف جب بھی اقتدار میں آتے ہیں معیشت کا پہیہ چل پڑتا ہے۔جیسے ہی ملک کی سمت درست ہوتی ہے نواز شریف کے خلاف سازشیں بھی شروع ہو جاتی ہیں۔پی پی آئی کے مطابق وہ ادائیگی عمرہ کیلئے یہاں پہنچے ہیں انھوں نے کہا کہ نواز شریف کے سواکسی حکمران نے پاکستان میں ڈیلیور نہیں کیا نہ عوام کو ریلیف دیا ہے۔ میاں نوازشریف کاچوتھی بار وزیراعظم منتخب ہونا  بدیہی حقیقت ہے،ہمارے قائدکی وطن واپسی پرانکا شایان شان تاریخی استقبال ہوگا۔  انھوں نے کہا کہ صاف شفاف انتخابات ہوئے تو  سندھ باالخصوص کراچی میں بھی ماضی کی طرح ن لیگ بہتر کارکردگی دکھائیگی۔

کوئٹہ(پ ر) جے یو آئی کی دعوت پر سیاسی، مذہبی اور سماجی حلقوں کی مشاورتی بیٹھک اتوار یکم اکتوبر کوسہ پہر تین بجے رہبر جمعیت مولانا محمد خان شیرانی کی رہائش گاہ جناح ٹاون کوئٹہ میں منعقد ہوگی اجلاس میں جماعتوں کے درمیان مابین الاشتراک امور کا تعین کرکے ان کے حوالے سے  متفقہ موقف اختیار کرنے،  اور امن کے قیام کو یقینی بنانے کے ایجنڈے پر غور کیا جائے گا۔

حیدرآباد(پی پی آئی)اندرون سندھ سرکاری و نجی املاک پر بااثر افراد کے قبضوں کا سلسلہ ایک بار پھر زور پکڑ گیا ہے،اصل مالکان پربے بنیاد مقدمات قائم کر کے انھیں پریشان کیا جاریا ہے نیزعدالتوں میں ہزاروں کیسز التوا کا شکارہیں اداروں میں موجود بد عنوان افراد  رشوت کے عوض ہر جائز ناجائز کام قواعد و ضوابط کے بغیر انجام دے رہے ہیں جس کے باعث اصل مالکان اپنی جائیداد سے محروم  ہیں پی پی آئی کے مطابق  پیچیدہ عدالتی نظام کے باعث جائیدادوں کی ملکیت کے ہزاروں کے سیکڑوں کیسز التوا کا شکار  ہیں۔