پشاور (پی پی آئی)سکھوں کی ٹارگٹ کلنگ سمیت 10 وارداتوں میں ملوث کالعدم داعش کے 4 سہولتکاربڈھ بیڑسے گرفتارکرلیے گئے ہیں،ترجمان سی ٹی ڈی کے مطابق گرفتار چاروں سہولت کاروں کو سیفن چوک بڈھ بیڑ سے گرفتار کیا گیا جن کا تعلق افغانستان سے ہے
ڈیوس کپ ٹائی : اعصام الحق اور عقیل خان ٹرائلوں سے مستثنٰی قرار
شکیب الحسن ڈینگی بخار سے مکمل صحت یاب ہوکر ہسپتال سے گھر منتقل
اسٹیل ملز کیلئے 18ارب 60کروڑ کا بیل آﺅٹ پیکج مسترد کردیا گیا
گریم اسمتھ انجری کے باعث پاکستان کیخلاف بقیہ میچوں سے باہر ہوگئے
حیدرآباد: الطاف حسین کی کتاب سفر زندگی دانشوروں میں تقسیم
حیدرآباد: اراکین ایم کیو ایم کا حیدر آباد کی ضلعی انتظامیہ کی مذمت
تازہ ترین خبریں
- April 22, 2026
اشتہار
تازہ ترین
مشترکہ خوشحالی کی دہائی کے دوران شاہراہ ریشم پر ایک ہزار سالہ دوستی کا قیام
فوژو، چین، 27 ستمبر 2023ء/سنہوا-ایشیانیٹ/– اس سال مشترکہ طور پر “دی بیلٹ اینڈ روڈ” کی تعمیر کے بڑے اقدام کی دسویں سالگرہ ہے اور بنی نوع انسان کے مشترکہ مستقبل کے ساتھ ایک کمیونٹی کی تعمیر کے اہم تصور کی سالگرہ ہے۔ سلک روڈ انٹرنیشنل فلم فیسٹیول نے بھی اپنی دسویں سالگرہ منائی۔
23 سے 27 ستمبر تک ، 10 واں سلک روڈ انٹرنیشنل فلم فیسٹیول ، جس کی میزبانی چائنا میڈیا گروپ، صوبہ فوجیان کی عوامی حکومت ، اور شانسی صوبے کی عوامی حکومت نے کی، اور فوجیان صوبائی فلم بیورو، فوژو شہر کی عوامی حکومت، اور فلم چینل سی سی ٹی وی -6 کے زیر اہتمام فوژو میں منعقد ہوا۔
یہ فلم فیسٹیول “10 ویں سالگرہ” کے عنصر پر توجہ مرکوز کرے گا، جس کا موضوع “دنیا کی طاقت کو جمع کرنا اور شاہراہ ریشم کی کہانی بتانا”، بیلٹ اینڈ روڈ کے ساتھ فلم کے تبادلے اور تعاون کا پل کھڑا کرنا، بین الاقوامی ثقافتی تبادلے کا پلیٹ فارم تعمیر کرنا اور چین اور شاہراہ ریشم کی کہانی کو فلم کے ساتھ بیان کرنا ہے۔
شنہوا اسکرین میڈیا کمپنی لمیٹڈ کے مطابق ، فلم فیسٹیول کے افتتاحی دن سے، فیسٹیول کی تشہیری ویڈیوز ٹائمز اسکوائر، نیویارک، پیرس اورینٹل سینٹر اور بیجنگ ، شنگھائی، گوانگچو، شینزین اور فوژو جیسے متعدد گھریلو شہروں میں آؤٹ ڈور اسکرینوں پر مسلسل ظاہر ہوئی ہیں۔ انہیں ایک ہفتے تک مسلسل ہائی فریکوئنسی سکرولنگ پر نشر کیا گیا ہے، اور “پیرس اورینٹل سینٹر”، “ڈسکوور فوجیان” اور “ڈسکوور فوژو” جیسے مرکزی دھارے کے غیر ملکی سوشل میڈیا پلیٹ فارمز کے ساتھ ساتھ شنہوا نیوز ایجنسی کے تحت نئے میڈیا اکاؤنٹس جیسے “شنہوا اسکرین” کے ذریعے آن لائن دکھایا گیا ہے۔
ایک جامع مواصلاتی اثر قائم کرنے کے لئے، منتظمین نے چائنا ٹیلی کام کے ساتھ مل کر فلم فیسٹیول کے پروموشنل مواد کے لئے ویڈیو رنگ ٹون تیار کرنے کے لئے بھی تعاون کیا، جس میں شاہراہ ریشم کی کہانی کو بصری، صوتی، مضمون اور گرافک جیسے متعدد نقطہ نظر سے بتایا گیا اور فوژو کا انداز دکھایا گیا۔
ماخذ: شنہوا اسکرین میڈیا کمپنی، لمیٹڈ
تصویری منسلکات لنکس:https://iop.asianetnews.net/view-attachment?attach-id=442479
جذبہ خیر سگالی کے تحت جنگی بحری جہاز پی این ایس طارق برطانیہ کے سپرد
لندن/کراچی (پی پی آئی)پاکستان نے جذبہ خیر سگالی کے تحت جنگی بحری جہاز ’پی این ایس طارق‘ برطانیہ کے سپرد کر دیا۔پاک بحریہ نے حکومتی منظوری کے بعد سابق جنگی بحری جہاز پی این ایس طارق برطانیہ کے حوالے کیا۔پی پی آئی کے مطابق اس حوالے سے پاک بحریہ کے ترجمان کا کہنا ہے کہ پی این ایس طارق کی حوالگی کی تقریب لندن میں پاکستانی ہائی کمیشن میں منعقد ہوئی، جس کے مہمان خصوصی نیول چیف ایڈمرل محمد امجد خان نیازی تھے۔ترجمان پاک بحریہ کے مطابق برطانیہ نے پاکستان سے ایمیزون یا طارق کلاس ٹائپ21 جنگی جہاز کی حوالگی کی استدعا کی تھی۔برطانیہ پاکستان سے جہاز حاصل کر کے فالک لینڈ جنگ کی یادگار کے طور پر رکھنا چاہتا ہے، جہاز گلاسگو کے کلائیڈ میری ٹائم ہیری ٹیج سینٹر میں نمائش کے لیے رکھا جائے گا۔یہ جہاز پاک بحریہ کی جانب سے 4 اگست 2023ء کو ڈی کمیشنڈ کر دیا گیا تھا۔ سابق پی این ایس طارق تاریخی اہمیت کا حامل ہے، اس جہاز نے 1993میں پی این ایس طارق کے طور پر پاک بحریہ میں ضم ہونے سے پہلے دو دہائیوں تک رائل نیوی میں بطور HMS AMBUSCADE خدمات انجام دیں اور فالک لینڈز جنگ میں بھی حصہ لیا۔تین دہائیوں سے زائد عرصے میں پاک بحریہ میں اس جہاز نے اپنی خاص صلاحیتوں کی وجہ سے اپنا سکہ منوایا۔اس جہاز نے مالدیپ میں 2005 کے سونامی کے دوران امدادی مہم میں اہم کردار ادا کیا جس سے مختلف ملکوں کے 377 سیاحوں کی جانیں بچائی گئیں۔
شہر قائد کے کئی علاْقوں میں سڑکیں دھنسنے سے ٹریفک جام رہنے لگا
کراچی (پی پی آئی) کراچی میں غیر معیاری ترقیاتی کاموں کے ثبوت سامنے آنے لگے ہیں اور شہر قائد کے کئی علاْقوں میں سڑکیں دھنسنے کو واقعات سامنے آئے ہیں۔پی پی آئی کے مطابق شارع فیصل نرسری کے قریب سروس روڈ پر گہرا گڑھا پڑنے سے ٹرالر اس میں دھنس گیا۔سڑک پر 5 سے 6 فٹ کا گڑھا پڑنے سے سروس روڈ بند ہو گئی جس کی وجہ سے ٹریفک کی روانی متاثر ہو رہی ہے۔مز۔اسی طرح گرو مندر سے پیپلز چورنگی جانے والی سڑک پر بلدیہ آفس کے سامنے چار سے پانچ گز سڑک دھنسنے سے اسلامیہ کالج کی سمت جانے والوں کو طویل روٹ اختیار کر نا پڑ رہا ہے اور جگر مراد آبادی روڈ کی گھوڑا چورنگی پر صبح اور شام کے اوقات میں ٹریفک بھی جام رہتا ہے۔
تلاش کریں
خبریں
ڈیوس کپ ٹائی : اعصام الحق اور عقیل خان ٹرائلوں سے مستثنٰی قرار
(November 6, 2013)
کراچی: پاکستان کے ٹینس سٹار اعصام الحق قریشی اور عقیل خان ویت نام کے خلاف ڈیوس کپ ٹائی کےلئے قومی ٹیم کے ٹرائلوں سے مستثنٰی قرار دے دیا ۔پاکستان ٹینس فیڈریشن کے ترجمان کے مطابق چیئرمین ڈیوس کپ سلیکشن کمیٹی خواجہ سعید حئی ذاتی مصروفیات کے باعث دبئی روانہ ہوگئے ہیں جس کی وجہ سے فیڈریشن کے صدر سید کلیم امام نے ٹیم کے انتخاب کی ذمہ داری پیٹرن پی ٹی ایف سینیٹر دلاور عباس کو سونپ دی ہے ۔ویت نام کے خلاف ہونے والی ٹینس ٹائی کے لئے قومی ٹیم کے ٹرائل 7سے 12نومبر تک پاکستان سپورٹس کمپلیکس اسلام آباد میں ہوں گے ۔
شکیب الحسن ڈینگی بخار سے مکمل صحت یاب ہوکر ہسپتال سے گھر منتقل
(November 6, 2013)
ڈھاکا: بنگلہ دیشی کرکٹ ٹیم کے آل راﺅنڈر شکیب الحسن ڈینگی بخار سے مکمل صحت یاب ہوکر ہسپتال سے گھر منتقل ہوگئے ۔ شکیب الحسن نیوزی لینڈ کے خلاف ون ڈے سیریز سے قبل ڈینگی بخار میں مبتلا ہوگئے تھے ۔ گزشتہ روز بنگلہ دیشی وزیراعظم شیخ حسینہ واجد نے ہسپتال میں جاکر شکیب کی عیادت کی تھی ۔
اسٹیل ملز کیلئے 18ارب 60کروڑ کا بیل آﺅٹ پیکج مسترد کردیا گیا
(November 6, 2013)
اسلام آباد: وفاقی حکومت نے اسٹیل ملز کو بچانے کیلئے اٹھارہ ارب ساٹھ کروڑ روپے کا بیل آﺅٹ پیکج مسترد کردیا، نجکاری کیلئے منصوبہ بندی شروع کردی گئی۔ ذرائع کے مطابق تین رکنی کمیٹی نے اسٹیل ملز کو مالی بحران سے نکالنے کیلئے اٹھارہ ارب ساٹھ کروڑ روپے کا بیل آﺅٹ پیکج تجویز کیا تھا، جسے سیکریٹری صنعت و پیداوار شفقت نغمی کے زیرصدارت اجلاس میں مسترد کردیا گیا۔ ادارے کی نجکاری کیلئے جیسا ہے اور جہاں ہے، کی بنیاد پر یا تنظیم نو کے بعد نجکاری کے منصوبے پر غور کیا جارہا ہے۔ بورڈ نے اسٹیل ملز کے اکاﺅنٹس کے آڈٹ کا بھی فیصلہ کیا ہے تاکہ ادارے کی مالی صحت اور واجبات کے بارے میں صحیح اندازہ لگایا جاسکے۔ بورڈ نے کمیٹی کو رضاکارانہ علیحدگی کی اسکیم کیلئے حکمت عملی تیار کرنے کی ہدایت بھی کی ہے۔ اسٹیل ملزانتظامیہ کو پرائیویٹ سیکٹر کی تین کمپنیوں کی پیشکش پر غور کرنے کی بھی ہدایت کی گئی ہے، جنہوں نے تیارشدہ مصنوعات کے عوض خام مال کی فراہمی میں دلچسپی ظاہرکی،، تاہم حکومتی گارنٹی مسترد کردی۔
گریم اسمتھ انجری کے باعث پاکستان کیخلاف بقیہ میچوں سے باہر ہوگئے
(November 6, 2013)
دبئی: جنوبی افریقی ٹیسٹ ٹیم کے کپتان گریم اسمتھ ہیڈ انجری کے باعث پاکستان کیخلاف ون ڈ ے سیریزکے بقیہ میچوں سے باہرہوگئے۔دبئی ٹیسٹ کے دوران گریم اسمتھ پاکستانی فاسٹ بالرمحمد عرفان کی گیند سرپرلگنے سے زخمی ہوگئے تھے تاہم اس میچ میں اسمتھ نے ڈبل سنچری اسکورکی تھی۔ اسمتھ نے دبئی ٹیسٹ کے بعد ابتدائی دوون ڈے میچزمیں بھی حصہ لیا۔ پروٹیزٹیم کے منیجرمحمد موسی جی کے مطابق اسمتھ کی جانب سے چکرآنے اوردھندلے پن کی شکایت کے بعد ان کا ایم آرآئی کرایا گیا اوررپورٹ کے مطابق ان کے دماغ پرکوئی چوٹ نہیں ہے۔ ڈاکٹرزنے اسمتھ کودوہفتے آرام کا مشورہ دیا ہے۔ ٹیم منیجرکے مطابق اسمتھ جنوبی افریقہ روانہ ہورہے ہیں جہاں میڈیکل اسٹاف ان کی مانیٹرنگ کریگا۔ کرکٹ ساﺅتھ افریقہ نے بقیہ دوون ڈے میچوںکیلئے اسمتھ کی جگہ ہینری ڈیوڈزکواسکواڈ میں شامل کیا ہے۔
حیدرآباد: الطاف حسین کی کتاب سفر زندگی دانشوروں میں تقسیم
(November 5, 2013)
حیدرآباد: متحدہ سوشل فورم حیدرآباد کے زیرِ اہتمام دیال داس کلب حیدرآباد میں الطاف حسین کی سیاسی و انقلابی جدوجہد پر مبنی کتاب( سفرِزندگی) حیدرآباد کے دانشوروںمیں تقسیم کرنے ایک تقریب منعقد کی گئی ۔ متحدہ قومی موومنٹ حیدرآباد زون کے جوائنٹ زونل انچارجز راشد ممتاز ،عابد غوری ، متحدہ سوشل فورم حیدرآباد کے انچارج ارشد قریشی واراکین او ردانشوروں کی کثیر تعدادنے تقریب میں شرکت کی ، عابد غوری نے خطاب کرتے ہوئے کہاکہ الطاف حسین کی کتاب ہمیں زندگی میں آنے والے طوفانوں کا بلند عزم و ہمت ، استقامت ، جرات ، ذہانت سے متحد ہوکر مقابلہ کرنے کاشعوردیتی ہے ،انھوں نے کہاکہ ملک کے مظلوم ومحکوم عوام الطاف حسین کو اپنانجات دہندہ مانتے ہیں اور قائدِ تحریک کی انقلابی جدوجہد کا ہر لمحہ اٹھانوے فیصد عو ام کا قیمتی ترین اثاثہ ہے اور قائدِتحریک کی انقلابی جدوجہد کے ابتدائی حالات پر مبنی کتاب سفرِ زندگی عوام کے شعور کو اُجاگر کر کے معاشرے میں تبدیلی کی نوید ثابت ہوگی، کتاب راہِ حق کے مسافروںکے لیے ایک انمول تحفہ ہے ،انھوں نے کہاکہ الطاف حسین نے اپنی زندگی عوام کے جائز حقوق کے حصول کےلئے وقف کر رکھی ہے ،بعدازاںمتحدہ قومی موومنٹ حیدرآباد زون کے جوائنٹ زونل انچارجز راشد ممتاز ،عابد غوری اور متحدہ سوشل فورم حیدرآباد کے انچارج ارشد قریشی نے تقریب میں شریک دانشوروں کو الطاف حسین کی سیاسی و انقلابی جدوجہد پر مبنی کتاب( سفرِ زندگی) تحفتاً پیش کی گئی۔
حیدرآباد: اراکین ایم کیو ایم کا حیدر آباد کی ضلعی انتظامیہ کی مذمت
(November 5, 2013)
حیدرآباد: حق پرست اراکین قو می و صوبائی اسمبلی حیدرآباد نے حیدرآباد کی ضلعی انتظامیہ کی بے حسی کی شدید مذمت کرتے ہوئے کہاکہ محرم الحرام کی آمد آمد ہے اور ہم حیدرآباد کی ضلعی انتظامیہ کو عزادارانِ حسین اور دیگر شہریوں کو پیش آنے والی مشکلات سے کئی مرتبہ آگاہ کر چکے ہیںکہ خصوصاً جلد از جلد امام بارگاہوں ، ماتمی جلوسوں اور مساجد کو جانے والی گزرگاہوں کی فوری استر کاری کرنے کے ساتھ گلیوں اور سڑکوں کی صفائی ستھرائی اور امام بارگاہوں ، ماتمی جلوسوں اور مساجد کے راستوں پر اسٹریٹ لائٹس کے انتظامات کو بھی بہتربنایا جائے تاکہ عزادارنِ حسین سمیت دیگر شہریوں کو تکلیفوں کا سامنا نہ کرنا پڑے، اور سب مل کر سکون سے اس مقدس مہینے کو منا سکیں ،لیکن حیدرآباد کی اہم شاہراہوںسمیت امام بارگاہوں ، ماتمی جلوسوں اور مساجد کو جانے والی گزرگاہیں اب بھی ٹوٹی ہوئی ہیںاوران پر بہتا سیوریج کا پانی اور کچرے کے ڈھیر اور ان راستوں پر اسٹریٹ لائٹس کا موجود نہ ہونا حیدرآباد کی ضلعی انتظامیہ کی نااہلی اور بے حسی کی کھلی عکاسی کرہا ہے ۔