سکھر(پی پی آئی)سی ٹی ڈی سندھ نے صوبہ بھر میں پکڑے گئے ملزمان کی نشاندہی پر چھینے گئے موبائل فونزکی خریدو فروخت میں ملوث دکان داروں کی گرفتاری کیلئے ٹیمیں تشکیل دی ہیں۔پی پی آئی کے مطابق سی ٹی ڈی سندھ نے اسٹریٹ کرائمز میں ملوث ایک بڑے نیٹ ورک کا پتہ چلایا ہے جس کے گرفتار کارندوں کی نشاندہی پر چھینے گئے موبائل فون خریدنیوالے دکان داروں کی گرفتاری کے ساتھ ساتھ اس نیٹ ورک میں شامل سندھ کے دیگر شہروں کے ملزمان کی گرفتاری کیلئے ٹیمیں تشکی بھیجی گئی ہیں

حیدر آباد (پی پی آئی) سندھ بھرمیں جشن میلادالنبیﷺ کا اہتمام عروج پر  ہے جابجاسبز پرچموں کی بہار دکھائی دیتی ہے اور ہرسو درودو سلام کی صدائیں گونج رہی ہیں، شہر و مضافات برقی قمقموں سے جگمگانے لگے ہیں‘ پی پی آئی کے مطابق دعوت اسلامی، جماعت اہلسنت و دیگر دینی تنظیموں کی جانب سے شہر بھر میں سجاوٹ کی جا رہی ہے ۔ماہ میلادالنبی ﷺکے دوران مساجد و خانقاہوں میں محافل ذکر ولادت،جلسہ ہائے میلادالنبی،حسن نعت و قرات کے مقابلوں کیساتھ ساتھ تعلیمی اداروں، بازاروں،سرکاری و غیرسرکاری اداروں،دفاترمیں محافل درودوسلام کا انعقاد شروع ہے۔

 کراچی(پی پی آئی)) تھائی لینڈ کے سفیر چاکریڈ کرائچائیونگ نے کہا ہے کہ تھائی ایئرویز پاکستان کیلئے اپنے فضائی روابط دوبارہ شروع کررہی ہے۔ اسلام آباد سے 4 جبکہ کراچی اور لاہور سے ہفتہ وار 5 پروازیں شروع کی جائیں گی۔پی پی آئی کے مطابق انہوں نے کہا کہ پاکستان تھائی لینڈ کیلئے وسطی ایشیا اور مشرق وسطیٰ کیلئے گیٹ وے ہے۔

مظفر آباد(پی پی آئی))وزیر اعظم کی معاون خصوصی برائے انسانی حقوق و خودمختاریِ خواتین مشعال حسین ملک نے کہا ہے کہ سفاک بھارتی فورسز نے اختلافی آوازوں کوبدترین دہشت گردی کا نشانہ بنایا اور وہ مقبوضہ جموں و کشمیر میں جنگی جرائم کا ارتکاب کر رہی ہیں۔پی پی آئی کے مطابق مشعال حسین ملک نے کہا کہ فاشسٹ بھارتی فوجیوں نے اپنی ریاستی دہشت گردی کی تازہ کارروائی میں مسلسل محاصرے اور تلاشی کی کارروائیوں کے دوران دو کشمیری نوجوانوں کو شہید کیا تاہم بھارتی فورسز کی وحشیانہ اور غیر انسانی کارروائیوں پر عالمی برادری اور انسانی حقوق کی تنظیموں کی طرف سے خاموشی انتہائی قابل افسوس ہے۔