لاہور: اوپنر بلے بازوں عمران نذیر اور یاسر حمید نے ایک بار پھر پاکستان کی نمائندگی کرنے پر نظریں جمالیں۔کھلاڑیوں کا کہنا ہےکہ ڈومیسٹک میں عمدہ کارکردگی دکھانے کی بنا پر سلیکٹرز کو انہیں آزمانا چاہیئے۔لاہور میں میڈیا سے بات چیت کرتے ہوئے عمران نذیر کا کہنا تھا کہ وہ کبھی ہمت نہیں ہارتے کیونکہ کرکٹ ان کے خون میں ہے،ڈومیسٹک سیزن میں ان کی کارکردگی تسلی بخش رہی ہے اور وہ پرامید ہیں کہ دوبارہ پاکستان کی نمائندگی کریں گے جبکہ یاسر حمید نے کہا کہ وہ اسپاٹ فکسنگ کے حوالے سے تمام چیزیں بھلا چکے ہیں اور ان کی تمام تر توجہ کرکٹ پر مرکوز ہے اور یہی وجہ ہے کہ ان کی ڈومیسٹک میں کارکردگی بھی انتہائی شاندار ہے اور وہ پاکستان کیلئے دوبارہ کھیلنے کے ایک موقع کی تلاش میں ہیں۔ان کا کہنا تھاکہ پرفارم کرنا ان کا کام ہے،سلیکٹ کرنا یا نہ کرنا سلیکٹرز کا کام ہے۔

نئی دہلی: بھارت ہاکی فیڈریشن کے سیکریٹری نریندر بٹرا نے کہا ہے کہ ان کی ٹیم رواں سال ملائیشیا میں ہونے والی 23ویں اذلان شاہ ہاکی ٹورنامنٹ میں حصہ نہیں لے گی ۔نریندر بٹرا کے مطابق کوچ اور ڈائریکٹر نے فیصلہ کیا ہے کہ رواں سال ہالینڈ میں ہونے والا عالمی کپ بھارت کے لئے زیادہ اہم ہے اس لئے ورلڈ کپ کی تیاریوں کے باعث وہ اذلان شاہ کپ میں اپنی ٹیم نہیں بھیجیں گے ۔بھارت کی ٹیم پانچ بار اذلان شاہ ہاکی کپ جیتنے کا اعزاز رکھتی ہے ۔ان کا مزید کہنا تھا کہ بھارتی ہاکی ٹیم کو عالمی کپ کی پریکٹس کے لئے یورپ بھیجا جارہا ہے اس لئے ملائیشین منتظمین سے معذرت کرلی گئی ہے۔

نئی دہلی : بھارتی کرکٹ بورڈ نے رواں سال بنگلہ دیش میں شیڈول ورلڈ کپ ٹی 20کے لئے ممکنہ 30کھلاڑیوں کے ناموں کا اعلان کردیا ۔ وریندر سہواگ اور گوتم گمبھیرکا نام کھلاڑیوں میں شامل نہیں ہے ۔اعلان کردہ کھلاڑیوں میں شیکھر دھون،کرن شرما، پارتھیوپٹیل ،شہباز ندیم ،ویرن ایرون ،اجنکیا رہانے ،ویرات کوہلی ،روہت شرما،سریش رائنا،امباتی رائیڈو،مہندر سنگھ دھونی ،دینش کارتک ،رویندر جدیجا،روی چندرن ایشون ،بھونیشور کمار ،محمد شامی ،اشانت شرما،ونے کمار ،اسٹوارٹ بنی ،موہت شرما ،کیدار جادیو،یوراج سنگھ ،امیت مشرا،رجات بھاٹیا ،سنچو سمسن ،ایشور پانڈے ،امیش یادیو،انمکت چند،مندیب سنگھ اور ہربھجن سنگھ کے نام شامل ہیں ۔

آکلینڈ: کیوی آل راﺅنڈر کورے اینڈرسن اور جمی نیشام کی بھارت کے خلاف پہلے ون ڈے میں شرکت مشکوک ہوگئی ۔ نیوزی لینڈ کرکٹ ٹیم کے ہیڈ کوچ مائیک ہیسن نے کہا ہے کہ کورے اینڈرسن کو تھکاوٹ کے باعث آرام کی ضرورت ہے ۔ انہوں نے لیوک رونچی کی حالیہ پرفارمنس پر انتہائی مسرت کا اظہار کیا ہے ۔

کرائسٹ چرچ: نیوزی لینڈ کرکٹ بورڈ کی سلیکشن کمیٹی نے بھارت کے خلاف ون ڈے سیریز کے لئے 13رکنی کیوی اسکواڈ کا اعلان کردیا گیا ۔اعلان کردہ ٹیم میں برینڈن میکولم(کپتان )،کورے جے اینڈرسن ،مارٹن گپٹل ،مچل میک گلیشن ،نیتھن میک کولم کائل ملز ،ایڈم ملینے ،جمیز مشن ،لیوک رونچی (وکٹ کیپر )جیسی رائیڈر ،ٹم ساﺅتھی ،راس ٹیلراور کین ولیم سن شامل ہیں ۔