اسلام آباد (پی پی آئی)جنوری میں متوقع عام انتخابات میں معاونت کے لیے الیکشن کمیشن کا تقریباً 10 لاکھ افراد کی خدمات حاصل کرنے گا۔پی پی آئی کے مطابق ابتدائی تخمینوں کے مطابق پولنگ عملے کے تقریبا سات لاکھ ارکان ہوں گے، اور سیکیورٹی اہلکاروں سمیت یہ تعداد تقریباً 900,000 سے 10 لاکھ تک پہنچ جائے گی۔کمیشن نے پریذائیڈنگ افسران، اسسٹنٹ پریزائیڈنگ افسران اور پولنگ عملے کی فہرست مرتب کر لی ہے۔ملک بھر میں کل 10,7361 افسران کو تعینات کیا جائے گا۔
نیس اوپن ٹینس: جان انسر، نکولس تیسرے مرحلے میں
حکام سپریم کورٹ کے احکامات پر عمل کرانے سے قاصر
جماعت اسلامی حیدرآباد کے رہنماﺅں کا اظہار تعزیت
ہماری سیاست کا مقصد عوام کی ترقی اور معیار بلند کرنا ہے: سردار ملک اسد
جمعیت علما پاکستان حیدر آباد کا مفتی منیب الرحمٰن سے تعزیت
بین الصوبائی انڈر 16گرلز تائی کوانڈو چمپئن شپ میںسندھ فاتح
تازہ ترین خبریں
- April 23, 2026
- April 22, 2026
اشتہار
تازہ ترین
چترال میں شادی کے وقت داماد سے بندوق اور بیل مانگنے کی مکروہ رسم پر پر پابندی
چترال(پی پی آئی)چترال میں شادی کے وقت داماد سے بندوق اور بیل مانگنے کی مکروہ رسم پر جرگہ نے پابندی عائد کر دی ہے۔کیونکہ یہ رواج چترال میں عام ہے جس کو ہر صورت پورا کرنا پڑتا ہے۔’ولیمے اور شادی بیاہ کی نسبت ان غیر ضروری رسومات کی وجہ سے اخراجات دگنا ہوجاتے ہیں۔ اَپر چترال میں شادی کے وقت سسر کے مانگنے پر نقد پیسوں کے علاوہ گاڑی بھی دی جاتی ہے۔ چترالی ثقافت میں ’داماد سے شادی بیاہ میں مطالبات کرنے کی رسم قدیم دور سے چلی آ رہی ہے۔‘ داماد سے لڑکی کا باپ یا بھائی ڈیمانڈ کرتا ہے جسے ’بار‘ کہا جاتا ہے جبکہ اس رسم کو ’مل‘ کے نام سے بھی پکارا جاتا ہے۔چترال کی مقامی رسم کے تحت دلہا اپنے سسر کو بیل اور بندوق تحفے میں دیتا ہے ’گزرے زمانے میں داماد سے تلوار، گائے، بیل یا گھوڑے کا مطالبہ کیا جاتا تھا مگر اب دور جدید میں نقد پیسے، گاڑی یا پھر موبائل وغیرہ مانگا جاتا ہے۔‘داماد جب ولیمے کے بعد ساس سے ملنے جاتا ہے تو الگ سے تحائف کا خرچہ برداشت کرتا ہے جبکہ ’کولی بار‘ کی رسم دلہن کے گھر والے پوری کرتے ہیں۔ ’ان رسومات کو چترال کا ہر باسی مجبوراً پورا کر رہا ہے حالانکہ ان کا سنت یا شریعت سے کوئی تعلق نہیں ہے۔‘ اَپر چترال کے علاقے کھوت میں ایک جرگہ تشکیل دیا گیا جس میں گاؤں کے علما، اساتذہ اور تمام طبقہ فکر کے افراد شامل تھے جس نے غیر ضروری رسومات پر پابندی لگانے کی قرار داد متفقہ طور پر منظور کی۔ اس قرار داد کے تحت اب سسرال کی جانب سے دلہے سے بندوق، جانور یعنی بیل اور پیسے مانگنے پر پابندی ہوگی ’کھوت گاؤں 25 سو گھرانوں پر مشتمل ہے جہاں اس متفقہ قرار داد کی منظوری کے بعد یہ رسومات پوری نہیں کی جائیں گی۔ کسی شہری نے اگر خلاف ورزی کی تو اس کا سماجی بائیکاٹ ہو گا۔‘
سینیئر پاکستانی صحافی ارشد شریف کی پہلی برسی منائی گئی
اسلام آباد (پی پی آئی) سینیئر پاکستانی صحافی ارشد شریف کی پہلی برسی پیر کو منائی گئی،انہیں ایک برس سال قبل پیر 23اکتوبر کے دن کینیا میں مبینہ پولیس مقابلے کے دوران قتل کر دیا گیا تھا۔پی پی آئی کے مطابق23 اکتوبر 2022 کو کینیا کے شہر نیروبی میں مگاڈی ہائی وے پر پیش آنے والے اس واقعے کو بعد ازاں کینیا کی پولیس کی جانب سے غلط شناخت کا واقعہ قرار دیا گیا تاہم ارشد شریف کے قتل کیس کی تحقیقات میں کینیا پولیس کے مؤقف میں تضاد پایا گیا۔ پاکستانی سپریم کورٹ نے صحافی ارشد شریف کے قتل پر ازخود نوٹس بھی لیا تھا۔
محکمہ تعلیم سندھ سے اسکولوں میں زیرتعلیم افغان بچوں کا ڈیٹا طلب
کراچی(پی پی آئی) غیر قانونی طور پر مقیم اتارکین وطن کیخلاف آپریشن میں 8دن رہ گئے،سرکاری اداروں نے کراچی میں غیرقانونی طورپر مقیم غیرملکی باشندوں کی فہرستیں تیار کر لی ہیں۔پی پی آئی کے مطابق ڈی پورٹ کرنے کے انتظامات ہنگامی بنیادوں پر مکمل کئے جا رہے ہیں۔ اسپیشل برانچ کی رپورٹ کے مطابق کراچی میں 4 لاکھ جبکہ غیرسرکاری سروے کے مطابق سندھ بھر میں 10 لاکھ سے زائد افغان تارکین وطن موجود ہیں۔
تلاش کریں
خبریں
نیس اوپن ٹینس: جان انسر، نکولس تیسرے مرحلے میں
(May 22, 2014)
نیس: نیس اوپن ٹینس کے دفاعی چیمپئن امریکی ا سٹار جان انسر اور نیکولس نیس اوپن ٹینس ٹورنامنٹ کے تیسرے راونڈ میں پہنچ گئے،اعصام الحق اور بوپنا پر مشتمل پا ک بھارت جوڑی ڈبلز کے سیمی فائنل میں پہنچ گئے ۔نیس میں جاری اے ٹی پی ٹینس ٹورنامنٹ کے دوسرے راونڈ میں عالمی نمبر گیارہ جان انسر نے ہم وطن امریکی حریف جیک سوک کو سٹریٹ سیٹس میں شکست دی۔ انسر کی سٹریٹ سیٹس میں کامیابی کا سکور 6-4اور6-3 رہا۔ مینز سنگلز کے دیگر مقابلوں میں فرانس کے نیکولس کو ارجنٹائن کے کارلوس برلوک سے6-2 اور6-3 کی اپ سیٹ شکست کا سامنا کرنا پڑا۔ا سپین کے البرٹ نے امریکہ کے سیم کیوری کو دلچسپ مقابلے کے بعد زیر کر کے اگلے راونڈ میں جگہ بنائی جبکہ فرانس کے جائلز سائمن نے ان سیڈڈ آسٹریا کے ڈومینک کو آوٹ کلاس کیا۔ ڈبلز کے مقابلوںمیں پاکستان کے اعصام الحق اور بھارت کے روہن بوپنا پر مشتمل جوڑی نے کوارٹر فائنل میں اٹلی کے ڈینئل براسیالی اور آسٹریا کے اولیور ماراچ کو شکست دے کرسیمی فائنل کے لیے کوالیفائی کر لیا۔
حکام سپریم کورٹ کے احکامات پر عمل کرانے سے قاصر
(May 22, 2014)
میر پورخاص: سپریم کورٹ کے احکامات کے باوجود بلدیہ میرپورخاص انتظامیہ او پی ایس ملازمین کو ان کی اصل پوسٹوں پر بھیجنے میںناکام ، نچلے گریڈ کے 22ملازمین اعلی پوسٹوں پرتاحال کام کر رہے ہیں۔ تفصیلات کے مطابق 9مئی 2014کو سپریم کورٹ نے حکومت سندھ کو حکم دیا تھا کہ او پی ایس پے سیکیل ملازمین کو فوری طور پراصل گریڈ کی پوسٹوں پر تعینات کیا جائے، بلدیہ میرپورخاص کی انتظامیہ نے سپریم کورٹ کے حکم کو یکسر نظر انداز کر دیا ہے ۔ذرائع کے مطابق بلدیہ میرپورخاص میں نچلے گریڈ کے 22ملازمین اعلیٰ گریڈ کی پوسٹوں پر ابھی تک کام کر رہے ہیں جنھیں مختلف سیاسی جماعتوں کی سرپرستی حاصل ہے۔
جماعت اسلامی حیدرآباد کے رہنماﺅں کا اظہار تعزیت
(May 22, 2014)
حیدر آباد: جماعت اسلامی کے رہنماﺅں کامفتی منیب الرحمٰن کے صاحب زادے اور سینئرصحافی رئیس کمال کی والدہ کے انتقال پر ملال کااظہارکیاہے جماعت اسلامی کے ضلعی رہنماشےخ شوکت علی ، رانامحمودعلی خان ،رضوان احمدگدی، حافظ طاہرمجیدراجپوت ،عبدالحمیدقریشی ،احمدمظہوراشرف ودیگر نے معروف عالم دین اور مرکز ی رویت ِہِلال کے چیئرمین پروفیسر مفتی منیب الرحمان کے جواں سال صاحب زادے ضیاءالرحمان کے انتقال پر گہرے دکھ کااظہارکیاہے ،حےدرآبادکے سینئرصحافی رئیس کمال کی والدہ کے انتقال پر افسوس کااظہارکیاہے جماعت اسلامی کے رہنماﺅں نے مرحومین کے لیے مغفرت اور لواحقین کے لیے صبرجمیل کی دعاکی ہے ۔
ہماری سیاست کا مقصد عوام کی ترقی اور معیار بلند کرنا ہے: سردار ملک اسد
(May 22, 2014)
حیدر آباد: پیپلزپارٹی کے رُکن قومی اسمبلی سردار ملک اسد سکندر خان نے کہا ہے کہ ہماری سیاست کا مقصد عوام کی ترقی، خوشحالی اور ان کا معیار بلند کرنا ہے، پی پی بلاتفریق عوام کی خدمت پر یقین رکھتی ہے او رہم بھی جامشورو ڈسٹرکٹ کی عوام کی ترقی ، خوشحالی اور ان کے مسائل کے حل کے لیے جدوجہد کررہے ہیں ان خیالات کااظہار انہوں نے ضلعی سیکریٹریٹ میں کھلی کچہری کے دوران عوامی وفود سے گفتگو کرتے ہوئے کیا۔رُکن قومی اسمبلی سردار ملک اسد سکندر نے کہاکہ کوٹری سائٹ کی آبادیوں میں واٹر سپلائی اسکیموں پر کام جاری ہے جو جلد پورا ہوجائے گا ، ٹیلیگراف ریلوے کراسنگ پر اُوور ہیڈ برج منصوبے پر بھی جلد کام شروع ہوگا تاکہ یہاں کے عوام کو پریشانی سے نجات حاصل ہوسکے، انھوں نے کہاکہ ہم عوامی منتخب نمائندے ہیں اور یہاں کے عوام کو درپیش مسائل سے نجات دلاکر رہیں گے، ہم نے ہمیشہ عوام کے حقوق اور ان کے مسائل کے حل کے لیے جدوجہد کی ہے ، کوٹری سمیت جامشورو ڈسٹرکٹ میں ترقیاتی منصوبے شروع کئے ہیں جن کے مکمل ہونے سے یہاں کی عوام کے بہت سے مسائل حل ہونگے۔انہوں نے کھلی کچہری میں بڑھتی ہوئی شکایات پر پولیس افسران کو ہدایات دیں کہ وہ عوام کے جان ومال کے تحفظ کو یقینی بنائیں۔
جمعیت علما پاکستان حیدر آباد کا مفتی منیب الرحمٰن سے تعزیت
(May 22, 2014)
حیدر آباد: جمعیت علماءپاکستان حیدرآباد کی جانب سے ممتاز عالم دین رویت ہلال کمیٹی کے چیئرمین مفتی منیب الرحمن کے فرزند کےایصال ثواب کے لیے رکن الاسلام جامعہ مجددیہ ہیرآباد حیدرآباد میں قرآن خوانی و فاتحہ خوانی کی گئی جس میں جمعیت علماءپاکستان سندھ کے ڈپٹی جنرل سیکریٹری ناظم علی آرائیں ،صاحبزادہ عزیر محمود الازھری ،علامہ محمد طاہر الطاہری ،محمد رضوان شیخ نے خصوصی شرکت کی اور فاتحہ خوانی کرتے ہوئے مر حوم کے درجات کی بلندی اور شفاعت مصطفی ﷺ کےلئے خصوصی دعائیں کیں۔ جمعیت علماءپاکستان کے صدر ڈاکٹر صاحبزادہ ابوالخیر محمد زبیر ،سیکریٹری جنرل پیر محمد محفوظ مشہدی ،پیر ناصر جمیل ہاشمی مرکزی سیکریٹری اطلاعات ڈاکٹر محمد یونس دانش ،شبیر ابوطالب اور دیگر نے اپنے مشترکہ بیان میں مفتی منیب الرحمن سے ان کے جوان سال صاحبزادے کے انتقال پر تعزیت کا اظہار کرتے ہوئے مرحوم کے درجات کی بلندی کے لیے خصوصی دعاکی کہ اللہ تعالیٰ مرحوم کو اپنے جوار رحمت میں جگہ عطا فرمائے اور بروزقیامت شفاعت مصطفی ﷺ نصیب کرے۔ انھوں نے مفتی منیب الرحمن سے تعزیت کا اظہار کرتے ہوئے کہا کہ اللہ تعالیٰ آپ کو اس غم برداشت کرنے صبر جمیل عطا فرمائے۔
بین الصوبائی انڈر 16گرلز تائی کوانڈو چمپئن شپ میںسندھ فاتح
(May 22, 2014)
حیدر آباد: بین الصوبائی انڈر 16گرلز تائی کوانڈو چمپئن شپ 2013-14 کے فائنل میں سندھ کی ٹیم نے پنجاب کی ٹیم کو شکست دیکر ٹائٹل اپنے نام کردیا۔محکمہ کھیل و امور ِ نوجوانان کے تعاون سے پاکستان اسپورٹس بورڈ کی جانب سے پی ایس بی بین الصوبائی انڈر 16گرلز تائی کوانڈو چمپئن شپ 2013-14 میں سندھ کی ٹیم نے پنجاب کی ٹیم کو شکست دیکر ٹائٹل اپنے نام کردیا۔ 42کے جی کے مقابلے میں سندھ کی مہوش نے پنجاب کی حفصہ کو شکست دی، 44کے جی کے مقابلے میں سندھ کی عمیمہ نے پنجاب کی امیرا طارق کو، 46کے جی کے مقابلے میں سندھ کی عریبہ نے پنجاب کی نرگس کو49کے مقابلے میں عائشہ نور نے پنجاب کی رباب کو جبکہ 52کے جی کے مقابلے میں پنجاب کی فرح نے سندھ کی نورالعین کو شکست دیکر مقابلہ جیت لیا۔سندھ کی ٹیم نے 5گولد میڈلزاور 2سلور میڈلز اجبکہ پنجاب کی ٹیم نے 5سلور اور 2گولڈ میڈلز حاصل کیے اس موقع پر سید برکات احمد رضوی سابق ایڈمنسٹریٹر حیدرآباد میٹروپولیٹن مہمان خصوصی اورسید راحت علی شاہ، عقیل احمد، ارشاد علی مخدوم نے کھلاڑیوں میں انعامات تقسیم کیے۔تقریب میں کھلاڑیوں اور شائقین کی کثیر تعداد موجود تھی ۔